Kamardinov.uz

2022-11-26 22:45:55 Bugun DevFest'ga bordim. Darkhonbek Mamatalievni chiqishi eng yaxshilaridan bo'ldi. TedTalk uslubida Software Engineerlarga hos bo'lmagan shaklda nutq tayyorlab kelgan ekan. Professional faoliyatdagi shu uchta xususiyatga to'xtalib o'tdi:

1. Overcommunicating
2. Prioritize
3. Unblock yourself

1. Overcommunicating. Kommunikatsiya qilishni zarari yo'q, lekin kerakli darajada bo'lmasa aniq muammo yuzaga keladi. Bu biz bilagan ish vaqtida choyxona suhbatlari emas, balki proyekt statusi haqida xabar berish, muammo yuzaga kelgan bo'lsa uni vaqtida aytish kerakligi haqidagi kommunikatsiya. Aslida buni har qanday holatga tatbiq qilsak bo'ladi. Uchrashuvga kechikyapmizmi vaqtida ogohlantirib qo'yishimiz kerak va hkz.

2. Prioritetlarni baholash muhim. O'zim ham tez-tez xato qilib turaman. Dasturchi sifatida esa, shaxsiy vazifalar va boshqa hamkasblarga yordam berish vaqtida to'g'ri prioritetlar qo'yishni unutib qo'ymasligimiz kerak.

3. Unblock yourself. Bu ham menda bor muammolardan edi. Proyektda jiddiy muammoga duch kelsam yordam so'rashga ba'zida hijolat bo'lardim. Bunda o'zimni bilmaganday ko'rsatmaslik uchun emas, balki hamkasblarimni hadeb bezovta qilmaslikni o'ylardim. Ammo bu ham xato fikr. Darkhonbek aka aynan oltin oraliqni keltirib berdi. Muammoga duch kelsangiz avval o'zingiz harakat qiling. Google, dokumentatsiya, bloglar barcha imkoniyatni ishga soling. 30 daqiqa davomida javob topa olmasangiz darhol to'xtang va hamkasblardan yordam so'rang. Juda zo'r uslub. Aynan shu qoidaga amal qilishga harakat qilaman. Avvalgi ishimda 1-2 kunlab yordam so'ramasdan muammo ustida izlangan paytlarim bo'lgan. Bu ham o'zimni qattiq charchatgan, ham muddatlarni kechikishiga olib kelgan.

Xullas, DevFestda mazza qildim, ba'zi savollarimga javob oldim, qadrdon do'stlarim bilan ko'rishdim, yangi tanishlar orttirdim. Ochish/sharhlash

2022-10-13 12:10:36 Yangi xodim olyatganda qadriyatlarga qarash kerak. Nafaqat kompaniya, balki oddiy insoniy qadriyatlarni ham baholash muhim. Chapan arman restorani bilan sodir bo’lgan keys bunga yaqqol misol. Xodimning xatosi tufayli resotoranning obro’si qayta tiklab bo’lmaydigan darajada quladi. Ochish/sharhlash

2022-10-12 15:09:39 Toshkent ortiq jozibador shahar emas. Biz doim respublikamizning boshqa shaharlarni Toshkent kabi bo'lishini xohlardik. Lekin buning uchun Toshkentdagi imkoniyatlarni pasaytirishni so'ramagan edik.

Umuman olganda men ham kelajagimni Toshkent bilan bog'lamoqchi emasman, ayniqsa shahardagi hozirgi tendensiyalar saqlanib qolsa. Ochish/sharhlash

2022-10-12 10:14:38 Hukumat ishida ishlab biror narsani o'zgartirish qiyin, oqim bilan oqishga majbursan deyishadi. Shuning uchun ham ko'pchilik davlat ishidan o'zini chetga oladi. Lekin bu har doim ham bunday degani emas. Qayerdadir albatta yechim bor. Tashabbusli budjet bunga yorqin misol.

Aslida budjetni taqsimotini parlament, mahalliy hokimiyatlar adolatli taqsimlashi kerak. Lekin mahalliy hokimliklarda taqsimot to'g'ri bajarilmas edi. Yechim sifatida hokimlarni saylashimiz kerak, mandat olish uchun hokimlar xalq oldida hisobdor bo'lsagina adolatli taqsimot bo'ladi deyilardi. To'la demokratik jamiyatlarda shunday. Lekin moliya vazirligi buni kutib o'tirmadi va budjet taqsimotini xalqning o'ziga olib berdi. Kola berib tarqatadimi, tekin tushlik beradimi, bu muhim emas. Ular o'zlari to'lagan soliqlar evaziga o'zlarining turmush tarzini yaxshilashga urinishyapti. Kecha e'lon qilingan yangilik ortidan xursand bo'lgan mahallar videolari chiqdi. Ko'rib xursandchiligiga sherik bo'lging keladi.

