Kanadada talaba vizasini olish jarayoni | Kanada | Ta'lim 🇨🇦

Kanadada talaba vizasini olish jarayoni

Kanada universitetidan qabul xatingizni oling.

Kanada talaba vizasiga ariza topshirishni boshlashdan oldin Kanada universitetiga hujjat topshirishingiz va qabul qilishingiz kerak. Talaba vizasini olish huquqiga ega bo'lishingiz uchun siz tanlagan universitet/kollej Designated Learning Institution ( Belgilangan ta`lim muassasasi) ro`yxatida bo'lishi kerak - bu xalqaro talabalarni qabul qilish uchun hududiy hukumat tomonidan tasdiqlangan maktab.

Siz tanlagan universitet DLI ro`yxatiga kirish yoki kirmasligini quyidagi sahifada tekshirishingiz mumkin. https://www.canada.ca/en/immigration-refugees-citizenship/services/study-canada/study-permit/prepare/designated-learning-institutions-list.html#wb-auto-21

Agar siz hali ham ta`lim dasturi tanlamagan bo'lsangiz, istak va imkoniyatlaringizga mos keladigan dastur va maktabni topish uchun https://studyportals.com/students/ dan foydalanishingiz mumkin. Qidirish uchun o`zingiz istagan daraja turini tanlang - bakalavr, magistr yoki Ph.D. - ta'lim sohangizni kiriting va 'Kanada' qidiruv tugmasini bosing

P.s Siz tanlagan o'quv dastur olti oy yoki undan kam davom etsa, Study Permit olishga hojat yo`q.


Quyidagi barcha kerakli hujjatlarni to'plang.

Kanada hukumati talablariga ko'ra, sizga quyidagilar kerak bo'ladi:

Universitet qabul xatining asl yoki elektron nusxasi;
Shaxsni tasdiqlovchi hujjat (yoki xorij pasporti, shuningdek, pasport o'lchamidagi 2 ta fotosurat);
O'qish davomida o'zingizni moliyaviy qo'llab-quvvatlashingizni kafolatlaydigan mablag'ni tasdiqlovchi hujjat (ta'lim to'lovlari va yashash xarajatlaringizni qoplash uchun yetarli mablag`yoki bir o'qish yili uchun kamida $10,000) lekin bank hisobda $30 000 active bo’lishi kerak ;
Explanation letter, ya`ni Kanadada o`qish sabablari va xalqaro talaba sifatida barcha mas`uliyatlaringizni bilishingiz keltiriladi;
Agar siz 17 yoshdan kichik bo'lsangiz, vasiylik hujjati, ya`ni Custodian Declaration.


Vizaga ariza topshirishni boshlang.

Quyidagi havola orqali dastlab account ochib tizimga kiring va ariza topshiring.

https://www.canada.ca/en/immigration-refugees-citizenship/services/application/account.html

Shaxsiy ma'lumotlaringizni (ism, manzil, akademik ma'lumot va hokazo) onlayn tarzda to'ldiring;
Kerakli hujjatlarni yuklash (qabul qilish xati, shaxsni tasdiqlovchi hujjat, mablag'ni tasdiqlovchi hujjat, explanation letter va hoakzo);
Ariza to`lovi to`lang ( $150 CAD) va chekini saqlab qo`ying.

Turli o`zgarishlar yoki qo'shimcha so'rovlar uchun arizangiz holatini muntazam tekshirib turing.

P.s Talabalik vizasi o'qish muddati( agar sizda kamida ikki yillik visa bo’lsa) amal qiladi va qo'shimcha ravishda yana 3 yil Kanadada bo`lish imkoniyatiga ega bo`lasiz. Ushbu qo'shimcha vaqtda Kanadadan jo'nashga tayyorgarlik ko'rish yoki qolishni istasangiz, viza muddatini uzaytirish uchun ariza topshirishingiz mumkin.


Biometrik ma'lumotlarni taqdim eting va tibbiy ko'rikdan o'ting.

Agar siz Kanadadan tashqarida bo`lib turib hujjat topshirayotgan bo'lsangiz va avval biometrik ma'lumotlaringizni taqdim etmagan bo'lsangiz, rasmiy Viza Murojaat Markazida barmoq izlaringiz va rasmingizni olishingiz talab qilinadi. Bu uchun qo`shimcha $85 CAN toʻlovini ($150 CAN talaba viza toʻlovidan tashqari) toʻlashingiz kerak.

Ba'zi davlatlat fuqarolari arizalarini to'ldirish uchun shifokor tomonidan tibbiy ko'rikdan o'tib, kerakli hujjatni taqdim etishi kerak.


Harakatni ertaroq boshlang.

Kanada hukumati talaba vizani ko'rib chiqishi uchun 13 haftagacha vaqt ketadi. Demak, ertaroq harakat qiling va ketishingizdan 4-6 oy oldin ariza topshirish jarayonini boshlang!