jannat1_kaliti

2022-08-31 09:42:14 Одоби йўқнинг илми,
сабри йўқнинг динга боғлиқлиги,
тақвоси йўқнинг Аллоҳга яқинлиги йўқдир.

Ҳасан Басрий р.а

Роббим!
Афвинг гуноҳларни ўчирса, меҳрибонлигинг қандай экан?
Меҳрибонлигинг қалбларни нурга тўлдирса, муҳаббатинг қандай экан?
Муҳаббатинг ақлларни даҳшатга солса,
Сенга яқин бўлиш қандай экан?
Сенга яқин бўлиш ғам ғуссани кетказса, жамолингни кўриш қандай экан?
Аллоҳим! Афвингни, меҳрибонлигингни, муҳаббатингни, Сенга яқин бўлишни ва жамолингни кўриш лаззатини сўрайман!

Тонг хайрли бўлсин азизим...
Яхшиям борсиз,сиз борки мен учун олам мунаввар...
Сиз менинг қуёшим қувончимсиз.
Ушбу дуоларини албатта сиз учyн ҳам қиламан, Роббимга яқинлик барчамизга насиб этсин...

https://telegram.me/+Ul3ZjTaMknwc9p4x
https://telegram.me/+Ul3ZjTaMknwc9p4x Ochish/sharhlash

2022-08-30 18:06:51 ПОСТЛАРИМНИ кузатувчилари ва ундаги ҳикматларни мунтазам ўқиб борувчи аъзоларимиз ҳаққига ДУО...
Эй Аллоҳ! Ўша бандангга ўқиганларини тушуниб, амал қилишини насиб эт!
Эй Аллоҳ! Ўша бандангни иймонда, Ўзингнинг тоатингда ва Ҳабибинг соллаллоҳу алайҳи васалламнинг тоатларида бардавом қил!
Эй Аллоҳ! Ўша бандангни ҳидоятда, тақвода, иффатда ва бойликда бардавом қил!
Эй Аллоҳ! Агар ўша банданг фақир бўлса, саховатли бой қил!
Эй Аллоҳ! Агар ўша банданг бемор бўлса, комил шифо бер!

Эй Аллоҳ! Агар ўша банданг мусибатга учраган бўлса, сабр бер ва мусибатини арит!
Эй Аллоҳ! Агар ўша банданг қарздор бўлса, нажот бер!
Эй Аллоҳ! Агар ўша банданг мазлум бўлса, нусрат бер!
Эй Аллоҳ! Агар ўша банданг илм талабида бўлса, фойдали илм бер!
Эй Аллоҳ! Агар ўша банданг фарзанд талабида бўлса, солиҳ-солиҳа зурриёд ато қил!
Эй Аллоҳ! Агар ўша банданг оила қурмоқчи бўлса, яхши жуфт ато эт!
Эй Аллоҳ! Ўша бандангнинг қалбини хотиржамлик ва ризо билан тўлдир ҳамда иймон нури ила мунаввар қил!
Эй Аллоҳ! Ўша бандангни Ўзинг рози бўладиган сўз ва амалга муваффақ айла!
Эй Аллоҳ! Ўша бандангнинг юзини саодат билан чароғон қил!
Эй Аллоҳ! Ўша бандангнинг оиласини ибратли оилалардан қил!
Эй Аллоҳ! Ўша бандангнинг иймон билан ўтганларини раҳматингга ол!
Эй Аллоҳ! Ўша бандангнинг гуноҳларини мағфират эт!
Эй Аллоҳ! Ўша бандангни ҳисобсиз ва азобсиз жаннатингга кирит!
Эй Аллоҳ! "Амин!" деганларни ҳам бу дуонинг ижобатидан баҳраманд эт!

https://telegram.me/+Ul3ZjTaMknwc9p4x
https://telegram.me/+Ul3ZjTaMknwc9p4x Ochish/sharhlash

2022-08-28 20:02:33 Оқшом хайрли бўлсин...

