АХЛОҚИНГ БИЛАН БОЙ, ҚАНОАТИНГ БИЛАН БЕҲОЖАТ, ТАВОЗЕНГ БИЛАН У | 🍃«Жалолиддин Румий»🍃
АХЛОҚИНГ БИЛАН БОЙ, ҚАНОАТИНГ БИЛАН БЕҲОЖАТ, ТАВОЗЕНГ БИЛАН УЛУҒВОР БЎЛ!
Бобо ўз набирасига деди:
"Яхши кўрган инсонингни кўп мақтама!
Роббисига итоат қилмайдиган билан бирга юрма!
Мажлисларда кўп гапирма!
Ўтирган ҳолингда салом берма!
Сени ташлаб кетган дўстга яқин бўлишга интилма!
Ўзингни хор қилма, такаббур ҳам бўлма!
Ўта мулойим ҳам, ўта бешафқат ҳам бўлма!
Ростгўй қасам ичмайди.
Ишончли киши ўзини оқламайди.
Ихлосли киши надомат қилмайди.
Олийжаноб киши миннат қилмайди.
Муҳаббат қилган малолланмайди.
Сен бошқалар хоҳлагандек бўлма, балки қандай бўлсанг, шундайлигингча қол!
Одамларни ҳурмат қилишинг уларга эҳтиёжинг борлигини англатмайди, балки ўз динингдан олган таълим-тарбиянгни намоён қилади.
Ҳурмат қил, ҳурмат кўрасан!
Ахлоқинг билан бой, қаноатинг билан беҳожат, тавозенг билан улуғвор бўл.
Ортингдан гапирадиганга парво қилма, чунки у ҳақиқатда ортингдадир, сендан олдинда эмас.
Одамларга Қуръондан қанча ўқиганинг ёки ёдлаганинг ҳақида гапириб ўтирма, уларнинг ўзлари сенда Қуръонни кўришсин.
Очни таомлантир, етимга раҳм қил, ёмонлик қилганни кечир, ота-онангга яхшилик қил, қариндошлик алоқаларини тикла, барчага табассум эт.
Қуръондан қанча ўқиганинг ёки ёдлаганинг муҳим эмас, муҳими
Қуръон сенда қаергача етиб борганида.
Кишиларга доимо хурсандчилик олиб киришга ҳаракат қил!
@Jaloliddinrumiyy