Bir so'z bilan aytganda, Timur Ishmetov — malades! Ochish/sharhlash

2022-10-12 09:58:11 Anchadan beri o'zbek va jahon bozoridagi reklamalarni kuzatib boraman. Ko'p o'zbek reklamalarida yumordan foydalanishadi. Bunisi esa boshqa darajada chiqibdi. Menga juda yoqdi. Asaxiyning sobiq xodimi sifatida faxrlandim Ochish/sharhlash

2022-09-23 23:59:20 Martin Skarseze o'z filmlarida jinoyatchilikni romantizatsiya qilganga o'xshaydi. Aslida unday emas. U filmlarida jinoyatchi bu yo'lga qanday qilib kirib qolganini ochib berishga harakat qiladi. Ayna shu qismi juda muhim. Hech kim ertalab turib birdan jinoyatchi bo'lib qolmaydi. Hammaning o'zi uchun qo'ygan chegarasi bo'ladi va nimadir yomon harakat qilish oldidan ko'pincha shu chegaradan bir marta o'taman-u, qaytib qilmayman deydi. Bu narsa uzoq vaqt davom etgandan keyin esa chegaradan qanchalik uzoqlashib ketganini anglamay qoladi. Skarseze esa bu bilan xuddi bizni ogohlikka chaqiryatgandek. Aslida uni o'rnida siz ham, biz ham bo'lishimiz mumkin. Va ularning o'rnida bo'lganimizda biz ham shunday qilishimiz mumkinligi ehtimoli yo'q emas. Chunki bizni ham uning atrofidagi dunyo shakllantirgan bo'lar edi.

Yuqoridagilarni eslashimga ushbu film sabab bo'ldi. Rossiya safida urushga otlanganlar orasida afsuski o'zbeklar ham yo'q emas. Yaqinda chiqqan 22 yoshlik o'zbek asiri haqidagi video esa juda ta'sirli. Internetda ularni so'kib, ularga la'natlar yog'dira boshlashdi. Bunday deyishga shoshilmaslik kerak. Ularni bu yo'lni tanlashiga nima majbur qilgani noma'lum. Ular urushga shunchaki ko'ngil hushlik uchun bormagan, albatta. Aytmoqchimanki, hech kimni tanlovi uchun nadomat qilmang. Birovning nomidan gapirish oson. Baribir uning og'rig'ini, qalbidagini bila olmaysiz. Ushbu qisqa metrajli filmda sal bo'lsa ham buni his qilish mumkin:



Bu holatda bizga bunday qismat berilmagani uchun ko'p shukr qilishimiz kerak. Ochish/sharhlash

2022-09-03 22:58:53 Uylanganda xotin, farzandlar o'z rizqi bilan keladi degan gap bor. Bu qoida yangi hodimga ham amal qilishi mumkinligi haqida o'ylab ko'rmagan ekanman. Rizqni beruvchi biz bo'lmagandan keyin, albatta hodimning ham rizqini yaratganning o'zi yetkazadi.

Bu "Savdogarlar ustozi" mutolaasi xulosalaridan biri Ochish/sharhlash

2022-06-08 11:19:56 Yaqinda uznetda kutubxona va freymvorklar farqi haqida muhokamalar boʻlgandi, turli va qiziqarli fikrlar bildirildi. Men ham ularni farqini kengroq koʻrsatishga harakat qildim

https://kamardinov.uz/library-vs-framework/ Ochish/sharhlash

2022-06-08 11:16:01 Aytgancha, blog saytimni redizayn qildim. Oldingis portfolio saytga yaqin edi. Yangisi faqat blog uchun.

Eski vs Yangi Ochish/sharhlash

2022-06-08 10:32:43 Talabalik vaqtlarim bloging bilan ozroq shugʻullangan edim. Avvaliga @shiftuz da, keyinchalik Medium.com da postlar yozib turdim. Keyin esa umuman tashlab qoʻydim. Hozirda yana yozib turishni mashq qilmoqchiman.

Yozish har qanday soha mutaxassisi uchun kerakli koʻnikma, chunki yozish bu fikrlash degani. Fikrlarimizni tartibli ravishda yozma ifodalab bera olishimiz kerak.

Kanalda qisqaroq matnlar yozishga harakat qilaman, longread'larni kamardinov.uz dan topishingiz mumkin. Ochish/sharhlash