Кинопуб

2022-12-27 13:51:41 Одержимость (2013)

Ж.К.Симмонсга Оскар олиб келган рол. 2013 йилнинг энг яхши фильмларидан бири.

#парча
@kinopub_uz Ochish/sharhlash

2022-12-26 16:48:37 Ҳеч қайси фильмда Янги йил ва Рождество шукуҳи Гарри Поттер франшизасидагидек кўрсатилмаган бўлса керак. Шунинг учун ҳам ҳар йили миллионлаб одамлар Янги йил байрами таътилида Гарри Поттер франшизасини бир бошдан кўриб чиқади.

#парча
@kinopub_uz Ochish/sharhlash

2022-12-26 12:56:12 Фрост против Никсона (Frost/Nixon, 2008)
Тавсия - кўриш керак.
#драма #биография #фильм

IMDb: 7.7/10
Кинопоиск: 7.6/10
Кинопуб: 8.5/10

1977 йилда можаро билан президентлик лавозимидан кетганига 3 йил бўлиб ҳали бирор жойда бу ҳақида гапирмаган Никсон британиялик журналистга интервью беришга рози бўлади. Журналист бу интервью учун жуда катта таваккалга қўл уради. Бу интервью шу даражада шов-шув кўтариши керак, акс-ҳолда журналист каръерасини якунлашга мажбур бўлади. Агар бу ишни эплай олса собиқ президентнинг обрўси бир тийин бўлади. Бу шунчаки интервью эмас, бу катта дуэль.

1974 йилда АҚШ тарихидаги энг катта сиёсий можаролардан бири рўй берган. Натижада амалдаги президентга импичмент эълон қилинган, қирқдан ортиқ сиёсатчилар қамоққа олинган. Фильм бу воқеа ҳақида эмас, фильм ўша воқеалардан кўпчилик наздида жуда осон қутилиб қолган президент Никсоннинг шов-шувли интервьюси ҳақида. Фильмни кўриш давомида президент Никсон ва унинг атрофида рўй берган оламшумул можаролар ҳақида қизиқарли фактларни гувоҳига айланишингиз мумкин. Сиёсатга қизиқувчилар ва АҚШ сиёсатига бефарқ бўлмаганлар учун ажойиб фильм.

Ўхшайди: Вся президентская рат (1976); Никсон (1995);

Фильмни кўриш
Трейлер
#тақриз
@kinopub_uz Ochish/sharhlash

2022-12-25 16:46:12 Клан Сопрано (The Sopranos, 1999-2007)

Барча даврларнинг энг зўр сериали дея кўп бор айтиладиган, гангстерлар, мафия ҳақида тасаввур ҳосил қилиш учун энг реал ҳикоя деб тан олинадиган ушбу сериални кўрмаганлар учун қайта-қайта тавсия қиламан.

#парча
@kinopub_uz Ochish/sharhlash

2022-12-25 08:59:49 Семьянин (The Family Man, 2000)
Тавсия - кўриш керак.
#драма #фэнтези #фильм

IMDb: 6.8/10
Кинопоиск: 7.7/10
Кинопуб: 7.5/10

Сюжет: 13 йил аввал севгисини эмас карьерасини танлаган муваффақиятли бизнесменга яна бир бор имкон берилди. Агар ўша пайт севгини танлаганида ҳозир ҳаёти қанақа бўлиши мумкинлиги унга кўрина бошлади.

Николас Кейж кинони муввафақиятсизлиги омили эмас аксинча бўлган пайтларда кўплаб романтик фииьмларда суратга тушган. Америкаликлар Янги йил байрамлари олдидан мунтазам тарзда бу каби фильмларни кўришади ва бу каби фильмлар биз учун ҳам ёмон таъсир қилмаган бўларди. Оилани муқаддаслигини "Оталар сўзи" каби сийқаси чиқган теленовеллалар билан эмас мана бунақа эсда қоларли фильмлар билан томошабинга етказишни эффекти баландроқ эканлигини кинога алоқадор амалдорларимиз тушуниб етишса яхши бўлармиди.

Хуллас Янги йил учун яхши фильм, романтика устига қурилган, охири зукко томошабин кутгандақа тугамайдиган замонавий эртак.

Ўхшайди: Клик: С пультом по жизни (2006); День сурка (1993).

