Журналистика.уз

2022-08-30 13:13:18 Футбол бўйича Испания чемпионати доирасидаги ўйинлар 26 августдан бошлаб “Yoshlar” телеканали орқали жонли эфирга узатилмоқда. Шу кунга қадар LaLiga'нинг 8 та ўйини намойиш этилди. Футбол баҳслари намойиши давомида кадрларга ҳеч қандай қўшимча эффектлар қўлланилмайди.
Ижтимоий тармоқларда тарқалган сурат эса “Янги Давр” информацион дастурининг спорт хабарлари блокидан олинган. Бу ҳолат юзага келиши сабаблари аниқлаштирилганда, лавҳани тайёрлаган монтажчи “Реал Мадрид” жамоаси ўйнаётган футболда Испания байроғи ўрнига Украина байроғи хато қўйилган деб ўйлаб, бу "хатолик"ни ўзбошимчалик билан тўғирламоқчи бўлгани ва шу мақсадда беркитгани маълум бўлди. Бош муҳаррир кўрик пайтида бу ҳолатга эътибор бермай, лавҳани эфирга узатишга рухсат берган. Бу бўйича айбдорларга нисбатан тегишли чоралар кўрилди.
Юзага келган вазият учун узр сўраймиз ва ушбу ҳолатга сиёсий тус бермасликни илтимос қиламиз.
Футбол намойишини телеканалимиз орқали кузатаётган ва камчиликларимизга бефарқ бўлмаган барчага ўз миннатдорчилигимизни билдирамиз.

@yoshlar_tv Ochish/sharhlash

2022-08-28 21:29:36 МТРК Испания Ла Лигаси трансляция ҳуқуқларини сотиб олгани айтилмоқда. Шундай қилиб, МТРК телеканалларида Италия А серияси ва Европа чемпионлар лигаси билан бир қаторда энди испан футболи ҳам намойиш этилади. Бундан ташқари, Қатар майдонларида бўлиб ўтадиган мундиал баҳсларини ҳам айнан шу телеканал орқали томоша қиламиз. Бу, албатта, футбол ихлосмандлари учун қувонарли хабар. Энди АПЛ ҳам сотиб олинса, масала ҳал. Аммо танганинг иккинчи томони ҳам бор. Мана олти йилдирки, Ўзбекистонда давлат улушини максимал даражада камайтириб, хусусий секторга йўл очишга ҳаракат қилиняпти. Давлат раҳбари ҳам ўз баёнотларида тадбиркорларни қўллаб-қувватлаш тўғрисида жўшқин нутқлар ирод қилиб келади. Аммо бугун европа футболи трансляцияси ҳуқуқларини сотиб олиш бўйича давлатга тегишли бўлган МТРК Uzreport хусусий телевидениеси билан жиддий рақобатга киришганини кўряпмиз. Айниқса, сўнгги 2 йилда бу кураш авжига чиқди.

Ўзи, давлатга спорт телеканали керакми деган савол ҳам жуда долзарб. Шу канал бутунлай йўқ бўлиб кетиши биланоқ, юртимизда кўплаб хусусий спорт телеканаллари пайдо бўлишига ишончим комил. МТРК сотиб олаётган ҳар битта трансляция ҳуқуқи неччи пулдан тушаётганини шахсан мен солиқ тўловчиси сифатида билишни истардим. Лекин, афсуски, бу борада очиқ манбаларда маълумотни топа олмайсиз. Масалан, Uzreport трансляция учун неччи пул сарфлаётгани мени бутунлай қизиқтирмаслиги мумкин, қолаверса эркин бозор шароитида у билан беллашиш учун яна битта хусусий компания пайдо бўлса, табиийки, мен бунга соғлом рақобат сифатида қарайман. Аммо ҳозирги ҳолатда бундай деб бўлмайди. Бу соғлом рақобат эмас. Хусусий бизнес томонидан асос солинган Uzreport (FutbolTV) телеканали ҳеч ким олдида ҳисоб бермайдиган, қанча маблағ сарфланаётгани-да номаълум бўлган давлат телерадиокомпанияси билан рақобатлаша олмайди. Бу кундек равшан.

