2021-02-11 22:10:12
1856-жылы Қазақдәрья бойындағы Изим қорған әтирапында болған Хийўа ханына қарсы көтерилистиң басшысы, Қарақалпақ халқының миллий қаҳарманы, Ерназар алакөздиң монологи.
Ким атты мени тасадан?
Ким екен қаслық жасаған?
Келе бер душпан, келе бер,
Ҳәуириңди басаман!
Нәлетий заман, ханзаман,
Қызыл жоса, қанзаман-
Кегимди молдан алайын
Шықпай тур жаным бир заман!
Шықпашы жаным бир заман...
Таршылық заман,
Тар заман,
Заршылық заман, зар заман-
Кегимди ханнан алайын,
Шықпай тур, жаным, бир заман.
Шықпашы жаным бир заман.
Хан «ашық» мениң басыма,
Халқымның көз жасына
Ҳийлекер түлки, қасқыр хан,
Мәрт болсаң кел қасыма!
Тасыма, хан, тасыма!
Жасыма, елим, жасыма!
Жете алмадым муратқа-
«Ялғаншы» деген усы ма?
Шерлерден ер туўады,
Ханға исенбең, мәрт халқым!
Ханлардан гөр туўады!
Шашылған қолды қурғанлар,
Қарақалпақ қырынлр,
«Азатлық» деп алға умтылың,
Үзилмесин уранлар!
Заманнан заман бар олар,
Азаматсыз ел тозар-
Мени «өлди» деп жыламаң,
Туўылар еле Ерназар!
Канал:
@KarakalpakstanLife
196 viewsedited 19:10