2023-04-17 05:00:56
الحديث الأول
amallar faqat niyatlarga bog‘liqdir.
Umar ibn al-Xattob رضي الله عنه aytdilar:
“Men Rosululloh ﷺ ni: Albatta, amallar faqat niyatiga qarab (baholanadi) va albatta, har bir kishi faqat o‘zi niyat qilgan narsasiga erishadi. Shunday ekan, Alloh va Uning Rasuli uchun hijrat qilgan kimsa Alloh va Uning Rasuliga hijrat qilibdi, dunyoviy biror narsa uchun yoki uylanish niyyatida ayol uchun hijrat qilgan kishi (faqat) hijrati o‘sha narsa uchun bo‘libdi“- deganlarini eshitdim dedilar.
Bu hadisni Ahmad, al-Buxoriy, Muslim, Abu Dovud, at-Termiziy, an-Nasoiy, Ibn Moja, al-Bayhaqiy rivoyat qilishgan.
Darhaqiqat, ushbu hadis muhim hadislardan biri bo‘lib, shuning uchun ulamolar kitoblarini va boshqa bitiklarini boshida ushbu hadisni keltirishni yaxshi ko‘rganlar.
al-Buxoriy oʻzining “Sahih” kitobini shu hadis bilan boshlaydi, imom Navaviy esa oʻzining uchta kitobi: hammamizga ma‘lum va mashhur bo‘lgan {Riyozus-solihiyn} ni va {Al- Azkor} shuningdek tolibi ilmlar orasida mashhur bo‘lgan {An-Navaviyning qirq hadisi} - {al arba'iyn an-Navaviyyah} kitoblari ushbu hadis bilan boshlangandir. Sababi ilmga intilayotgan inson o‘z niyatlarini shunday tartibga solishi zarurligiga qaratishdir, shunda u o‘z niyyatini ko‘zdan kechiradi. Ilm va savob amallarni faqat Alloh azza va jalla uchun qilish lozimligini anglaydi.
𝑲𝑨𝑲𝑻𝑼𝑺 𝑲𝑨𝑳𝑩
11.7K views•Mukhammad Yusuf | محمد يوسف, 02:00
K
