Jizzax yuridik texnikumi

2022-10-31 16:30:42 Янги Меҳнат кодекси қабул қилинди. Яхши ўзгаришлар бор

Ўзбекистон Республикасининг янги Меҳнат кодекси тасдиқланди. Президент бунга оид қонунни имзолади.
Янги Меҳнат кодекси 6 ой ўтгач кучга киради. Унгача эскиси амалда бўлади.

Янги кодекс 7 бўлим, 34 боб ва 581 моддадан иборат.

Олий Мажлиси Қонунчилик палатаси Спикери ўринбосари Одилжон Тожиев янги кодексга оид айрим ўзгаришлар ҳақида маълумот берди:

Жумладан, янги таҳрирдаги Меҳнат кодексида:

меҳнат таътилининг минимал давомийлиги ҳозирги 15 иш куни ўрнига 21 календарь куни этиб белгиланмоқда!

“ходимнинг пенсия ёшига етганлиги муносабати билан иш берувчининг ташаббуси билан меҳнат шартномасини бекор қилиш” асоси чиқариб ташланмоқда. Аввалги кодексга кўра, иш берувчилар ходим пенсия ёшига етганда ўз ташаббуси билан бемалол ишдан бўшата олар эди;

ишдан бўшатиш нафақасини иш берувчида ишлаган иш стажига қараб дифференциациялашган миқдори белгиланмоқда. Яъни: 3 йилгача иш стажига эга ходимларга ўртача ойлик иш ҳақининг 50%, 3 йилдан 5 йилгача – 75%, 5 йилдан 10 йилгача – 100%, 10 йилдан 15 йилгача – 150%, 15 йилдан ортиғига – 200% берилади. Аввалги кодексда иш стажидан қатъи назар барчага 100%лик ўртача ойлик иш ҳақи миқдорида ишдан бўшатиш нафақаси тўланар эди;

давлат байрамлари (ишланмайдиган байрам кунлари) кунларига дам олиш куни тўғри келган тақдирда уни кўчириш қоидаси киритилмоқда. Бу ҳақда аввал ҳам кўп бора ёзган эдик. Яъни айтайлик 21 март - Наврўз байрами якшанба кунига, яъни шундоқ ҳам дам олиш бўлган кунга тўғри келиб қолса, эртаси кунги душанба ҳам дам олиш куни дея эълон қилинади. Аввалги кодексда бу қоида йўқ эди, бошқача айтганда дам олиш куни "куярди";

бугунги кунда меҳнат бозорида мавжуд 12 хил меҳнат турлари акс эттирилмоқда (масалан, касаначилик, ЯТТда ёлланма ишчилар, уй ишчилари, кунлик, вақтинчалик ва мавсумий ишчилар, сменали ишчилар, масофавий ишчилар ва бошқ.). Бу аввалги кодексда йўқ эди.


@xushnudbek Ochish/sharhlash

2022-10-31 14:51:35 https://uza.uz/react/posts/yangi-mehnat-kodeksi-unda-qanday-yangi-normalar-nazarda-tutilmoqda_420890 Ochish/sharhlash

2022-10-31 14:48:00 Toshkent davlat yuridik universiteti Mehnat huquqi kafedrasi dotsenti vazifasini bajaruvchisi, yuridik fanlar bo’yicha falsafa doktori (PhD) Raximov Miryoqub Aktamovichning “Yangi Mehnat kodeksi: unda qanday yangi normalar nazarda tutilmoqda?” nomli maqolasi nashr etildi. Maqolada yangi Mehnat kodeksining ayrim o’ziga xos jihatlari tahlil qilingan.

https://uza.uz/posts/420890 Ochish/sharhlash

2022-10-29 20:57:56 Xitoy mo‘jizasi: Takla-Makon cho‘lida uzunligi 500 km bo‘lgan, qum bo‘ronlaridan tabiiy yashillik bilan himoyalangan yo‘l! Ochish/sharhlash

2022-10-29 16:33:05 Ochish/sharhlash

2022-10-29 10:56:42 #Қонунчиликдаги_янгиликлар

Меҳнат кодекси янги таҳрирда қабул қилинди

“Ўзбекистон Республикасининг Меҳнат кодексини тасдиқлаш тўғрисида”ги Қонун (ЎРҚ-798, 28.10.2022 й.) Президент томонидан имзоланди

Кодексга кўра, якка тартибдаги меҳнатга оид муносабатлар ва улар билан бевосита боғлиқ ижтимоий муносабатларни ҳуқуқий тартибга солишнинг асосий принциплари этиб қуйидагилар белгиланди:

меҳнат ҳуқуқларининг тенглиги, меҳнат ва машғулотлар соҳасида камситишни тақиқлаш;
меҳнат эркинлиги ва мажбурий меҳнатни тақиқлаш;
меҳнат соҳасидаги ижтимоий шериклик;
меҳнат ҳуқуқлари таъминланишининг ва меҳнат мажбуриятлари бажарилишининг кафолатланганлиги;
ходимнинг ҳуқуқий ҳолати ёмонлашишига йўл қўйилмаслиги.

