Jajji akademik

2021-04-11 18:09:26 Aziz ota-onalar!
Mana barchamiz ulkan hayajon bilan kutayotgan Ramazoni sharif ham kirib kelmoqda

Bolajonlarimiz bu oyning
fazilatini anglashlari,
undan ko’pgina foydalar bilan chiqishlari,
dinimizga muhabbatlari ziyoda bo’lishi
uchun “Ramazon kundaligim” qo’llanmasini tayyorladik.
Alloh taolo barchamizga Ramazonni barokatli qilsin! Ushbu kundalikni tayyorlashda hissa qo’shgan barchaga O’zi ajru savoblar ato qilib, o’quvchilarga manfaatli qilsin!
Farzandlarimizning ilmlari ziyoda bo’lib, yurtimizdan yana Buxoriylar, Termiziylar, dinimizga quvvat bo’luvchi ko’plab ahli ilmlar yetishib chiqsin!
Amin!

Bu yilgi kundaligimiz ikki xil ko'rinishda tayyorlandi:
1. Jajji muslimalar uchun
2. Mo'min bolajonlar uchun

Eslatma! Kundaliklarni tijorat maqsadida chop qilish taqiqlanadi!

Fikr va mulohazalaringiz uchun
@ilmizlab_admin Ochish/sharhlash

2021-03-02 10:08:36 XALQARO AIH LITSEY GRANTI

Turkiya Milliy ta'lim vazirligi va Turkiya Diyonat vaqfi hamkorlikda xorijlik yoshlar uchun Turkiyada grant asosida xalqaro litsey o'qishni taklif qiladi.

Grantga topshirish mutlaqo bepul bo'lib https://diyanetburslari.tdv.org veb sahifasi orqali hujjatlarni online qabul qiladi.

Grantga topshirish oxirgi kun 15 Mart 2021

Yuqoridagi veb sahifada kerakli barcha ma'lumotlar berilgan.

PS. Grantga 8-sinfni bitirayotgan xorijlik barcha o'g'il va qizlar topshirishi mumkin.
____
t.me/turkiyadagiyoshlar Ochish/sharhlash

2021-02-24 17:30:53 ​​Ming azob bilan 2 yil yiqilib uchinchi yili talaba bo‘lgan paytim edi. Jajji akademik jurnaliga ish izlab borgandim. Yaxshi qabul qilishdi. Yozganlarimni o’qigan Xurshid aka sizdan yozuvchi chiqmasa keragov degandi. Shu insonning bu gapi menga qattiq ta’sir qilib yozuvchi bo‘lmasam ham sotuvchi bo‘laman, lekin baribir shu yerda ishlayman deb jurnalda qoldim.
Men Toshkent shahrining deyarli hamma maktablarida Jajji akademik jurnalini sotdim. Maktab direktorlari eshikdan haydashsa teshikdan, teshikdan haydasa mo‘ridan kirsam ham sotib chiqardim. Xayrixoh direktorlar ham talaygina edi. Uzoqdan ko‘rganlar “bu jurnalchi qiz, kirgizvoringlar”, derdi. O‘quvchilar jurnalni juda yaxshi ko‘rardi. Imkoni yetmaganlari yo‘lkirasidan ortgan qaytimlarini yig‘ib kelishimni kutib turishar edi. “Ikkita bulochka yemasdan Jajji akademikni olsam sinfdoshlarim bilmagan qancha ma‘lumotni bilib olaman” deb aytishardi. Avtobusda yursam “jurnalchi opa”, deb joy berishadi.
Orada oilali bo‘ldim. Ijarada yashaymiz. Turmush qurganimga 4 yil bo‘lsa, biz 5 marta uy almashtirishga majbur bo‘ldik. Narsalarim ko‘p, ular orasida yuzlab jurnal ham bor edi. Ammo bu ortiqcha yuk degan fikr xayolimdan ham o‘tmadi.
4 yil kantraktda o‘qidim. Otam usta, qaynotam nafaqada. Bori o‘zlaridan ortmaydi. Sotgan jurnallarimdan qolgan foydamni yig‘ib oyma-oy 400 ming, 500 ming kontrakt to‘lardim. Kassirlar kam deganday g‘alati qarab qo‘yishardi, lekin pulimni olardi. Jurnal meni diplomli qildi.
BUGUN TUGADI. Bugunga qadar jurnal qoldiqlarini sotdim. Yaqin insonimdan ayrilganday o‘zimni yomon his qilyapman. Qadrdonim edi. Maktabga borsam bolalar qachon yangisini obkelasiz deydi. Samolyot yasadim meni qachon chiqarasiz deydi. Javobi bo‘g‘zimdan nariga o‘tmaydi.
Yana chiqarish istagi va imkoniyati paydo bo‘lsa men sotishga tayyorman. Rozi bo‘lingizlar!
Adiba Meyliyeva Ochish/sharhlash

2020-12-23 16:51:01 To’g’ri javob: ha, shunday bo’lishi mumkin. Apelsinni bobo, ota va o’g’il topib olishgandi. Ochish/sharhlash

2020-12-23 11:02:44 Aql charxi vaqti

Ikki ota va ikki o‘g‘il 3 dona apelsin topib olishdi va uni o‘zaro bo‘lib olishibdi. Har biriga bittadan apelsin nasib qildi. Shunday bo‘lishi mumkinmi? Axir apelsindan bor yo‘g‘i 3 dona edi-ku!

http://t.me/jajjiakademik Ochish/sharhlash

2020-12-22 14:58:41 To‘g‘ri javob: yong‘inni politsiyachi emas, o‘t o‘chiruvchi o‘chiradi. Ochish/sharhlash

2020-12-22 09:32:56 Aql charxi vaqti

Bitta ko‘chada 2 ta uy turibdi. Uylarning biri qasr, ikkinchisi esa kulba. Ikkisi ham bir vaqtda yonmoqda. Politsiyachi qaysi uyni birinchi bo‘lib o‘chiradi?

http://t.me/jajjiakademik Ochish/sharhlash

2020-12-21 10:24:08 http://t.me/jajjiakademik Ochish/sharhlash

2020-12-21 10:23:25 Avstraliya

Melburn universiteti.
Avstraliyaning Viktoriya shtatida
joylashgan yirik universitet.
Bu universitet dunyoga
mashhur aktyor va aktrisalar, rejissyorlar
va san’atshunoslarni yetishtirib
chiqargan. Lekin bu universitetning
san’atga ixtisoslashganini
anglatmaydi. Dunyodagi eng
nufuzli 50 ta universitetdan biri hisoblangan
Melburn universitetida
tibbiyot, biotexnologiya, muhandislik
sohalari chuqur o‘rgatiladi.
Universitetning ilmiy-tadqiqot
markazlarida og‘ir xastaliklarni davolash
bo‘yicha olamshumul kashfiyotlar
amalga oshirilgan.

http://t.me/jajjiakademik Ochish/sharhlash

2020-12-20 11:53:12 Shveytsariya

Syurix texnologiyalar federal instituti.
Shveytsariyaning Syurix shahrida
joylashgan tarixiy universitet.
Bu universitetda fizika, astronomiya, muhandislik
va iqtisod sohalarida inqilobiy kashfiyotlar
qilingan. Universitet bitiruvchilari orasida ko‘plab
Nobel mukofoti sohiblari bor.
Ulardan eng mashhurlari
Albert Eynshteyn va Otto Shtern hisoblanadi.
O‘z vaqtida bu universitetda Konrad Rentgen
va Albert Eynshteyn dars berishgan.

http://t.me/jajjiakademik Ochish/sharhlash