КЕТМА РАМАЗОН. Кетма, Рамазон кетма, Кишан узар шайтонлар. | ❤️ Men Seni Sevaman ❤️
КЕТМА РАМАЗОН.
Кетма, Рамазон кетма,
Кишан узар шайтонлар.
Ҳақ йўлидан урмоққа,
Режа тузар шайтонлар!
Кетма, Рамазон кетма,
Ёғмасин нафс балоси.
Зўрламасин сағирни,
Шаҳватлар мубталоси!
Кетма, Рамазон кетма,
Намоз бўлсин беканда.
Асли муслим эканин,
Фаҳм этсин ҳар банда!
Кетма, Рамазон кетма,
Оқибатлар бор бўлсин.
Фарзандлар камолига,
Ота-она ёр бўлсин!
Кетма, Рамазон кетма,
Қалбни ғафлат босмасин.
Бу дунёни айши деб,
Касга кас тош отмасин!
Кетма, Рамазон кетма,
Етмасин тухмат лати.
Насиб этсин, яна бу,
Оллоҳнинг инояти!
Кетма, Рамазон кетма,
Мирзони этма маҳзун.
Ҳаётимдан кетмасин,
Бир ойлик гўзал мазмун!
Yoqsa reaksiya bildiring
https://t.me/Jinni_Seni_Sevaman
