2023-01-07 21:09:26
Taomil
Oʻzbekning gʻalati taomillari bor. Marhumni tuproqqa topshirgandan soʻng qabristonga kelgan ahli jamoadan soʻraydilar:
– Falonchi qanday odam edi?
Oʻtganlarni yomon otliq qilish– gunoh. Maqtash kerak. Jillaqursa, biron fazilatini aytish kerak...
Umrida birovga yaxshilik qilmagan, aksincha, hammaning dilini ogʻritgan battol bir odam bandalikni bajo keltiribdi.
Odatdagi savol oʻrtaga tushibdi.
– Falonchi qanday odam edi?
Hech kimdan sado chiqmabdi. Savol tagʻin takrorlanibdi:
— Birodarlar, falonchi qanaqa odam edi?
Yana uzoq sukunat choʻkibdi. Nihoyat shu mahallada yashaydigan tish doʻxtiri oʻrtaga chiqibdi.
— Hamma tishlari butun edi, – debdi...
...Oʻzbekning gʻalati taomillari bor... Oʻzbekning gʻalati donishmandligi bor...
Oʻ.Hoshimov
265 viewsedited 18:09