Jomboy tumani hokimligi

2022-09-01 17:34:12 Istiqlol bayramida jomboylik jadid nomi yodga olindi

Toshkent shahridagi “Yangi O‘zbekiston” bog‘ida davlat mustaqilligining 31 yilligiga bag‘ishlab o‘tkazilgan bayram tadbirlarida jadidlar ham xotirlandi. Jumladan, tumanimizdan yetishib chiqqan ulug‘ alloma – Saidahmad Siddiqiy Ajziy nomi milliy istiqlol kurashchisi sifatida yod etildi.

Bobomiz o‘z davrining yetuk ma’rifatparvari sifatida mintaqada matbuot, teatr, ta’lim va adabiyot shakllanishiga ulkan hissa qo‘shgan. 1903-yilda Markaziy Osiyodagi ilk zamonaviy maktablardan birini tumanimizning Holvoyi qishlog‘ida barpo etgan. Shunday insonlar avlodi ekanimizdan har qancha faxrlansak arziydi.

Ulaning va ulashing:
Veb-sayt | Facebook | Telegram | Instagram Ochish/sharhlash

2022-09-01 17:31:44 Bayram shukuhi har bir xonadonga kirib bordi

Tumanimizda istiqomat qiluvchi keksa-nuroniylar, nogironligi bo‘lgan, ehtiyojmand yurtdoshlarimiz holidan xabar olinmoqda. Jumladan, tuman hokimi va sektor rahbarlari ularning xonadonida bo‘lib, eng ulug‘, eng aziz ayyom bilan tabriklashdi. Bayram sovg‘alari, jumladan nogironlik aravachalari, eshitish moslamalari, ordopedik jihozlar berildi.

Shuningdek, mahalla va oilani qo‘llab-quvvatlash bo‘limi tashabbusi bilan kam ta’minlangan oilalarga oziq-ovqat mahsulotlari tarqatilmoqda.

Ulaning va ulashing:
Veb-sayt | Facebook | Telegram | Instagram Ochish/sharhlash

2022-09-01 08:06:33 Aziz yurtdoshlar!

Jonajon yurtimiz mustaqilligining 31 yilligi munosabati bilan barchangizni samimiy tabriklayman!

Davlat mustaqilligi ko‘p ming yillik tariximizdagi hech qachon unutilmaydigan, qadr-qimmati va ahamiyatli yillar, asrlar o‘tgani sayin tobora ortib boradigan buyuk tarixiy voqeadir.

“Yangi O‘zbekistonda el aziz, inson aziz” shiori ostida nishonlanayotgan bu yilgi ayyom har yilgidan fayzli o‘tmoqda.

Ushbu shukuhli daqiqalarda xalqimizga mustahkam sog‘liq, oilaviy xotirjamlik, xonadonlarimizga qut-baraka tilayman.

Yurtimiz tinch, osmonimiz musaffo, mustaqilligimiz abadiy bo‘lsin!

Hurmat bilan

Qayum SOBIROV,
Jomboy tumani hokimi.

Ulaning va ulashing:
Veb-sayt | Facebook | Telegram | Instagram Ochish/sharhlash

2022-08-31 16:27:25 Shirinkentda zamonaviy mahalla markazi barpo etildi

Mustaqilligimizning 31 yilligi arafasida tumanimizda qator ijtimoiy soha obyektlari foydalanishga topshirildi. Jumladan, Shirinkent mahalla fuqarolar yig‘ini binosining ochilish marosimi bo‘lib o‘tdi.

Tantanali tadbirda viloyat mahalla va nuroniylarni qo‘llab-quvvatlash boshqarmasi boshlig‘i I.Jabborov, tuman hokimi Q.Sobirov, mahalla ahli, faxriylar va yoshlar ishtirok etdi.

Tuman hokimi Qayum Sobirov so‘zga chiqib, eng ulug‘, eng aziz ayyom munosabati bilan shirinkentliklarni tabrikladi. Aholi turmush sharoitini yaxshilash, odamlarda ertangi kunga ishonchni mustahkamlash borasida amalga oshirilayotgan islohotlarga to‘xtaldi. Bunda mahallaning ahamiyati beqiyos ekanini ta’kidladi. Bino qurilishda fidoyilik ko‘rsatgan yurtdoshlarimizga tashakkurnoma va esdalik sovg‘alari topshirildi.

Shundan so‘ng jamoatchilik vakillari binoda yaratilgan sharoitlar bilan tanishishdi.

Ulaning va ulashing:
Veb-sayt | Facebook | Telegram | Instagram Ochish/sharhlash

2022-08-31 16:03:28 Xitoypoyonliklar endi qishloqning o‘zida tibbiy xizmatdan foydalanadi

Xitoypoyon mahallasida yangi tibbiyot markaz foydalanishga topshirildi. Endilikda hududda istiqomat qiluvchi 3000 nafar aholi qishloqning o‘zida tajribali shifokorlar xizmatidan foydalana oladi.

