2022-12-27 15:22:44
Tug‘ilgan kun
Ibrohim G‘afurov 85 yoshda
Yozuvchi tarjimon, tanqidchi
Ibrohim G‘afurov 1937-yil 27-dekabrda Toshkentda hunarmand oilasida tug‘ildi.
1956-1961-yillarda SAGU (hozirgi O‘zMU)ning filologiya fakultetida o‘qidi. 1961-1982-yillarda Davlat badiiy adabiyot nashriyotida kichik muharrir, tahririyat mudiri, bosh muharrir o‘rinbosari lavozimlarida ishladi. 1995-yilda “Milliy tiklanish” demokratik partiyasini tashkil etish tashabbuskori bo‘ldi. U mazkur partiyaning raisi (1996-yildan), “Milliy tiklanish” gazetasining bosh muharriri bo‘lib ishladi.
Ibrohim G‘afurov “Go‘zallikning olmos qirralari” (1964) “Unutilmagan bog‘” (1965), “Joziba” (1970), “Yonar so‘z” (1973), “Yam-yashil daraxt” (1976), “Yurak – alanga” (1980). “Lirikaning yuragi” (1982), “Sheʼriyat – izlanish demak” (1984), “O‘ttiz yil izhori” (1987), “Til erkinligi” (1998) singari adabiy tanqidiy, badiiy kitoblar muallifi. U “Darvoza”, “Humo qushim”, “Qaldirg‘ochim” singari sheʼriy nasrlar yohud mansuralari bilan eʼtibor qozondi.
Ibrohim G‘afurov jahon adabiyotining “Jinoyat va Jazo”, “Telba”, “Qimorboz” (Doktoyevskiy), “Azizim” (Mopassan), “Alvido, qurol”, “Chol va Dengiz” (E.Xeminguyey), “Qiyomat”, “Chingizxonnig oq buluti” (Chingiz oq buluti), “Yong‘in” (V.Rasputin) singari asarlarini o‘zbek tiliga tarjima qilgan.
Ibrohim G‘ofurov filologiya fanlari nomzodi (1973), O‘zbekiston yoshlari mukofoti (1989) laureati, “Do‘stlik” ordeni sohibi (1995). “O‘zbekiston Respublikasi fan arbobi” (2017), O‘zbekiston Qahramoni (2021).
Ibrohim G‘afurovga uzoq umr, mustahkam sog‘liq, oilaviy xotirjamlik tilaymiz.
Hurmat bilan,
Ma'naviyat va davlat tilini rivojlantirish masalalari departamenti
23 views12:22
B
