Китоб – илм манбаи

2022-07-06 15:55:59 Ochish/sharhlash

2022-07-06 06:43:20 #Қўшиб_ёзиш

Қўшма сифатлар қўшиб ёзилади.

#Сифат деб шахс ёки мавжудотнинг белгисини билдирувчи сўзларга айтилади. Масалан, яшил, катта, жасур, ўтакетган, бағрикенг...

Қўшма сифатлар деб бирдан ортиқ асосдан тузилган сифатларга айтилади. Масалан, шерюрак, бағрикенг.

Баъзилар бундай сўзларни ажратиб ёзиб хато қилишади. Уларни чалғитган нарса унинг мустақил маънони англатган иккита сўздан иборат бўлгани бўлиши мумкин. Лекин бунга чалғимаслик керак. Улар битта "Қандай?" деган саволга жавоб бўлади. Масалан, осмон ўпар деб ёзиш хато ҳисобланади (қўшма сифат бўлмай қолади).

@KITAABUN – китоб ўқиш ва тўғри ёзиш ҳақида Ochish/sharhlash

2022-07-05 18:27:23 #Исломий_атамалар

Тобеъин – издош, эргашган. Имонли ҳолда саҳобийни кўрган, у билан суҳбат қурган ва шундай имонда вафот этган киши. Улар саҳобийларнинг ишларини давом эттирганлар.

@Kitaabun саҳифасини кузатиб боринг! Ochish/sharhlash

2022-07-04 18:12:44 #Исломий_атамалар

Саҳоба – суҳбатдош, сафдош, ёрдамчи, ҳамроҳ; Муҳаммад алайҳиссаломни имон келтирган ҳолда кўрган ва мусулмон ҳолида вафот топган киши.

@Kitaabun саҳифасини кузатиб боринг! Ochish/sharhlash

2022-07-04 15:54:30 Тўдалашиб келларинг, энди менинг янги иш қуролларим бор! )

Водийдаги сафаримизда баъзи мухлислар каминага ручка-қалам каби мен учун қимматбаҳо иш қуроллар ҳадя қилишди. Ташаккур!

Иншааллоҳ, бу ручкалар билан хатолари тузатилган китобларнинг ажридан насибадор бўладилар, лекин пулига шерик қила олмайман, узр. )

@Kitaabun Ochish/sharhlash

2022-07-04 08:35:28 Ochish/sharhlash

2022-07-04 02:49:38 #Имло
#Вергул

Қоида: ундалмадан сўнг вергул қўйилади.

#Ундалма деб сўзловчининг нутқи қаратилган шахс ёки мавжудодга айтилади. Масалан:
Бобур, аканг келдими? (Бобурга мурожаат)
Агар юқоридаги мисолда вергул ишлатилмаса, гап бошқа маънони ифодалайди:
Бобур аканг келдими? (Бобурнинг укасига мурожаат. Ундалма тушиб қолган)

Ҳатто вергулнинг ўрни алмашса ҳам маъно ўзгариб кетиши мумкин. Бунга қуйидаги машҳур мисолни келтириш мумкин:

Элчига ўлим йўқ, омонлик.
Элчига ўлим, йўқ омонлик.

Иккала гап бир-бирига тамомила тескари маъно ифодаламоқда. Битта вергулнинг ўрни алмашиши элчининг ҳаётига зомин бўлмоқда. Шунинг учун ҳар бир тиниш белгисини ўз ўрнида ишлатишга одатланишимиз лозим.

Ундалма гапнинг бошида келса, вергул ундан кейин қўйилади. Ундалма гап ўртасида келса, икки томонига вергул қўйилади. Ундалма гап охирида келса, ундалмадан олдин вергул қўйилади, Масалан,

1. Дўстим, бу гапингизни бошқа гапирманг.
2. Бу гапингизни, дўстим, бошқа гапирманг.
3. Бу гапингизни бошқа гапирманг, дўстим.

@Kitaabun Ochish/sharhlash

2022-07-03 14:59:52 #Табассум

Нон оламан дегандим, олти минг-минг пулим йўқ экан;))

@Kitaabun Ochish/sharhlash

2022-07-03 07:59:30 Ochish/sharhlash

2022-07-02 19:10:48 #Исломий_атамалар

«Ихлос» сўзи луғатда «тозалаш», «холис қилиш» маъноларини англатади. Ихлоснинг шаръий истилоҳи – Аллоҳга ибодатни худди У зотни кўриб тургандек қилишдир.

@Kitaabun Ochish/sharhlash