Just Economics

2022-07-09 02:37:41 Barchamizga Iydu Qurbon hayiti muborak bölsin! Ochish/sharhlash

2022-07-08 17:40:01 Whataboutism ҳақида эшитганмисиз? Демагогларга баҳсни бошқа ўзанга буришга ёрдам берадиган бу услубнинг моҳияти қуйидагича.

Дейлик, кимдир сиздан "нега сизнинг мамлакатда даромад паст, нархлар баланд?" деб сўради. Бу саволга тайинли жавобингиз йўқ, чунки "аҳмоқона иқтисодий сиёсат юритамиз, ҳаммаёқ монополия, учинчи дунё мамлакати бўлиб ётибмиз" дегингиз келмаяпти. Шунда савол берувчининг ўзига савол берасиз: "ўзларингда нега ҳаммаёқ ЛГБТ бўлиб ётибди? Маънавият қани?". Мана шу услуб whataboutism дейилади – инглизча what about smth "мана бунга нима дейсан?" жумласидан.

Руслар бу атамани какнасчётизм деб таржима қилишибди. Ўзбекча вариантини ўйлаб топа олмадим. Ўзингнибилизм, затобунёдкоризм, деган вариантлар хаёлга келди. Сизда қандай вариантлар бор? Ўзбек тилига янги атама киритишга қарашворинг – у амалдорларимизга ҳали кўп керак бўлади.

@AsanovEldar Ochish/sharhlash

2022-07-06 09:05:17 Uzbekistan GTL дизели ҳақида

Узун хотираларга мурожаат қилсак, бизга GTL заводи ишга тушиши бензин ва нефть маъсулотларининг арзонлашишига олиб келади деб ваъда беришганди. Кейинроқ, завод очилиши вақтида бу ерда ёқилғи ишлаб чиқариб, бензин таннархини туширсак, одамларимиз шуни сезади, деган умидлар тақдим этилган.

Мана ишлаб чиқариш бошланиши бир неча бор кейинга қолдирилиб, охирги марта эълон қилинган анонсдан уч ой ўтиб, GTL заводи маҳсулот ишлаб чиқаришни бошлаган.

Кеча Uzbekistan GTL'нинг дизель ёқилғиси биржа савдоларига чиқарилган. Тоннаси 15,1 млн.сўмдан. Савдолар давомида нархлар 15,3 млн.сўмгача қимматлаган.

Солиштириш учун: қўшни Қозоғистонда биржа савдоларида дизель нархлари 5,6 млн.сўмдан 5,8 млн.сўмгача сотилмоқда.

Кўраяпсизки, тилла нархида бунёд бўлган GTL заводи нефть маҳсулотларининг арзонлашувига бу орқали, бензин нархига босимни пасайтиришга олиб келаётгани йўқ. Қайтанга бензин шу кунларда осмонга ўрламоқда.

Ўзбекистонда ёқилғи, айниқса дизель қимматлиги муаммоси талабнинг жуда катталиги, таклифнинг эса сунъий равишда камайтирилганига бориб тақалади. Импорт каналлари давлат билан чатишиб кетган, монополлашган норасмий/расмий сектор тарафидан тўлиқ назорат қилинади. Яъни бозор йўқ, очиқ бозор йўқ.

Шунинг учун ўта қиммат GTL заводининг қурилгани бу муаммони ечишига ва нархларнинг арзонлашувига асло умид қилманг. Нархлар қимматлашишда давом этади. Ахир каррасига қимматлаштирилган заводни қандайдир кўринишда оқлаш керакку.
(C) the_bakiroo