Қолаверса, реклама пулларига қизиқмайдиган, техника-ю студия харажатларидан тортиб, ойлик-маошларигача бюджетдан адратиладиган давлат телевидениесида истеъмолчи олдидаги масъулият ўта паст бўлиши турган гап. Хусусий телеканаллар эса томошабинларнинг эътиборини тортишдан, реклама орқали пул топишдан манфаатдор бўладилар ва табиийки, улар сифатни юқори планкада ушлаб туриш учун бор куч ва ресурсларини сарфлайдилар. Ва бу гап нафақат спорт телеканалига, балки бошқа йўналишларга ҳам тегишли. МТРК маҳаллий телевидениеда ўзининг улушини максимал даражада камайтириб бориши лозим. Шунда хусусий телеканаллар ривожланади. Бу ҳам тадбиркорликнинг бир тури сифатида баҳоланиши ва қўллаб-қувватланиши керак.

Манба @fayzboguz Ochish/sharhlash

2022-08-26 19:04:57 Миллий ахборот сиёсатимизга эга бўлиш вақти келди

Назаримда Комил ака жамоани йиға бошлади. Аксарияти ёшлар. Бу, яхши! Бироқ айни қадамни биз бугунги “саркаш дунё”га дилемма ўлароқ қабул қилсак бўладими?

Бош воизлик ТВ экранлари, тўю маъракалар ва масжидлардан ижтимоий тармоқларга кўчаётган бугунги ахборот асрида жамиятни шакллантириш, тутиб туриш ва миллият ҳамда аслиятимизга уйғун бир йўлга йўналтириш учун биз, яъни жамиятимиз кучли интеллектларга ичдан эҳтиёж сезаётган эди. Алламжоновга юкланган вазифа, адашмасам, ахборот сиёсати ва жамоат фикрини ўрганиш. Қолаверса, бугун юқорида айтганимдай, интернет дунёнинг бош воизига айланган экан, масала ўта жиддий эканлиги кўринади.

Очиғи, ҳозир айни жабҳага дунёни ва кечаётган тенденцияларни кафтида кўраётгандек ҳис қила оладиган ва улар билан муносиб ўйин олиб боришни эплайдиган команда керак. Ҳа, бугун жаҳонда уруш – ахборот уруши кетаётир. Бу уруш катта эҳтимол билан халқаро саҳнадан турли миллатларни, маданиятларни, этно қадриятларни супуриб ташлаши ҳам мумкин.

Ахборот ва умуман, мафкура секторида янгилик кутишдан мақсад шу эдики, биз миллий ахборот сиёсатимизга эга бўлайлик, патерналистик (оғачилик, ўзини бош ҳисоблаш, тепадан қараш) ва неоколониал хабар маконлари исканжасидан қутулайлик. Эҳтимол Комил ака ҳам шу туйғуларни кўнглидан ўтказаётгандир. Жамоа ҳам гарчи биз улар иқтидоридан бехабар бўлсак-да, чин мутафаккирлардан тузилаётгандир. Шундай деб ўйлаймиз. Ва яна шуни ўйлаймизки, жамоа жуда катта ишнинг бошида эканлигини англайди.

Менинг назаримда, ахборот билан ишлаш дегани фақат телеграм каналлар ёки сайтлардаги ижтимоий-сиёсий динамикани мониторинг қилиш, дегани эмас. Агар шундай ўйланса, бу итерация (айнан бир ишни қайта такрорлашда)дир! Бу АОКА тажрибасида бўлган. Энди миллий ахборот макони яратиш, ҳар қандай ахборий мубашширлик (миссионерлик), айниқса, сиёсий пропагандачиликларга чек қўйиш ҳақида ўйлаш ва бу борада концепция яратиш вақти келди, деб ўйлайман.