Фильмни кўриш
Трейлер
#тақриз
@kinopub_uz Ochish/sharhlash

2022-12-24 14:50:18 Бешта яхши психологик триллер

Бойцовский клуб (1999)
Помни (2000)
Пылающий (2018)
Враг (2013)
Остров проклятых (2010)

#кинорўйхат
@kinopub_uz Ochish/sharhlash

2022-12-23 11:42:20 Аватар: Путь воды (Avatar: The Way of Water, 2022)
Тавсия - кўриш керак.
#фантастика #фэнтези #жангари #саргузашт #фильм

Биринчи қисмда бўлиб ўтган воқеалардан кейин орадан бир мунча вақт ўтди. Энди ерликлар тиш-тиноғигача қуролланиб ўч олиш мақсадида яна қайтиб келишди. Жейк оиласини асраб қолиш учун ҳам таваккал қилишга мажбур.

Голливуднинг навбатдаги катта блокбастери. Кэмерон яна бир бор замонавий технологиялар даврида одамзот қандай фильмларни суратга олишга имконияти етишини исботлаб берган. Фильм адабий жиҳатдан мақтана олмаслиги мумкин, интрига ва сюжетнинг мукаммалигига даво ҳам қилиб ўтирмайди, фильм шунчаки техник жиҳатдан ўзига рақобатчи қолдирмайди. Албатта бу каби фильмларни кичик экранларда кўриб унга адекват баҳо бериш имконсиз, буни фақатгина катта экранда кўришни тавсия қиламан. Телефонда ёки тасвирлари билан мақтана олмайдиган ТВда кўришни ҳеч кимга маслаҳат бермайман, бу нарса фильмни оддийгина кинога айлантириб қўяди. Имкониятингиз бўлса буни катта экранда кўриб лаззатланинг.

IMDb: 8.0/10
Кинопоиск: 8.0/10
Кинопуб: 9.0/10

Трейлер
#тақриз
@kinopub_uz Ochish/sharhlash

2022-12-22 13:34:46 Нетфликc Амир Темур ҳақида фильм суратга олади

Нетфликc Қозоғистон ва Ўзбекистонда Амир Темур ҳақида фильм суратга олади. Алоҳида таъкидлаб ўтиш керакки фильмда қозоқ қўшниларимиз асосий ишни бажаради. Ўзбекистон эса фақатгина тарихий обидалари туфайлигина бу лойиҳага керак. Бир томондан Фильмни бизникилар ишламаганига хурсанд бўласан киши, бизникилар ишлаганида тепадаги суратдаги Амир Темурни бош ролда кўрармидик.

@kinopub_uz Ochish/sharhlash

2022-12-21 11:58:00 Гай Ричи "Джентьлмены (2019)" фильмида замонавий стереотиплар устидан ажойиб тарзда кулган.

#парча
@kinopub_uz Ochish/sharhlash

2022-12-20 13:17:53 Братья (Brothers, 2009)
Тавсия - кўриш керак.
#триллер #жангари #драма #ҳарбий #фильм

Афғонистонда хизмат қилаётган америкалик ҳарбийнинг оиласи ундан тобора узоқлашиб кетмоқда. Бир томондан аскарни ўзи ҳам ўша нотинч юртларда қолишни ўзига маъқул деб билмоқда.

Фильм Америкаликларга кўпроқ яқинроқ мавзу бўлган уруш мавзусида суратга олинган навбатдаги анти-ҳарбий фильм. Йиллар давомида урушни ичида юрган одамнинг руҳий томонлама кимга айланиб қолишини томоша қилишимиз мумкин. Оилапарвар, ёмонлик қўлидан келмайдиган одамлар ҳам уруш таъсирида қандай қарорлар қабул қилиши ва қанақа азобларга мубтало бўлиб қолишини ижодкорлар томошабинга етказишга ҳаракат қилган. Тоби Магуайр, Жейк Жилленхол ва Натали Портман каби ёш юлдузлар иштирокида, урушдаги инсон учун уруш у ва унинг яқинларига қанақа оқибатлар олиб келиши мумкинлиги ҳақида ҳикоя қилинади.

IMDb: 7.1/10
Кинопоиск: 7.4/10
Кинопуб: 7.5/10

Трейлер
Фильмни кўриш (рус тилида)
#тақриз
@kinopub_uz Ochish/sharhlash