@just_economics Ochish/sharhlash

2022-07-05 16:13:35 Мен вақт ва имконият топганимда, талаба укаларимиз билан учрашиб тураман. Айниқса, бўлажак сиёсатшунос укаларимиз билан суҳбат қилиш, уларнинг дунёқарашлари, келажак режалари ва вазиятга бераётган баҳолари қизиқ. Мен шундай суҳбатларда, доим баъзи фикрларимни такрорлайман. Мисол учун, мен студент бўлган вақтимда, ҳозирги студентларда бор имкониятларнинг кўпи йўқ эди. Бизни студентлигимизда бўлмаган, лекин ҳозирги ёшларда бор имконият – ютуб! Бугун ютуб – дунёдаги энг катта лекториум! Ҳар қандай мавзуда, жуда ажойиб илмий, таҳлилий кўрсатувлар, дастурлар, суҳбат ва чиқишлар бор.
*
Мен ютубда ҳар куни камида 5-10та видео суҳбат еки кўрсатув кўраманки, мақсад, бир томондан вазиятни холис билиб бориш, бошқа томондан фундаментал, назарий билимларни чуқурлаштириш. Айниқса, рус, инглиз, француз ва бошқа тилларни билсангиз, Университетда 5-6 соат ўқиб, чекланган маълумот олгандан кўра, дунёнинг энг малакали мутахассисларининг лекцияларини бепул ва комфортда эшитиб, конспект қилиб олган анча фойдали. Ажойиб давр, ажойиб имкониятлар!

Kamoliddin Rabbimov

@just_economics Ochish/sharhlash

2022-07-05 15:47:14 https://kun.uz/uz/63396516 Ochish/sharhlash

2022-07-04 16:00:43 ​Туркияда инфляция 90- йиллар кўрсаткичларига қайтди Бутун дунё бўйлаб инфляция шарпаси кезиб юрипти, деган бўларди замонамиз тарғиботчиларидан бири. Лекин Туркиядаги инфляция аниқ шарпа эмас, камида шовқин, агар тўфон бўлмаса. Июнь ойи якунлари бўйича турк… Ochish/sharhlash

2022-07-04 15:56:23 ​Туркияда инфляция 90- йиллар кўрсаткичларига қайтди

Бутун дунё бўйлаб инфляция шарпаси кезиб юрипти, деган бўларди замонамиз тарғиботчиларидан бири. Лекин Туркиядаги инфляция аниқ шарпа эмас, камида шовқин, агар тўфон бўлмаса.

Июнь ойи якунлари бўйича турк қардошларда ойлик инфляция 4,95%ни ташкил этган. Йиллик инфляция эса қарийб 79%га етган. Охирги марта бундай юқори инфляция ҳукуматларнинг тинимсиз алмашиши даври ҳисобланган 1998 йилда кузатилган.

Нархларнинг энг катта ўсиши транспорт хизматлари ҳиссасига тўғри келади -123,37%. Озиқ-овқатлар 93,93%га қимматлаган.

Кийим-кечак (26,99%) ва комуникация хизматларининг нархлари (23,74%) ўсиши анча пастлигича қолмоқда. Ochish/sharhlash

2022-07-04 06:19:57 Ochish/sharhlash

2022-07-03 11:30:06 O'zbekiston Respulikasi hududi yaxlit va bo'linmasdir va bitta Ona Vatandir! Ochish/sharhlash

2022-06-30 10:00:57 To’g’risi, bu yangilikni boshida hazil deb o’yladim - Kalifornia aholisiga inflyatsiya asoratini yumshatish uchun mahalliy byudjetdan kishi boshiga (daromadiga qarab) $1050 tarqatilar ekan:
https://nypost.com/2022/06/28/cali-residents-to-receive-up-to-1050-in-inflation-relief

Iqtisodiy savodzlikning millati va chegarasi yo’q deb bekorga aytilmaydi.
Keyingi bosqichda $1050 tarqatilgani tufayli kuchaygan inflyatsiya asoratini yumshatish uchun qo’shimcha $2100 tarqatilishi kerakmi?

Xullas xato ketidan xatolar, populistik chora ketidan populistik choralar…
uzbekonomics

@just_economics Ochish/sharhlash