Жаннатга ошиқлар

2022-08-30 14:03:03 ҲАЛОЛ ЛУҚМА

Ривоят қилишларича бир мамлакатда подшолар жуда тез ўзгараркан. Чунки у мамлакат аҳолиси тақводор бўлиб, сал адолат бузилса дуо қилишар ва қилган дуолари қабул бўлиб, тезда адолат тикланаркан. Бир куни подшоликка давогарлардан бири «Агар мен подшо бўлсам , ўлгунимча тахтда ўтираман»,- дебди. Дўстлари уни кулги қилибдилар. Иттифоқо ўша одам подшоҳ бўлибди. Тахтга ўтириши билан «Ҳамма саройга биттадан тухум олиб келсин»,- деб амр қилибди. Хамма олиб келган тухумини бир саватга қўйибди. Амри бажо бўлган подшо пешин чоғида «Ҳамма ўзи олиб келган тухумини олиб кетсин»,- деб фармон берибди. Одамлар ўзлари олиб келган тухумни таний олмай адашишибди. Оқибатда ҳамма ўзининг тухуми қолиб, ўзгаларникини олибдилар ва луқмаларига шубҳа, гумон аралашибди. Шундан сўнг уларнинг дуолари қабул бўлмайдиган бўлиб қолибди. Подшоҳ эса то ўлгунича тахтдан тушмабди.

Қиссадан ҳисса шуки, фақат ҳалол луқмагина мамлакатни обод қила олади.

@Jannatgaoshiqlarimm Ochish/sharhlash

2022-08-30 10:22:01 ДУОДА ОТА-ОНАНГНИ УНУТМА

Бир Шайхни ҳузурига шогирдларидан бири келиб:
— Устоз, дуоларим қабул бўлмаябди нега шундай бўляпти экан? — деб сўради… Шайх:
— Ота — онанг борми? — деб сўради.
Шогирд йигит :
— Ҳа бор, Аллоҳга шукр ота — онам тирик, ҳаёт…
Шайх кулиб:
— Мен сендан ота — онанг тирикми деб сўрамадим. Ота — онанг борми? Қилаётган дуоларингда ота — онанг ҳам борми? — деб сўрадим.
Шогирд бошини эгиб:
— Йўқ, ота — онамни дуоларимда зикр қилмас эканман — деб, нима учун дуолари ижобат бўлмаётганини англаб, шайхни ҳузуридан чиқиб кетибди.

Эй ота — онасига бефарқ бўлган ҒОФИЛ ДЎСТИМ!
Сен туну — кун Аллоҳдан мол — давлат, бойлик сўрайсан-у, асл бойлигингни, ота -онангнинг соғлиғини сўрамайсан. Кўзингни оч, улар ҒАНИМАТ, уларнинг қадрига ет. Улар учун Аллоҳдан мағфират сўра. Улар учун Аллоҳдан умр сўра.

@Jannatgaoshiqlarimm Ochish/sharhlash

2022-08-30 07:52:36 Гиёҳ ўзини дардга шифо деб ўйламасин.
Чора ҳам Аллоҳ,
Табиб ҳам Аллоҳ...
Қул, қулни билмасдан муҳокама қилмасин.
Муҳокама қилгувчи ҳам Аллоҳ,
Ҳукм қилгувчи ҳам Аллоҳ...

Ҳазрати Мавлоно Жалолиддин Румий қуддиса сирруҳу

@Jannatgaoshiqlarimm Ochish/sharhlash

2022-08-30 03:26:04 Ассалому алайкум ва роҳматуллоҳи ва барокатуҳ!

• Тонгни соғиниб кутиб, хушнуд қарши олишнинг ўзи катта Бахт!

• Тирикликнинг ўзи Бахт!

•Тонг- ҳаётимизнинг энг ширин,ҳаяжонли бўлаги!

• Илоҳим, Тонгларингдан бенасиб қилма...

Хайрли тонг .

@Jannatgaoshiqlarimm Ochish/sharhlash

2022-08-28 12:36:30 Олимлар биринчи саволга тутилади. Олимлардан: «Нима учун ўргатмадингиз?» деб сўралмагунча, жоҳилларга: «Нима учун ўрганмадингиз?» деган савол берилмайди.

Ҳазрати Умар розияллоҳу анҳу.

@Jannatgaoshiqlarimm Ochish/sharhlash

2022-08-28 05:47:58 Кеча савобларни кўпайтириш пайида юрардим, бугун кўп гуноҳ қилмасликка ҳаракат қилаяпман.

Кеча ҳар нарсанинг энг яхшиларини олардим, бугун борига қаноат қилишни ўргандим.

