2023-03-04 14:05:00
#taqriz
«Kitoblan» loyihasiga taqriz
2022-yil dekabr oyi. Dugonam bir havola yubordi va loyihada ishtirok etishimni tavsiya qildi. Shu kunga qadar juda ko‘p kitobxonlik loyihalarida ishtirok etgandim, barchasi deyarli bir xil kitoblar va bir xil yo‘nalish. Ajib... "Kitoblan" loyihasining sahifasiga kirdim va eng avvalo rejadagi kitoblar ro‘yxatini ko‘rib chiqdim, shu vaqtgacha biror loyihada ko‘rmagan va o‘qimagan kitoblarim edi. Loyihaga qiziqib qolishimga eng birinchi sabab ham aynan shu bo‘ldi. Ro‘yxatda 20 ta kitob bo‘lib, barchasi o‘zbek adabiyotiga mansub edi. Tezda sahifaga a’zo bo‘ldim.
Ilk ishtirokim "Ikki eshik orasi" asaridan boshlandi. Kitob tugatilgandan so‘ng audiosuhbat uyushtirildi va unda men ham o‘z fikrlarimni bildirdim. Kitobdan taassurotlarim juda tartibsiz va sayoz edi, xayolimga kelgan fikrni aytdim. Loyiha tashkilotchilariga fikrlarim ma’qul kelib, menga hadya yuborishdi. Bu hadya loyiha davomida o‘qiladigan kitoblardan biri edi. Inson tabiati shunday, kimdandir hadya olsa, o‘sha kishiga nisbatan hurmati va mehri ziyoda bo‘ladi. Menda ham shunday bo‘ldi, bu loyihaga mehrim tushdi, undan ajralgim, o‘zbek adabiyotidan uzoqlashgim kelmay qoldi. Hadyaga berilgan kitob esa go‘yoki: "Iltimos, meni shunchaki tashlab qo‘yma, albatta, o‘qi deyayotgandek..".
Har kuni ilk ishim – loyihada vazifa etib berilayotgan 30 betni o‘qish, bu esa juda ajoyib. Eng avvalo, kunimni tartiblashni o‘rgandim. Kunlik ishlarimni qanday tartiblasam, 30 betlik vazifam qolib ketmasligini o‘ylayman. Albatta, o‘qishim kerak, o‘sha 30 sahifadagi hayot, undagi so‘zlar qachondir, albatta, menga asqatadi, uni o‘qiyotganimning o‘zi esa men uchun ulkan baxt, chunki men o‘zligimizni, ajdodlarimizni, bebaho qobiliyat egalarini tanib boryapman, o‘zimdek – o‘zbeklardek fikrlayapman...
Davomini oʻqing: https://telegra.ph/Kitoblan-loyihasiga-taqriz-03-04
@kitoblanuz - manzilimiz olis!
210 views11:05