Жорий йилнинг 7-10 октябрь кунлари Uzbekistan Airways авиакомп | Kanallani Dodasi
Жорий йилнинг 7-10 октябрь кунлари Uzbekistan Airways авиакомпанияси Американинг Boeing компанияси ҳамда Дубай Туризм кенгаши билан ҳамкорликда Ўзбекистон ОАВ вакиллари ва блогерлари учун медиа-тур ташкил қилди. Ушбу тур давомида Boeing компанияси вакиллари билан расмий учрашув ҳам ташкил этилгани айтилмоқда.
Қайд этиш жоиз, 26 йиллик ҳамкорлик давомида Uzbekistan Airways авиапарки Boeing компаниясига тегишли 14та ҳаво кемасига эга бўлди. 2021 йилнинг май ойида эса миллий авиаташувчи олтинчи Boeing 787 Dreamliner ҳаво кемасини қабул қилиб олди.
Медиа-тур давомида авиакомпания Ўзбекистон-БАА йўналишига кўпроқ эътибор қаратди. Бугунги кунда Uzbekistan Airways Тошкентдан Дубай шаҳрига ҳафтасига 6 марта парвозларни амалга оширади. 2022 йилнинг 30 октябрь санасидан бошлаб эса Фарғона – Дубай – Фарғона йўналиш бўйича янги авиақатновлар ишга тушиши айтиляпти. Парвозлар ҳафтада 2 марта – сешанба ва якшанба кунлари амалга оширилади.
