КУНДОШЛИК БАЛОСИ Кундошликнинг балосига чидаш қийин, Қўлинг б | ЖАННАТ КАЛИТИ ИСЛОМ 🕋 MEHROB.UZ
КУНДОШЛИК БАЛОСИ
Кундошликнинг балосига чидаш қийин,
Қўлинг билан кўксингга ниш қадашдайин.
Узун тунлар ёлғиз қолиб кетганингда
Ўлгинг келар, ўлолмайсан, яшаш кийин,
Кундошликнинг балосига чидаш қийин.
Бутун меҳри бўлинади ўртасидан,
Умидинг ҳам сўнар дунё эртасидан.
Ўзга қўллар ёринг сочин силаганда,
Айриласан юрагингнинг эркасидан,
Кундошликнинг балосига чидаш қийин.
Ўғил туғса эркалиги ортиб кетар,
Бор меҳри ҳам ёш ёрига тортиб кетар.
Ўнта қизни туғиб бергин, билинмайди,
Дунё юкин бошгинангга ортиб кетар,
Кундошликнинг балосига чидаш қийин.
Нозларидай кўпаяди пардозлари,
Ф ариш тага айланар ул таннозлари.
Қуш ҳам бир кун қўнмоқ учун шохга тушар,
Қачонгача бўларкан бу парвозлари?
Кундошликнинг балосига чидаш қийин.
Дунё шундай, экканини ўрар бир кун,
Ҳузурингга келиб узр сўрар бир кун.
Бино қўйган бир ўғлидан кўрмаганин
Сенинг гулдай қизларингдан кўрар бир кун,
Кундошликнинг балосига чидаш қийин.
Бу дунёда ўлиш осон, яшаш қийин...
ЖАННАТ КАЛИТИ Каналига уланиш учун линкни босинг
https://t.me/+j7CsCxmYiOxlOGNi