Жумладан, меҳнат эркинлиги ҳар кимнинг меҳнат қилишга бўлган ўз қобилиятларини тасарруф этиш, уларни қонун билан тақиқланмаган ҳар қандай шаклда амалга ошириш, машғулот турини, касбни ва мутахассисликни, иш жойини ҳамда меҳнат шароитларини эркин танлаш ҳуқуқини англатади.

Давлат аҳолининг ижтимоий эҳтиёжманд тоифаларини ишга жойлаштириш бўйича қўшимча кафолатларни таъминлайди.

Бунда аҳолининг ижтимоий эҳтиёжманд тоифалари жумласига қуйидагилар киради:

14 ёшга тўлмаган болалари, ногиронлиги бўлган болалари бор ёлғиз ота-она, шунингдек кўп болали оилалардаги ота-оналар;
умумий ўрта ва ўрта махсус таълим ташкилотларини, касб-ҳунар мактаблари ва коллежлари ҳамда техникумларини тамомлаб, касбга эга бўлган ёшлар;
“Меҳрибонлик” уйларининг битирувчилари, шунингдек олий таълим ташкилотларининг давлат грантлари бўйича таълим олган битирувчилари;
Мудофаа, Ички ишлар, Фавқулодда вазиятлар вазирликлари, Миллий гвардия, Давлат хавфсизлик хизмати қўшинларидаги муддатли ҳарбий хизматдан бўшатилган шахслар;
ногиронлиги бўлган шахслар;
пенсияолди ёшидаги шахслар (қонунда белгиланган пенсия ёшига қадар икки йил олдин);
жазони ижро этиш муассасаларидан озод қилинган шахслар ёки суднинг қарорига кўра ўзига нисбатан тиббий йўсиндаги мажбурлов чоралари қўлланилган шахслар;
одам савдосидан жабрланганлар.

Ушбу Қонун расмий эълон қилинган кундан эътиборан 6 ой ўтгач кучга киради.

Қонун кучга кириши билан “Ўзбекистон Республикасининг Меҳнат кодексини тасдиқлаш тўғрисида”ги Қонун (21.12.1995 й.) ўз кучини йўқотади.

Каналга уланиш
https://t.me/huquqiyaxborot Ochish/sharhlash

2022-10-28 17:28:05 Jizzax viloyat sudi binosida Jizzax viloyati yuridik texnikumi  o‘quvchilari o‘rtasida “Jinoyat, fuqarolik, iqtisodiy va ma’muriy sud ishlari bo‘yicha na'munaviy sud protsessi” tanlovining hududiy bosqichi o‘tkazildi.
Tanlovni kirish so‘zi bilan Jizzax viloyati sudi Fuqarolik ishlari bo'yicha sudlov hay'ati raisi A.Shukurov ochib berdi va ishtirokchilarga omad tiladi.
Tanlovda Jizzax viloyati sudi sudyasi Sh.Omonov hamda Jizzax shahar adliya bo‘limi boshlig‘i M.Asatullayevlar hakamlar hay'ati a'zosi sifatida ishtirok etdi.
Tanlovda o‘quvchilar nazariy bilimlarini amaliyot bilan bog‘lash ko‘nikmasini shakllantirish bilan birgalikda o‘zlarining sudda nutq so‘zlash qobiliyati, jamoa bilan ishlash ko'nikmasi, tezkor fikrlash, tahlil qilish, qarorlarni to‘g‘ri qabul qilish hamda kasb etikasi madaniyatini shakllantirish kabi ko‘nikmalarga ega bo‘lishdi.
Qizg‘in kechgan bahslar hakamlar hay’ati tomonidan baholanib, g‘olib bo‘lgan jamoalar diplom hamda esdalik sovg‘alar bilan taqdirlandilar.
Ma'lumot uchun g‘olib bo‘lgan jamoalar endilikda mintaqaviy bosqichda ishtirok etadilar! Ochish/sharhlash

2022-10-28 17:28:03 Ochish/sharhlash

2022-10-28 17:10:23 Ochish/sharhlash

2022-10-28 17:09:53 ДТМ келаси йилги тестлар тузиладиган дарсликлар рўйхатини эълон қилди

2022-2023-ўқув йилида ОТМларнинг бакалавриат таълим йўналишларига кириш тест синовларига тайёргарлик кўриш учун тавсия этилган дарсликлар ва ўқув адабиётлари рўйхати ДТМ сайтидаги https://dtm.uz/info/textbooks саҳифасида эълон қилинди.

Бунда ўзингизга керакли фан ва тилни танлаган ҳолда, дарсликлар рўйхати билан танишишингиз мумкин.


@xushnudbek Ochish/sharhlash