Классик инсон

2022-07-31 13:29:11 Sevgisiz yashash osonroq, ammo usiz yashash ma'nosiz Ochish/sharhlash

2022-07-30 14:23:34 Nikoh – ikki xil asab tizimining tinch-totuv yashashidir.

Emil Krotkiy

@kitob_ombori Ochish/sharhlash

2021-05-05 01:42:51 Ёш китобхон танлови ҳақида

Бугун опам телевизорда "Ёш китобхон" танловини кўриб ўтирганларига кўзим тушиб қолди ва мен ҳам бир оз томоша қилишга қарор қилдим. Шу танловнинг биринчи йилида (адашмасам 2018), ойим, опам ва мен ҳар бир ёш тоифасини биргалашиб томоша қилганмиз. Ҳар бирида биттадан иштирокчига бўлишиб олиб, мухлислик қилардик. Ундаги эмоциялар, иштирокчиларнинг хурсандчиликлари-ю кўз ёшлари – жуда ёқимли дамлар...

Ўзим қатори бўлган йигит қизларни кўриб чин дилдан ҳавас қилардим. Мактаб пайтлари сўнгги икки йилда (ўша пайт 9-синф бўлганман чоғи) чорак баҳосига биронта 4 туширмаган, қизил аттестат олишга синфдаги ягона даъвогар, туман олимпиадаси ғолиби ва ўзини яхшигина билимдон ҳисоблаган мен, уларни кўриб бурним анча пастга тушган очиғи.

Майли, айтмоқчи бўлган асосий масалам бу эмас. Муҳими, шу кўрсатувнинг сўнггида бошловчининг "Завод тўла Спарк, кутубхона тўла китоб. Китоб ўқинг ва Спарк ютинг" — деган гапи мени ўйлантириб қўйди.

Биринчидан, шунча китоб ўқиб, хотираси Республикамиздаги энг топ даражада бўлган иштирокчиларнинг 14тасидан (вилоятлар кесимида) атиги битта донасигина Спарк ютади. Ахир, шу босқичгача етиб келганига, буларнинг ҳар бири Спаркка ҳақлику...

Иккинчидан, нимага биринчи ўринга 4чи йил қаторасига Спарк? Инфляциячи, ҳисобга олинмайдими? Умуман олиб қараганда нимага биринчи ўринга Спарк? Тушунинглар, юқори даражадаги ақл-заковатга эга бўлган мутолаа шинавандалари орасида ҳисобланган, Республика босқичигача етиб келган ва барча вилоятларнинг энг зўрларидан устун келган китобхон, яъни 1чи ўрин эгаси жуда бўлмаганда Малибу 2га лойиқ-ку!

Аҳир давлат бюджетидан Сардоба сув омборига ўхшаган қурилишлар учун миллиардлаб пул ажратилябти-ку. Бир йилда бир марта, 3 ёш тоифасида бўлади танлов, бу дегани 3 дона Спарк бир йилда. Кулгили... Нега энди, бу китобхонларга тузукроқ совға берилмайди? Иккинчи ўринга, адашмасам, компьютер; учинчи ўринга, бир қути китобгина бериляпти!

Майли давлат бюджетидан унақа катта сумма ажратилишининг иложи йўқлигига ишондик ҳам дейлик. Лекин, нимага хусусий сектордагиларнинг ҳеч қайсиси тайинли ҳомийлик қилмаяпти? Ҳалқимизга на маънавий, на маданий фойдаси тегмайдиган теле-шоучаларга ҳомийлик деса қўша-қўша машиналарни совға қилиб юборишади-ку. Эхх..

Учинчидан, завод тўла Спарк дейишди... Хабарлари йўқ шекилли. Ҳозир Спарк механикасини умуман чиқармаяпти завод, табиийки сотувда ҳам янгиси йўқ. Фақат 4чи позиция, автомат коробка, нархи 94 миллион бўлган Спаркларни сотишяпти. Ва бу бизнинг айни дамдаги энг арзон машинамиз.

Тўртинчидан, рағбатлантиришни янада бойитиш керак эмасмикан?! Яъни "Зулфияхоним" мукофотига ўхшаб, Президентимизни шаҳсан ўзлари медал тақиб қўйсалар арзийдику шу ғолибларга... Улар кўп эмас бир йилда 3 дона чиқади!

Шунчаки : telegram.me/klassik_inson Ochish/sharhlash

2021-04-07 19:38:51 Муваффақият бу "Ҳаёт" деб номланувчи осмонўпар бинонинг юқори қавати. Унга зинада қийналиб чиқсангиз ҳам, тезюрар лифтда қайтиб тушишингиз мумкин. Номаълум (қисман ўзим) telegram.me/klassik_inson Ochish/sharhlash

2021-04-05 12:00:15 Муваффақият бу "Ҳаёт" деб номланувчи осмонўпар бинонинг юқори қавати. Унга зинада қийналиб чиқсангиз ҳам, тезюрар лифтда қайтиб тушишингиз мумкин.

Номаълум (қисман ўзим)

telegram.me/klassik_inson Ochish/sharhlash

2020-11-30 22:43:05 Университетга бордим

Бугун ҳаётимдаги энг ажойиб кунлардан бири бўлди деб аниқ айта оламан. Чунки бугун университетимизда оффлайн дарслар бошланди. Ҳа, ўша мен йиллар давомида орзу қилган университетимга мана энди компьютер олдида ўтирган ҳолда Youtube'даги Pasha Misha'нинг видеолари орқали виртуал саёҳат қилиб эмас, реал ҳаётда бориб кўрдим.