Хуллас, бугун у сайтга ё бу каналга фалон хабар, пистон мақолани олиб ташла, деб кўрсатма бериш – бу ислоҳот эмас. Ислоҳот шуки, у одамларга эркинлик руҳини берсин, масъуллик туйғусини шакллантирсин. Фикримча, бунга қонунларни фаоллаштириш орқали эришса бўлади.
@platformauzb Ochish/sharhlash

2022-08-25 21:03:35 Ochish/sharhlash

2022-08-25 11:51:38 Диққат! QALAMPIR.UZ ишга таклиф этади!

Бизга интернет-журналистика йўналишида тажрибага эга журналист, муҳаррир ва мусаҳҳиҳлар керак.

Номзодларга қўйиладиган асосий талаблар:
• Тошкентда истиқомат қилиш;
• Хорижий тиллардан камида биттасини билиш;
• ОАВда камида 1 йил иш тажрибасига эга бўлиш.

QALAMPIR.UZ сизларга:
• яхши маош;
• касбий ўсиш имконияти;
• шинам офис;
• дўстона жамоа;
• бепул тушлик, кечки овқат, чой ва кофе кафолатлайди.

QALAMPIR.UZ'да ишлашни хоҳловчилар қуйидаги алоқа аккаунтига ўз резюмеингизни юборинг

@InfoQalampir Ochish/sharhlash

2022-08-24 10:43:30 Тарихий шармандалик ҳикояси: Содиқ Сафоев, ваъдангизни қачон бажарасиз?

Пулланган хотира, «юлинган» ном: Дунё тан олган жадидларимиз манзиллари фақат тижорат учун хизмат қилмоқдами?

Файзулло Хўжаевнинг ҳовлисидан бугун тижорат мақсадида фойдаланилаётгани, унинг авлоди бундан норози эканлиги ҳақида аввалги мақолада ёзилган эди. Навбатдаги материалда у кимга мурожаат этгани ва нега Файзулла Хўжаев номи олиб ташлангани, шунингдек, қандай асосга кўра жадидлар мероси тадбиркорларга ўтгани хусусида тўхталиб ўтилган.

Батафсил https://rost24.uz/uz/news/1138

Каналга уланиш

https://t.me/rost_24uz Ochish/sharhlash

2022-08-19 15:47:09 Hammaga qiziqarli bo’lishi uchun muhim mavzular haqida qanday gapirish kerak?

Faqat Farg‘ona, Andijon va Namangan viloyatlari blogerlari uchun 2022 y. 25-28 avgust kunlari Farg‘onada 4 kunlik trening. Tashkilotchi www.anhor.uz

Ijtimoiy ahamiyatga ega mavzularni yoritishga ijodiy yondashish: “Ijtimoiy ahamiyatga ega muammolarni yoritishda nostandart yechimlar va vositalar” mavzusidagi treningda PR, jurnalistika va huquq sohasidagi yetakchi (taniqli) mutaxassislardan nazariya va ilg‘or amaliyot (best practice).

Farg‘onada o‘z sohasi mutaxassislari bilan to‘rt kunlik qizg‘in mashg‘ulotlar.

Farg‘ona shahridagi Asia Fergana mehmonxonasida.

Tashkilotchilar treningda ishtirok etish bilan bog'liq barcha xarajatlarni qoplaydi.
O'rinlar soni cheklangan.

Arizalar qabulining so‘nggi muddati 22-avgustgacha

Tanlovda ishtirok etish uchun arizani toʻldiring https://docs.google.com/forms/d/e/1FAIpQLSeoEwA04Uof-bvdr339Pga70ISDIHqfcbQPPtQpoJN0DsKKvA/viewform?embedded=true

@jurnalistikauzbek Ochish/sharhlash

2022-08-17 08:12:58 Рекламанинг тили ҳақида

Янги қонунга асосан Ўзбекистон ҳудудида реклама давлат тилида тарқатилади.