Кеча тенгқурларим билан кўпроқ суҳбат қилардим, бугун кексаларни тинглагим келади.

Кеча юз йиллар яшайдиган одамдек юрардим, бугун умримнинг сўнгги кунлари ўтаётгандек туюлади.

Кеча насиҳат қилаверардим, бугун ибрат бўлишга интиламан.

Кеча кўпларни танқид қилардим, бугун ўшаларни рағбатлантирадиган бўлганман.

Кеча кўп билишга қизиқардим, бугун борига амал қилишга уринаяпман.
Кеча кўнгилларни қолдиришдан оғринмасдим, бугун кўнгилларни ололмаётганимдан сиқиламан.

Кеча хато қилишса жазолардим, бугун тузатишларига имкон бергим келади.

Кеча бировнинг жонига тегиб ҳазил қилишга рағбатим бор эди, бугун бировнинг шаъни тўкиладиган ҳазиллардан нафратланаман.

Кеча инсонларга ишонардим, бугун юрагимни фақат Раҳмонга очаман.

Кеча мени унутганларни эслаб ўкинардим, бугун мени эслаб яшайдиганларниям унутиб қўяётгандекман.

Кеча бўш вақтимда қиладиган ишларнинг режасини қилардим, бугун режадаги ишларимни қилиш учун вақт қидираман.

Кеча олимларнинг илмига ҳавас қилардим, бугун тақводорларнинг амалига мафтунман.

Кеча Аллоҳдан сўрайверардим, бугун Аллоҳ олдида сўралишим борлини ўйлайман.

Кеча соғиниб яшашни билардим, бугун соғинтириб узоқлашадиган бўлганман.

Кеча билганларимни бошқаларга ўргансин деб узатардим, бугун бошқалардан нима ўргансам бўлади деб кузатаман.

Кеча ранжитишса ўзим ҳисоб- китоб қилиб олардим, бугун ҳаммасини Ҳаққа топшириб кетавераман.

Кеча кўзларимга Кабани кўрмоқ орзуси тинчлик бермасди, бугун кўнглимга Кабани қуришни дуода сўраяпман.

Кеча яшашим кераклигини билардим, бугун ўлим муқаррарлигини англаганман...

Умму Амина Ochish/sharhlash

2022-08-28 04:17:54 AССAЛОМУ AЛAЙКУМ!

ХAЙРЛИ ТОНГ!



Эрта тонгда шабоданинг нафасидан, азоннинг овозидан, қалбимизга берилган ҳузурдан бахра олган ҳолда тонг оттирдик. Бизни соғ-саломат уйғотган Aллоҳга ҳамдлар бўлсин.
Бутун вужудимиз, қалбимиз билан
“Бисмиллаҳ”ни айтиб кунимизни бошлаймиз-ки, кунимиз файзли, барокатли, солиҳ амалларга бой бўлсин!

Якшанба дам олиш кунингиз мароқли ўтсин!


@Jannatgaoshiqlarimm Ochish/sharhlash

2022-08-27 17:20:09 Бошқаларнинг қисматига ҳасад қилиш энг катта жоҳилликдир. Сенинг қисматинг бошқага, бошқаники эса сенга ўтиб қолмайди.

Абдулқодир Жийлоний (қ.с)

@Jannatgaoshiqlarimm Ochish/sharhlash

2022-08-27 06:47:14 Луқмони Ҳакимдан сўрадилар: – Энг доно ким?
Айтди: – Ҳаёт қийинчиликларидан ғамгин бўлмаган киши.
Сўрадилар: – Энг яхши бойлик нима?
Айтди: – Ақл.
Сўрадилар: – Қайси ўт ўз ёқувчисини куйдиради?
Айтди: – Ҳасад ўти.
Сўрадилар: – Қандай бино вайрон бўлмайди?
Айтди: – Адолат биноси.
Сўрадилар: – Қайси аччиқ нарсанинг сўнгги ширин?
Айтди: – Сабрнинг.
Сўрадилар: – Қайси нарсанинг охири аччиқ?
Айтди: – Шошқалоқликнинг.
Сўрадилар: – Қайси дард бедаво?
Айтди: – Тентаклик.

@Jannatgaoshiqlarimm Ochish/sharhlash

2022-08-27 06:24:06 Бирор яқинингиз ёки таниган-билганларингизнинг бахти, омадидан ҳавас қилиб, хурсанд бўлсангиз, тез муддатда худди шундай хурсандчилик ўзингизга қайтади.

Ассалому алайкум ва рахматуллоху ва барокатух.

Хайрли тонг..

@Jannatgaoshiqlarimm Ochish/sharhlash