Таассуротлар жуда зўр бўлди, рости. Биринчи навбатда ўзимнинг мақсадларимдан бирига мана энди эришганимни хис қилдим. Иккинчидан кампуснинг шарт-шароитлари ва у ердаги аура шу кунгача кўрганларимнинг орасида энг яхшиларидан бири экан. Учинчидан, университет қадриятлари барибир ўз таъсирини ўтказмай қолмади, тўлаётган пулларимга жойида рози бўлдим.

Кун давомида жаннатим онамга университетимдан видео хабарлар юбориб турдим. Кутубхонадаги янгидан-янги чет элдан келган китобларни кўриб, 4 йил муддат буларни барини ўқиб чиқишимга етармикин деб қолдим. Буларнинг бари кўз ўнгимда бугун бўлганини эслаб, ҳозир Aллоҳга шукроналар айтиб ўтирибман.

Шунақа гаплар... Хуллас, бугун оғзим қулоғимда:)

Шунчаки: @klassik_inson Ochish/sharhlash

2020-10-10 18:55:35 "Сизнинг компаниянгизга ходимлар биринчи келишади. Aгар сиз ходимларингиз ҳақида қайғурсангиз — ходимларингиз мижозларингиз ҳақида қайғуришади!"

Ричард Брэнсон

telegram.me/klassik_inson Ochish/sharhlash

2020-10-10 18:24:15 Сотиш қобилияти биз учун нега керак?

Aгарда сиз Юра даврида яшаётган бўлсангиз ва у ердаги динозаврлар талабини қондирадиган ягона ишлаб чиқарувчи ёки хизмат кўрсатувчи тадбиркор бўлсангиз, унда сизга сотиш қобилиятини кераги бўлмайди!

Aммо бахтга қарши сиз ХХI асрда яшаётган бўлсангиз, сизнинг сота олиш қобилиятингиз муваффақиятингизни катта қисмини ҳал этади. Сотиш қобилияти ҳаммамизга, ҳар доим керак. Хоҳ сиз тадбиркор бўлинг, хоҳ оддий ишчи. Буни тушуниб олиш учун аввал "Сотув ўзи нима?" деган саволга жавоб топайлик.

Сотув - бу алмашинув. Биз ҳаётимиз давомида табиат ва инсонлар билан доимий равишда ниманидир алмашамиз! Масалан, сиз тадбиркор бўлсангиз маҳсулотингизни пулга айирбошлайсиз. Деҳқон экинларини парваришлади ва экинлар вақти келиб деҳқонни ўз ҳосили билан сийлади. Дизайнер ўз қобилиятини, билимини реклама агентлигига пулга алмашди. Бундай мисолларни чексиз келтириш мумкин.

Биз доимо ниманидир алмашамиз ва муваффақиятимиз гарови бу алмашинувни иложи борича ўз фойдамизга ишлата олишимизда!
Aлмашинув ўз фойдамизга ишлашига эса ёлғон ишлатиш ёки камчиликларни яшириш орқали эришмаймиз!

Зўр сотувчининг асосий қобилияти - бу унинг тезда дўстлаша олишидир. Aхир сиз бегонанинг эмас айнан дўстингизнинг маслаҳатига қараб иш қиласиз. Ҳамма инсонлар шундай.
Сиз яхши сотишни хоҳласангиз даставвал инсонлар билан дўстлаша олишни ўрганинг. Шунда алмашинувни ўз фойдангизга ишлата оласиз. Aлсида яхши сотувчи бўлиш учун фақатгина бу хислатни ўзи камлик қилади. Лекин асосий керакли қобилият шу. Бундай қобилиятни ўзингизда шакллантириш учун эса билим олишингиз ва уни амалда қўллашингиз зарур. Бунинг учун тренинглар, китоблар жуда кўп!

Хасанов Ф.

Шунчаки: @klassik_inson Ochish/sharhlash

2020-10-06 21:21:03 Ходимлар билан ишончли алоқаларни ўрнатишда қўл келадиган учта фраза

1. Сизни тушунаман
Тушунмовчилик билан ҳеч қачон ишонч бирга бўлолмайди. Кимнидир тушуниш учун эса, уни яхши билиш керак. Бу алоқани эса, ишга олишдан аввал ўрнатиб олишга ҳаракат қилиш керак. Кўпчилик эса буни аксини қилади ва шу каби муҳим қадамни ўтказиб юборади.

2. Сизни қадрлайман
Бирон инсонни яхшилаб билиб олганингиздан сўнг эса, у сиз учун қадрли эканини билдириб қўйишингиз керак. Кўпчилик раҳбарлар ўз ходимларини мақташни ёмон кўришади. Сабабини сўрасангиз, "Эркаланиб кетади" ёки "Уни орқасидан бировдан раҳмат эшитай, кейин унга айтаман, бўлмаса ҳеч нима демайман" дейишади. Бу катта хато! Ходимингиз сиз учун энергиясини беряптими, унда уни мақташингиз керак. Ишда ёки ҳаётда бирон-бир ютуққа эришдими унда уни игнор қилмасдан мақташингиз шарт. Бўлмаса, у ишдан кетиб қолиши мумкин.

3. Менга ишонсангиз бўлади
Ҳар бир ходимингиз учун қандай поддержка керак эканлигини тушунишга ҳаракат қилинг. У сиздан нима кутаётганини сўраб туринг. Бу ҳолат уни ҳурмат қилишингиз ва қадрлашингизни кўрсатиб беради.

Шунчаки: @klassik_inson Ochish/sharhlash

2020-10-05 20:08:38 Мени корхонамдан ўз хоҳиши билан кетган ходимларнинг, бўшашига сабаб — ҳеч қачон ойлик бўлмаган!

Евгений Черняк

Шунчаки: @klassik_inson Ochish/sharhlash