Контрабанда муаммоси етакчи партия- ЎзЛиДеП фаоллари томонидан | Kanallani Dodasi
Контрабанда муаммоси етакчи партия- ЎзЛиДеП фаоллари томонидан муҳокама этилди.
Партиянинг матбуот клуби иштирокчилари – Қонунчилик палатаси ва маҳаллий кенгашлар депутатлари, вазирликлар ва идоралар вакиллари, бизнесменлар иштирокидаги давра суҳбатининг бош мавзуси фармацевтика препаратлари, алкоголь ва тамаки маҳсулотлари контрабандаси бўлди.
Таҳлиллар ушбу соҳаларда контрабанданинг кўплаб ҳолатлар борлигини кўрсатмоқда. Бундай ноқонуний фаолият, давлат бюджетига зиён келтиришдан ташқари, рақобат муҳитини ҳам йўққа чиқаради.
Алкоголь ва тамаки бозорини тартибга солиш агентлиги вакиллари айтишича, сўнгги икки йилда унинг улуши 4%дан 15%га етган.
Тамаки маҳсулотига акциз солиғи ва барча солиқлар 2021 йилда давлат бюджетига 2 трлн сўмдан зиёд даромад келтирган бўлса, “кулранг” бозор туфайли бюджет 300 млрд сўм йўқотган.
Ноқонуний тамаки маҳсулотининг асосий қисми Андижон, Наманган ва Фарғона вилоятларида аниқланяпти.
Ноқонуний тамаки маҳсулотларида Milano ва Esse брендининг улуши катта.
