Қайғули эртак.
Балиқчи дарё бўйида ўтирган экан, чўкаётган одамга кўзи тушибди. Зудлик билан сувга сакраб, уни қутқариб қолибди. Бир оздан сўнг яна бир бечора чўкишига оз қолган аҳволда оқиб келаётганини кўрибди. Балиқчи уни ҳам қутқариб қолибди. Кейин учинчи, кейин тўртинчи одам шу аҳволда оқиб ўтаётган экан, уларни ҳам қутқарибди. Шу зайлда ўнлаб одамларни ўлимдан сақлаб қолгач, қирғоқ бўйлаб дарёнинг юқорироғига бу ғалати ишнинг сабабини билиш учун борибди. Қараса, у ерда бир золим ожиз кишиларни олдин калтаклаб, кейин қўл-оёғини боғлаганча сувга улоқтираётган эмиш.
Балиқчи золим жабборнинг устига бостириб борибди. Иккаласи жанг қилибди. Золим балиқчини ўлдирибди. Балиқчи яхшилик устида ҳалок бўлибди.
Бироқ бундан кейин сувга улоқтирилганлар учун қутқарувчи йўқлигидан барчалари ёрдамга муҳтож аҳволда чўкиб, ҳалок бўлибдилар.
Ҳикоям охирида у менга эслатган шеърни келтираман:
Чақин бўлма,
Бўлма гулдирак.
Ердан кўпам узоқлаб кетма.
Овозингни йиртмагин бекор.
Ерни қучма - қулочинг етмас.
Ундан кўра бирор одамнинг
Макони бўл - ирмоқли, сойли,
Шамолларни тўсган тоғи бўл.
Осмони бўл - юлдузли, ойли.
(Шеър Шавкат Раҳмон қаламига мансуб.)
#зарбулмасал
Ijtimoiy tarmoqlarda kuzatib boring!
Telegram | Instagram | Facebook | You Tube
