2023-04-10 21:40:33
9-ishtirokchi
–Portal tayyor!-Chaqmoq oppoq nur taratib turgan portal ochib, unga Kristianni taklif qildi. Kristian kechagi jang sabab haliyam qaqshayotgan qo'liga qilichini olib, portal ichiga kirib ketdi va chindan ham qobiq ichida paydo bo'ldi. Uni ko'rgan Lara yordam berish uchun bor kuchini yig'ib, Jasminning tanasini chirmovuqlar bilan o'rab tashladi. Mariyanetta Kristinaning tanasidan foydalanib, Kristianni tumor yordamida bo'g'ib oldi.
–Men...men buni xohlamayapman...Kris, kurash, kurash!-Kristina qancha urinmasin, tanasini hech boshqarolmasdi. Uning chap qo'lida qizil xanjar paydo bo'lib, tanasi o'ziga bo'ysunmagan holda Kristianga yaqinlashdi.
–Yo'q...Kris, biror narsa qilsang-chi! Axir mendan kuchlisan-ku! Chaqmoq paydo qil!
–U holda senga ham zarar yetishi mumkin...Bunday qilolmayman.
–Unda nega kelding, tentak?! Men bilan kurasholmasang, nega kelding? Agar yashashni istasang, menga chaqmog'ingni urasan!
–Men...men yoningga senga ishonganim uchun keldim...-Kristian bo'ynidagi og'riqqa qaramay, Kristina tomonga qadam bosdi. Kristinaning qo'lidagi xanjar uzun qilich qiyofasiga kirdi.
–Ket, Kris...Hoziroq ket!
"–Nima bo'ldi? Tanang o'zingga bo'ysunmay qoldimi?" -Kristinaning qulog'iga Reginaning kulgu aralash ovozi eshitidi,- "–Agar menga o'z tanangni bersang, seni bu jahannamdan qutqaraman. Shahzodamiz o'lib ketishini xohlamaysan-ku, to'g'rimi? Men ham buni xohlamayman. Axir ikkimiz ham bir kishimiz, qalbimiz bir..."
Kristian Kristinaning qilich tutgan qo'lidan ushlab, o'ziga yaqinlashtirdi. Tinaning uni bo'g'ib turgan qo'llari pastga tushib, o'zini erkin qo'ydi.
–Naqadar ajoyib tomosha...-Laraning o'simliklaridan halos bo'lgan Jasmin soxta tabassum bilan jilmayib qo'ydi,–Qani shahzoda, so'nggi so'zingni ayt. So'z beraman, bu sahnani albatta keyingi teatrimda olib chiqaman. Lekin menga nimadir qilishga urinsang, Kristina qo'lidagi xanjarni o'z yuragiga sanchadi.
–Anavi Gridning gaplari esingdami?-pichirladi Kristian,–Tumoring yana tillarangda tovlanishi uchun...
–Yo'q! Aslo! Undan ko'ra Reginaning taklifini qabul qilaman! Agar yana birgina so'z aytadigan bo'lsang...
–U aytib bo'ldi!-Jasmin telbalarcha kulib, qo'lidagi iplari yordamida Kristinaning tanasini boshqardi. Tanasi o'ziga bo'ysunmayotgan Kristina qo'lidagi qilichini Kristianning yuragiga sanchib oldi.
–Y-yo'q...K-Kris...bu tush...shunchaki la'nati tush, xolos!
Kristian qo'lidagi qilichi yerga tashlab, og'zini ochganch daxshat bilan bir nuqtaga tikilib turgan Kristinani quchoqlab oldi.
–Nega...nega taslim bo'lding?! Boshqa yo'lini ham topish mumkin edi!
–Sening Regina ekanligingga hech qachon ishonmaganman...va ishonmayman ham. Uning yo'liga kirib ketishingga yoki Jasminga o'xshab jonsiz qo'g'irchoqqa aylanib qolishingga aslo yo'l qo'ymayman...Seni sevaman...Tina...
Kristian qonga to'lgan lablari bilan Kristinadan bo'sa oldi. Uning qonga belangan tanasi yog'ochday qotib turgan Kristinaga osilib, yerga qulab tushdi.
"–Endi men nimani his qilganimni tushungandirsan?-" -so'radi Regina,-"–Men ham yaqinlarimdan senga o'xshab ayrilib qoldim. O'sha la'nati Drakula men uchun aziz bo'lgan barchani qirib tashladi...
#hikoya; Yetti_Gunoh
#mualif; Elen
#ishtirokchi_Semurg
576 views 𝓚𝓪𝓻𝓪𝓷𝓵𝓲𝓴 𝓴𝓲𝔃𝓲 ꯭ , 18:40