Qashqadaryodagi qishloq hududida yer tagidan chiqayotgan tutun yuzasidan izoh berildiQashqadaryo viloyati Ekologiya va atrof-muhitni muhofaza qilish boshqarmasi ushbu holat yuzasidan dastlabki oʻrganish natijalarini maʼlum qildi.
Oʻrganish jarayonida taxminan 0,10 ga yer maydon avval yonib oʻchganligi va hozirda kunda taxminan 0,01 ga yer maydoni ustidan tutun chiqib, atrofga badboʻy hid tarqalayotganligi kuzatilgan.
«Oʻrganish davomida ushbu qishloqda yashovchi oqsoqollar bu joy taxminan 50−70 yillar oldin chuqurlik boʻlib, qamishzor boʻlganligi va yillar oʻtib qamishlar ustiga tuproq yopilib ketganligi taʼkidlandi», — deyiladi xabarda.
Dastlabki xulosaga koʻra, «er ostidagi qolib ketgan qamishlar qizishi va chirishi» natijasida ushbu holat yuzaga kelgan.
Hozirda holat yuzasidan geologlar oʻrganish ishlarini olib bormoqda.
@jalolmurad • Manba