Оқшомнинг ҳайрлиси қандай?!

Қайғудалигингизда илтижойингиз  тунлар бағрига фонус ёқадиган...

Ҳотиржамликда шукроналарингиз лабингизга кўчадиган...

Ва сиз Муҳаймин Зотнинг паноҳ чодирида ҳар қандай зарардан ҳоли,  осуда,  нафасларингиз зикрга айланган тун- бу хайрлидир...

Балки тун ўртасидаги биргина сажда- сизнинг бутун зулмат ҳаётингизни ёритиб юборишга қодир бўлар...

Таҳажжудли оқшом ҳайрлидир!

Дуоларнинг энг сарасини зикр шодасига теринг!

Зеро машойиҳлар  айтганидек:

Дуо бу банданинг- эшик қоқмоғидир...

"Эй барча эшикларни бир хикмати сабаб Очувчи Зот!

Эй барча эшиклар очилишини биргина сабабга боғловчи Зот!

Эй бандасига ҳар очилиши мушкул бўлган эшикларни осон ва енгил очувчи Зот!

Бизни ўзинг қўлла, неъмат эшикларингни ҳаргиз ёпма!"

https://telegram.me/+Ul3ZjTaMknwc9p4x
https://telegram.me/+Ul3ZjTaMknwc9p4x Ochish/sharhlash

2022-08-28 07:41:18 Эй Роббимиз, бизни хидоят
қилганингдан сунг, қалбларимизни оғдирмагин ва бизга Уз хузурингдан рахмат ато қилгин. Албатта
Сенинг Узинг куплаб ато қилувчисан.

Оли Имрон сураси (8 - оят) Ochish/sharhlash

2022-08-28 07:41:18 Alloh uchun bo'lgan muhabbat qalbga sakinat nurdir. Ochish/sharhlash

2022-08-28 07:41:18 «Аллоҳим гапирганимда илм билан гапиришни, жим турганимда ҳикмат билан жим туришни насиб эт...»

Ҳазрати Умар р.а Ochish/sharhlash

2022-08-27 04:28:38 ​​
Тонгни яхшилик ила болшанг!

Тонгингизни бомдод намози ва оз бўлса ҳам садақа ила бошланг!

Ота-онангизни ҳузурига салом ила ва икки дона иссиқ нон (бўлса ҳам) олиб кириб, уларни хушнуд этинг, дуосини олинг!

Ишга жўнашдан аввал фарзандларингизни қучоғингизга олиб, улар билан (бироз муддат бўлса ҳам) суҳбатлашиб ўтиринг, насиҳат қилинг!

Тонги зикрларни ўқишни ҳам унутманг!

Тонг-саҳардан бўлар-бўлмасга аччиқ қилиб, ғазабланиб, кунингизни аввалидан кайфиятингизни бузманг!

Оилангиз билан яхши кайфият ила нонушта қилинг ва уйдан чиқиш дуосини ўқиб, ишга отланинг! Шу амалларни бажарсангиз (Ин ша Аллоҳ ) ишларингиз юришади, аҳли-оилангизда ҳузур-ҳаловат, уйингиз ва ризқингизда барака топасиз.

Агар яхшилик қилсангиз, ўзингиз учун яхшилик қиласиз. Агар ёмонлик қилсангиз ҳам, ўзингиз учундир.

Яхшилик ҳам, зарар ҳам ўзингиз учун.
Ҳар ким экканини ўрар!
Диққатли бўлинг!
Кунингиз хайриятларга тўлсин!

https://telegram.me/+Ul3ZjTaMknwc9p4x
https://telegram.me/+Ul3ZjTaMknwc9p4x Ochish/sharhlash

2022-08-26 14:49:39 ҚАЗО НАМОЗЛАРНИ ҚАНДАЙ АДО ҚИЛСАМ БЎЛАДИ?
#қисқа_савол_жавоблар

CАВОЛ: Ҳар бир ўқилган намоздан кейин ўтган йиллардаги ўқилмаган намозларим қазосини ўқиб борсам бўладими? Ёки ўқилмаган қазо намозларни қандай адо қилсам бўлади?

