Инсулт касаллиги белгилари Сезгининг тўсатдан бузилиши: юз, | Терапия || Касалликлар

Инсулт касаллиги белгилари

Сезгининг тўсатдан бузилиши: юз, қўл ва оёқларда хусусан тананинг ярмида увишиш ва камқувватлик пайдо бўлиши.

Тўсатдан тилдан қолиш ёки сўзларни айтиш ё тушунишда, матнни ўқишда қийналиш.

Бир ёки икки кўзнинг кескин ёмон кўра бошлаши.

Бирданига ҳаракат мўлжалининг бузилиши (чайқалиб юриш), кескин бош айланиши.

Ўз-ўзидан пайдо бўлган, англаб бўлмайдиган бош оғриғи, қусиш.

Геморрагик инсулт белгилар: Геморрагик инсултда бемор қусади, юзи қизаради, уйқучан бўлади, энса мушакларида спазм рўй беради, кўз тўр пардасига қон қуйилади, касаллик бирдан бошланиб, авж олади. Ишемик инсултда ўткинчи, мия қон айланишининг бузилиши нуқсонлари бир неча ой, йил олдин пайдо бўлади. Улар инсулт белгиларига ўхшайди, бироқ бир неча дақиқада, камдан-кам ҳолларда бир неча соат мобайнида (24 соатгача) давом этиши билан фарқ қилади. Кўпинча бу симптомлар тезда ўтиб кетади ва мия фаолияти тезда тикланади

Ишемик инсултнинг белгилари:
Қўл ва оёқларда ўткинчи заифлиги “эрталабки гарангсираш” кўринишида, худди оёқ-қўллар увишиб қолгандек намоён бўлади.Қисқа вақтга тилдан қолиш ёки хотирани йўқотиш ҳолатлари юз беради.Бош айланади, онг заифлашиб, кўз кўрмай қолиши ёки нарсалар кўзга қўшалоқ бўлиб кўрина бошлайди.Юрганда гавда чайқалиб кетиши, оёқни судраб босиши мумкин.

Шифокорга қачон мурожаат қилиш керак?Имкон қадар 50-60 ёшли кишилар вақти-вақти билан врач кўригидан ўтиши лозим. Инсулт аломатлари намоён бўлганда текшириш учун зудлик билан шифокорга мурожаат қилиш керак. Борди-ю, ростдан ҳам инсулт ҳуруж қилган бўлса, зудлик билан беморни шифохонага етқазиш лозим. Чунки мия ишемияси ва қон қуйилиши оқибатларини фақат дастлабки соатлардагина тўхтатиб, беморни сақлаб қолиш мумкин.
Аптека_тв

@KasallikHaqida -Касалликлар тўлиқ форматда.