2022-07-23 01:45:25
By me
Men bulutni oq deb yuribman,
Yuragingiz buncha oq, ota.
Toshkentida o'ynab yuribman,
Dunyo menga o'yingoh, ota.
" Kayfiyating qanday" deysizmi?
Doimgiday ko'nglim chog', ota.
Ko'zmunchoqlar bermasin onam,
Xudo menga ko'zmunchoq, ota.
Duolaring asraydi meni,
Ko'nglim mangu yashil bog' ota.
Yolg'onlarga o'rgatmagansiz,
Haqni izlab dilim dog', ota.
Rostin aytib qo'ydim baribir,
Yuragimda ming yamoq, ota.
Qaytgim kelar qishloqqa butkul,
Buncha og'ir yashamoq, ota...?
Artolsaydim etigingizni,
Yer qattig'u, ko'k yiroq, ota.
O'pib yashar oyog'ingizni,
Tuproq mendan baxtliroq, ota.
Qaytgim kelar qishloqqa gohi...
90 viewsedited 22:45