2022-04-30 19:56:37
“Oltin qalam”da ko‘p ovoz to‘plash uchun xaker bo‘lish shart emas…
Aslida bu postni kecha joylashim kerak edi, lekin
“Qo‘y, shu kerakmi…”, -deb chetga surgandim, bugun
Qalampir.uzʼda ovozlarni
«nakrutka» qilayotganlar haqida yaxshi bir material chiqibdi. Men ham "enter"ni bosvoraqoldim.
Haqiqatdan ham, videoda keltirilgan
(Cookieʼni tozalash usuli) yo‘l orqali jurnalistlar to‘plagan ovozlarni sunʼiy ravishda oshirib o‘tirish mumkin. Bundan tashqari
, https://golospobed.ru va
https://nakrutkagolosovaniy.ru kabi saytlarga pulini to‘lab, kimga ovoz berishni aytsangiz, botlarni o‘zi sizning o‘rningizga hammasini bajaradi. Yoki https://back.ju.technocorp.uz/.../jaloliddin.../rate kabi manzilingizni topib, biroz kod yozgan holda
APIga
OPTIONSni o‘zgartirib
«zapros» berib qo‘yishingiz ham mumkin. Xullas, yo‘llari bor…
Nima demoqchiman? Internetda ovoz berish yo‘li hech qachon haqqoniy bo‘lmaydi. Buni
OltinKabutar.uzʼdagi ovoz berish jarayonida ham biz jurnalistlar ko‘rganmiz. Hozir kim ko‘p, pulini bersa «schotchik»ni aylantirib beradigan «aytishnik» ko‘p. Ovoz berilishga qo‘yilibdi, degan kuniyoq
“Haqqoniylik left the group”, -degandim.
O‘zingiz bir https://jurnalistlar.uz/competit.../oltin-qalam/vote/2022... saytiga kirib ko‘ring. Minglab ovoz olganlar bor. Baʼzi jurnalistlarni ko‘plab taniqli OAV vakillari ham tanishmayapti. Bu tabiiy hol albatta, ammo, oddiy misol, do‘stim
Amirxon Umarov o‘zining yuz minglab obunachisi bo‘lgan ijtimoiy tarmoqlardagi sahifalariga ovoz berishga chorlov joylaganining o‘zida atigi
300-400 ta odam o‘tdi. Odamlar saytga kirib, ro‘yxatdan uni topib, amallab ovoz berishini inobatga olsak, bu ancha ishonarli raqamlar, aslida. Lekin
3-4-5, 10 minglab ovozlarmasda-a-a o‘rtoqlar. Men o‘zim ham, deyarli
100K bo‘lgan sahifalarimda
“Ovoz bervoringlar”, deganimda amallab 400 ta odamdan yulduzcha to‘play oldim xolos.
«nakrutka» qilishni bilaman, muammo yo‘q. Lekin, stop! Soxta obro‘ bilan o‘zimni aldab nima qilaman?! Tanlov nomzodlari orasida ovozi mendanam kamroq bo‘lsada,
TOP-10 talikda turgan baʼzilardanam kuchliroq ijod qilganlar talaygina
(Amirxonning “Ochiqchasiga gaplashamiz”i, Nurzod Voxidov shular jumlasidan). Ular olsa haqqoniylik uchun suyunishim aniq.
To‘g‘ri, uyushmaga ustozimiz Olimjon O'sarov kelganlaridan keyin ancha katta o‘zgarishlar bo‘ldi, rivojlanmoqda. Men ular rahbarlikka tayinlangan kuniyoq buni bilgandim va kutgandim. Bu yili ilk marotaba nomzodlarning maʼlumotlari shaffof joylanayotganining o‘zi katta natija. Ishonaman, saytdagi ovozlarga hakamlar aldanib qolishmaydi va soxta raqamlar
4-may kuni katta sahnaga ko‘tariladigan g‘oliblarga uncha katta taʼsir o‘tkazmaydi.
Yana bilmadim…
Nima bo‘lganda ham
«upgrade» bo‘lgan O‘zbekiston Jurnalistlari ijodiy uyushmasiga va ustoz - Olimjon O'sarovga o‘zbek jurnalistikasini yangi bosqichga olib chiqishlari yo‘lida zafarlar tilayman.
JM BLOG Shu atrofdaman...
23.4K viewsedited 16:56