2022-12-25 14:56:38
Farzandingizni "qarg‘aga" aylantirib qo‘ymang!Yaralangan bir burgut keksa ayolning bog'iga qo'ndi. Keksa ayol yaralangan burgutning bu holiga achindi va uni yoniga oldi. Ayol och qolgan burgutning oldiga bolalar uchun tayyorlangan xamirli ovqatni qo'ydi. Burgut oldiga qo'yilgan xamirli ovqatni yeyolmay idishni ham ag'darib yubordi.
Chunki umr bo'yi go'sht bilan oziqlangan burgut xamir yeyishga qiynalgan edi. Keksa ayol burgutning bu ahvolini ko'rib
"Tumshug'ing ham cho'zilib ketibdi, yumshoq xamirni ham yeyolmaydigan bo'lib qolibsan, sening xo'jayining nega senga qaramadi? Tumshug'ingni nega to'g'rilab qo'ymadi" dedi-da, o'tkir qaychi bilan burgutning tumshug'ini kesib tashladi. Bechora burgut kampirning qo'lidan qutulishga harchand urinmasin, bari befoyda edi. Endi u burgutning qanotlarini "t
uzatishga urindi" va ularni ham kesa boshlaydi. Keksa ayol o'z aqli bilan bechora burgutning tirnoqlarini kesib tashladi. Johil kampirning qo'lida parishon bo'lgan burgutning ko'zlariga yosh to'ldi. Kampir esa unga qarab
"Senga shuncha yaxshilik qilsam ham yig'layapsan, bor-boraver o'zing kelgan yeringa" dedi-da, burgutni osmonga uloqtirib yubordi. Parishon burgut esa xarchand chiransa ham qanotsiz ucholmas edi. Og'riq azobida yerga qo'nmoqchi bo'lgan burgut amallab bir kulbaning hovlisiga qo'nadi. Katta-katta o'ljalarni ko'kda turib ovlagan jasur burgut johil bir ayolning qo'lida qo'rqoq bir qarg'aga aylanib qoladi.
Xuddi shunday ba'zi ota-onalar o'z farzandlarini yetarli darajada tanimaganliklari uchun qo'llaridagi
burgut kelbatli bolalarini qarg'aga aylantirib qo'yishganini sezmay qolishadi. Shu sababli bola tarbiyasidagi eng muhim bosqich avvalo bolani kashf qilish ekanini unutmaslik lozim.
226 views11:56