– Tibbiy markazimizda bir nafar oila shifokori va besh nafar patronaj hamshiralar aholiga sifatli xizmat ko‘rsatadi, – deydi tuman tibbiyot birlashmasi rahbari Tozagul Xoliqova. – Bu yerda EKG, pulsoksametr, FIK, mikroskop va laboratoriya uskunalari muvjud.

Ma’lumot uchun, yil boshidan beri tumanimizda 11 ta tibbiy markaz faoliyati yo‘lga qo‘yilgan.

Ulaning va ulashing:
Veb-sayt | Facebook | Telegram | Instagram Ochish/sharhlash

2022-08-31 14:41:28 Bank tizimi faxriylari xonadonida

Mustaqillik bayrami arafasida xayriya va inson qadrini ulug‘lash g‘oyasiga yo‘g‘rilgan tadbirlar o‘tkazilmoqda.

Aksiyadorlik-tijorat “Xalq banki” viloyat rahbariyati tomonidan ko‘p yillar sohada samarali mehnat qilgan faxriylar holidan xabar olindi. Jumladan, Alla Ten, Mavluda Tillayeva, Xurshida Hamroyeva xonadonida bo‘lib, ularga bayram sovg‘alari topshirildi.

Ulaning va ulashing:
Veb-sayt | Facebook | Telegram | Instagram Ochish/sharhlash

2022-08-31 14:25:12 “Jomboy: kecha, bugun, ertaga” – mustaqillik tuhfasi

Tumanimiz qomusi nashr etildi

Batafsil: jomboy.uz

Ulaning va ulashing:
Veb-sayt | Facebook | Telegram | Instagram Ochish/sharhlash

2022-08-31 11:57:11 Ta’lim muassasalarida bayram shukuhi

Maktabgacha ta’lim tashkilotlarida ham eng ulug‘, eng aziz ayyom yuqori saviyada nishonlanmoqda. 32-davlat maktabgacha ta’lim tashkilotida ham istiqlol shodiyonasi o‘tkazildi. Bolajonlarda vatanparvarlik tuyg‘usini mustahkamlash maqsadida tashkil etilgan tadbir tarbiyalanuvchilar ijrosidagi kuy-qo‘shiqlar bilan yanada fayzli o‘tdi.
***
Shunday tadbirlar Qumrinisa Mamatqulova oilaviy nodavlat maktabgacha ta’lim tashkilotida ham o‘tkazildi. Bolajonlar mustaqillik ne’mati, ozodlik, Vatanga muhabbat mavzuida she’r va qo‘shiqlar aytishdi.

Ulaning va ulashing:
Veb-sayt | Facebook | Telegram | Instagram Ochish/sharhlash

2022-08-31 11:47:47 Tumanimizda mavjud vakant lavozimga ochiq tanlov e’lon qilindi

Prezident huzuridagi davlat xizmatini rivojlantirish agentligi viloyat filiali quyidagi vakant lavozimga ochiq, mustaqil tanlov e’lon qildi:

– Naymantepa mahallasidagi hokim yordamchisi;

Arizalar joriy yilning 4-sentabrigacha (shu kuni ham) qabul qilinadi.

– Iqtisodiy taraqqiyot va kambag‘allikni qisqartirish bo‘limi boshlig‘i o‘rinbosari.

Arizalar joriy yilning 9-sentabrigacha (shu kuni ham) qabul qilinadi.

Nomzodlar davlat fuqarolik xizmatchilari vakant lavozimlarining yagona ochiq portali orqali ro‘yxatdan o‘tishlari, hujjatlarni elektron shaklda taqdim etishlari zarur.

Ulaning va ulashing:
Veb-sayt | Facebook | Telegram | Instagram Ochish/sharhlash

2022-08-31 11:28:42 Fidoyi shifokorlar mehnati qadrlandi

Tuman tibbiyot birlashmasi va tizim tarkibidagi davolash-profilaktika muassasalarida uzoq yillardan buyon samarali mehnat qilib kelayotgan fidoyi xodimlar taqdirlandi.

Tadbirda viloyat sog‘liqni saqlash boshqarmasi, Kasaba uyushma qo‘mitasi va tuman hokimligi mutasaddilari qatnashdi.

Shuningdek, sohada ishlab kelayotgan ehtiyojmand xodimlar farzandi uchun maktab sumkalari tarqatildi.

Ulaning va ulashing:
Veb-sayt | Facebook | Telegram | Instagram Ochish/sharhlash