2022-12-26 08:46:26
Хитой коронавирус билан боғлиқ чекловларни юмшатгандан сўнг вазият кескинлашди. Мамлакат тиббиёт тизими фалаж ҳолатга келиб қолгани айтилмоқда. Financial Times ёзишича, декабрнинг 20 куни давомида тахминан 250 млн киши вирус юқтирган, бу мамлакат аҳолисининг 18%и дегани. Ижтимоий тармоқларда коридорларгача нафас олдириш аппаратига уланган беморлар билан тўла касалхоналардан видеолар роса тарқаган. Ҳатто жасадларни ёқишга улгуришмаётгани қайд этилмоқда.
Олимларнинг фикрича, дунёнинг бошқа мамлакатларидан фарқли ўлароқ Хитойда коллектив иммунитет шаклланмаган, боз устига, Хитой вакциналари самарадорлиги ҳам яхши эмас. Шу сабабли бошқа мамлакатларда ўлим кўрсаткичи кам бўлган омикрон Хитойда 1 млнгача ўлимга олиб келиши мумкинлиги айтилмоқда.
Бундан ташқари, Хитой расмий статистикани эълон қилишни тўхтатди. Хитой охирги уч йилда "Covid Zero" сиёсатини юритиб, битта коронавирус юқиш ҳолати аниқланса, бутун район/шаҳарни ёпиб қўйиш сиёсатини юритаётган эди. Аммо бу аҳолининг кескин норозилигига учраб, одамлар ҳатто намойишгача чиққач, ҳукумат сиёсатини ўзгартиришга мажбур бўлган эди.
Ковиднинг Хитой "буюк тўлқини" дунё иқтисодиётига, логистика, товарларнинг ўз вақтида етказиб берилиши кескин салбий таъсир кўрсатади. Яқин оради буни кўпчилик сезса ҳам керак.
66 views05:46