Жахон яангиликлари

2023-03-17 22:27:49 Қодиров Қуръонга ўт қўйган украиналик ҳарбийларни тириклайин қўлга олганлар учун 10 миллион мукофот пули эълон қилди.

Аввалроқ Чеченистон раҳбари украиналик ҳарбийлар Қуръонни масхара қилаётгани ва Киев режими учун курашаётган мусулмонларни қоралагани акс этган видеони эълон қилган эди.

“Ушбу ахлатни йўқ қилиш учун мен 5 миллион рубл мукофот эълон қиламан. Тирик қўлга олиш учун - икки баравар кўп - 10 миллион рубл. Қачон содир бўлса - бугун, эртага, бир йилдан кейин пул кутади. Буни ким қилиши муҳим эмас: взвод, гуруҳ, ёлғиз, хандақдаги қўшни, пул тўлиқ ўтказилади”, — деб ёзди Қодиров ўзининг Телеграм-каналида.

@jaxon_jahon_yangiliklari Ochish/sharhlash

2023-03-17 22:24:26 Халқаро жиноий суднинг Россия президенти Владимир Путинни ҳибсга олиш ҳақидаги ордери инсоният тарихидаги энг йирик можаро сари қадамдир — Сербия президенти Александр Вучич мамлакат бўйлаб сафари чоғида.

"Менга Халқаро жиноий суд Путинни ҳибсга олиш учун ордер берганини айтишганида, нима дейиш ва айниқса нима қилишимиз кераклиги ҳақида ўйлаб қолдим. Ягона нарса шуки, бу кескинликнинг охири йўқ. Мен дунё тарихидаги энг катта можаро томон кетаётган бўлишимиз мумкин, деб қўрқаман. Қизиқ, кимнингдир буни охиригача олиб бормасликка ақли етадими ва кимдир бу қандай оқибатларга олиб келишини тушуниб етадими?", — дея таъкидлади Вучич.

@jaxon_jahon_yangiliklari Ochish/sharhlash

2023-03-17 20:44:28 Путин Гаагадаги Халқаро суд томонидан ҳибсга олиш учун ордер берган тўртинчи давлат раҳбари бўлди.

Судан президенти Умар ал-Башир 2008-йилда Халқаро суд томонидан ҳибсга олишга ордер берган биринчи амалдаги давлат раҳбаридир. Ал-Башир Дарфурдаги можарога алоқадор геноцидда айбланган. Айблов унинг яна 11 йил ҳокимиятда қолишига тўсқинлик қилмади. 2019 йилда ал-Башир ҳарбий тўнтариш натижасида ағдарилган ва ҳибсга олинган (лекин ҳали Гаагага экстрадиция қилинмаган)

Ливия президенти Муаммар Қаддафий. Уни ҳибсга олиш учун ордер 2011 йилда чиқарилган. У оммавий норозилик намойишларини бостириш операцияси давомида инсониятга қарши жиноят содир этганликда айбланган. Қаддафий суд жараёнини кўришгача яшамади, уни исёнчилар ўлдирган.

Кот-дъИвуар Президенти Лоран Гбагбо. 2011 йилда у сайловларда ютқазди, бункерга яширинди, аммо ҳужумдан кейин ҳибсга олинди ва Гаагага олиб кетилди. Гбагбо ҳокимиятни сақлаб қолиш мақсадида содир этилган инсониятга қарши жиноятларда айбланган. 2019 йилда у оқланган.

Халқаро жиноий суд тизимида Халқаро суддан ташқари махсус ҳарбий трибуналлар ҳам мавжуд. Яқин тарихда уларнинг саккизтаси бўлган, ҳозир иккита халқаро трибунал мавжуд: Руанда ва собиқ Югославия учун. Охирги суд жараёнида Югославиянинг собиқ президенти Слободан Милошевич айбланди, у ҳукмни кутмасдан Гаага қамоқхонасида вафот этганди.

Путин учун махсус ҳарбий трибунал аллақачон яратилмоқда. Ochish/sharhlash

2023-03-17 20:43:20 Маргарита Симонян қўшинлар Путинни ҳибсга олган мамлакатга ядровий зарба беришини айтди. Ochish/sharhlash

2023-03-17 20:40:01 Путин қамоққа олиниши мумкин бўлган Халқаро жиноий суднинг Рим статутини ратификация қилган давлатлар рўйхати.

Халқаро жиноий суднинг Рим статутини 2016-йил март ойи ҳолатига кўра, 139 та давлат имзолаган, лекин 124 таси уни ратификация қилган. Ратификация қилинган - қизил, имзоланган, аммо ратификация қилинмаган - сариқ, аьзо эмас - кулранг.

Россия президенти Украинанинг босиб олинган ҳудудларидан болаларни Россияга ноқонуний равишда депортация қилганликда гумонланмоқда. Ochish/sharhlash

2023-03-17 18:06:01 Ўзбекистонга “омикрон” штаммига қарши янги вакцина олиб келинди

Илк бор CОVID-19нинг “омикрон” штамми B.A.4 va B.A.5 субвариантларига қарши 875 520 доза Pfizer вакцинаси олиб келинди. Ochish/sharhlash

2023-03-17 17:59:01 Си Цзиньпинь Россияга боради

ХХР раиси Си Сциньпинь Владимир Путиннинг таклифига биноан 20-22 март кунлари Россияда бўлади.

Ташриф давомида Москва ва Пекин ўртасидаги халқаро майдондаги ҳамкорликни чуқурлаштириш юзасидан фикр алмашилади. Ochish/sharhlash

2023-03-17 17:52:12 Танзанияда 5 киши сирли касалликдан вафот этди

Мутахассислар Кагера ҳудудида шундай 7 та  ҳолат қайд этган. Танзания ҳукумати ташхис қўйиш учун шифокорлар гуруҳини юборган.

Касаллик “ғалати” дея таърифланмоқда. Аломатлари – иситма, безгак тутиши, чарчоқ ва бурундан қон кетиши. Ochish/sharhlash

2023-03-17 11:17:16 Тезкор ахборот!

18-21 март кунлари кутилаётган кучли ёмғирлар сабаб қуйидаги ҳудудларга сел келиши мумкин:

Қашқадарё вилояти:
Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманларида;

Сурхондарё вилояти:
Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музробот туманларида;

Самарқанд вилояти:
Ургут, Самарқанд, Булунғур, Нуробод, Қўшработ, Каттақўрғон, Пояриқ, Жомбой, Иштихон туманларида;

Навоий вилояти:
Хатирчи, Навбаҳор, Нурота, Конимех, Кармана туманларида;

Жиззах вилояти:
Зомин, Бахмал, Ғаллаорол, Шароф Рашидов, Фориш, Янгиобод туманларида;

Тошкент вилояти:
Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманларида ва Ангрен, Олмалиқ шаҳарларида;

Наманган вилояти:
Поп, Косонсой, Чортоқ, Чуст, Наманган, Янгиқўрғон туманларида;

Фарғона вилояти:
Сўх, Шоҳимардон, Фарғона, Бешариқ туманларида;

Андижон вилояти:
Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманлари.
     @jaxon_jahon_yangiliklari Ochish/sharhlash

2023-03-17 11:15:06 Марказий Осиё давлат раҳбарлари маслаҳат учрашуви бу йил Душанбеда ўтказилади

Жорий йилнинг 14-15 сентябрь кунлари Душанбе шаҳрида Тожикистон президенти Имомали Раҳмон раислигида Марказий Осиё давлатлари раҳбарларининг Бешинчи юбилей Маслаҳатлашув учрашуви бўлиб ўтади. Ochish/sharhlash