Бугун тонг отмоқда маъюс ва сокин
Гўё чоғлангандек дилни тилмоққа,
Абадий отини эгарлаб секин
Мард ўғлон кетмоқда Қорақалпоққа...
У кўп гапирмади, улгурди амммо,
Ҳар битта юракка ёзди сўзини-
"Дўстларим! ўткинчи ёлғон бу дунё,
Одам ғаниматдир очгин кўзингни!"
У соатлаб айтмасди ашъор ,
Қисқа берар эди йўриқ, тушунча,
Умри ҳисоблими эди ажабо
Улгурай дермиди вақтим борича!
У кибрга эди бегона
Ўтирарди элнинг бағрида
Кўз олдимда ойнаванд хона
Хувиллайди, гўё сағирдай...
Тор овулдан чиққан бовурим,
Юракларни ғашлаб кетмоқда
Азим Тошкент кўчалаларини
Гўё бўм- бўш ташлаб кетмоқда.
Эрта тонгдан мотамда дилим
Тополмайман бир сўз демоққа,
Ҳақ бўлмай кет бешавқат ўлим
Оғам кетди Қорақалпоққа!
Гулноза Одилова
22.12. 2023