ЖАВОБ: Бисмиллаҳир Роҳманир Роҳим.
Ўз вақтида ўқилмаган намоз фақат қазосини ўташ билан зиммадан соқит бўлади. Ҳар бир ўқилган намоздан кейин қазо намозларни ўқишингиз мумкин. Кўп йил ўқилмаган намозларнинг қазосини ўқишда тартиб шарт эмас, лекин шунда ҳам улар орасидаги ўзаро тартибга риоя қилиш (яъни олдин бомдод, кейин пешин, сўнг асрни ўқиш) мустаҳаб ҳисобланади (“Фатовойи Ҳиндия” китоби).

Қазо намозларни куннинг исталган пайтида ўқиш мумкин. Фақат уч маҳал бундан мустасно: қуёш чиқаётган пайт, кун қиёмга (тиккага) келганда ва қуёш ботаётганда. Мана шу учта вақтда қазо намозларини ўқиб бўлмайди. Валлоҳу аълам.

Ўзбекистон мусулмонлари идораси
Фатво маркази. Ochish/sharhlash

2022-08-26 05:53:04 Дунёдаги энг азиз ИНСОНИМ

Ж У М А
       М У Б О Р А К
               Б Ў Л С И Н

Тилайман мўминлик ибодатини,
Жаннатий инсонлар хуш одатини.
Қуръондек ҳаловат, иймондек ҳузур,
Ҳам икки дунёнинг саодатини.

Тилайман Умардек мард  феъли одил,
Ҳам Абу Бакрдек бир дўсти оқил.
Муҳаммад кўнглидек покиза кўнгил,
Ҳам икки дунёнинг саодатини.

Тилайман бахт қасрин учқур отларин
Бухорий тафаккур, хаёлотларин.
Ҳам солиҳ фарзандлар камолотларин
Ҳам икки дунёнинг саодатини.

Тилайман юрт узра тинчлик зиёсин,
Салмоннинг тақвосин, Усмон ҳаёсин
Аталган сенга деб она дуосин,
Ҳам икки дунёнинг саодатини.

Тилайман тоғларнинг маҳобатини,
Зулфиқор тутган мард салобатини
Дилдаги пок тилак ижобатини,
Ҳам икки дунёнинг саодатини.

https://telegram.me/+Ul3ZjTaMknwc9p4x
https://telegram.me/+Ul3ZjTaMknwc9p4x Ochish/sharhlash

2022-08-26 05:53:04 Ассалому алайкум ва роҳматуллоҳи ва барокатуҳ
Саййидул айём Жума муборак,
ушбу муқаддас кунга еткизган Аллоҳга ҳамд бўлсин

Субҳаналлоҳи ва биҳамдиҳи
Алҳамдулиллаҳ

Ҳабибимиз Муҳаммад Мустафо соллаллоҳу алайҳи васалламга кўпроқ саловат ва саломлар юборайлик

Аллоҳумма солли аъла саййидина Муҳаммад ﷺ

Аллоҳ хонадонларимизга Ўз баракотларини, раҳматларини, мағфиратларини, икромларини, файзларини, тугамайдиган, ўзгармайдиган доимий неъматларини сочиб қуйсин!
Яратган Зот бизларни муҳтожликдан, қўрқоқликдан, қашшоқликдан, дардмандликдан, дангасаликдан, қарздорликдан,
алжираб қўювчи қариликдан Ўз панохида асрасин!

https://telegram.me/+Ul3ZjTaMknwc9p4x
https://telegram.me/+Ul3ZjTaMknwc9p4x Ochish/sharhlash