Шунингдек:

✓ реклама мазмунининг бошқа тиллардаги таржимаси матни унинг давлат тилидаги асосий маънони бузиб кўрсатмаслиги;

✓ ташқи рекламанинг бошқа тиллардаги таржимаси матни давлат тилидаги реклама матнининг пастки қисмида горизонтал жойлаштирилиши ва реклама майдонининг қирқ фоизидан ошмаслиги;

✓ рекламанинг бошқа тиллардаги таржимаси матни ҳарфининг ўлчами давлат тилидаги реклама матни ҳарфининг ўлчамидан кичик бўлиши;

✓ ОАВда тарқатиладиган рекламанинг бошқа тиллардаги таржимаси ҳар кунги умумий реклама ҳажмининг йигирма фоизидан ошмаслиги керак.

Ушбу талаблар фақат чет тилларда эълон қилинадиган босма нашрларда ва ноширлик маҳсулотининг бошқа турларида жойлаштириладиган рекламага;

✓ кўрсатувни чет тилларда амалга оширувчи ОАВнинг теле-, радио-, видео-, кинохроникал дастурларини намойиш этиш жараёнида жойлаштириладиган рекламага;

✓ Интернет жаҳон ахборот тармоғидаги материалларни фақат чет тилларда жойлаштирадиган веб-сайтларнинг ахборот ресурсларига жойлаштириладиган рекламага нисбатан татбиқ этилмайди.

Рўйхатга олинган товар (хизмат) белгилари, босма усулда терилган бўғинли белгилар (логотиплар) асли қайси тилда бўлса, шу тилда келтирилиши мумкин.

Давлат тилининг аҳамияти ва эътибори нуқтаи назаридан рекламада давлат тилига нисбатан устуворлик берилиши табиий ва тўғри. Бу давлат тилига эга ҳар қандай суверен мамлакат учун нормал ҳол ва бу бошқа тилларни камситишга олиб келмайди.

@deputat_kusherbayev Ochish/sharhlash

2022-08-16 22:18:14 Янги танлов!

Ўзбекистон Журналистларни қайта тайёрлаш маркази ва Европада хавфсизлик ва ҳамкорлик ташкилоти “Терроризмга қарши курашишда ОАВ ва фуқаролик жамияти салоҳиятини ошириш” лойиҳаси доирасида журналист, блогерлар ўртасида энг яхши материал танловини

ЭЪЛОН ҚИЛАДИ

Танловга материаллар 2022 йилнинг 20-майидан 2022 йилнинг 10-сентябригача  қабул қилинади.

Танлов учун юборилган материаллар қуйидаги йўналишлар бўйича баҳоланади:

терроризмга олиб келувчи зўравонлик ҳамда радикаллашувга қарши кураш;

Терроризмга олиб келувчи зўравонлик экстремизми ва радикаллашувга қарши кураш мақсадида ОАВ ҳамда жамоатчилик ҳамкорлиги;

ОАВ ва фуқаролик жамиятининг терроризмга қарши кураш салоҳиятини ошириш мақсадида аҳоли медиасаводхонлигини ошириш масалалари;

Ижтимоий тармоқларда ёшлар хавфсизлигини таъминлаш

Танловда иштирок этиш истагини билдирган талабгорлар ўз ижодий ишларини (телерадио, сайт, газета, блогларда эълон қилинган)телеграмдаги @jqtmuz_bot манзилига юборишлари сўралади.
 
Танлов НИЗОМИ билан https://jqtm.uz сайтида танишиш мумкин

@jurnalistikauzbek
  Ochish/sharhlash

2022-08-11 17:59:00 Экология қўмитаси дарахт кесилиш машмашасида айбдор деб журналистни жазолади

АОКА, Масс медиа ва Журналистлар уюшмаси жим...

Батафсил https://rost24.uz/uz/news/1119

Каналга уланиш: https://t.me/rost_24uz Ochish/sharhlash