Jadidlar ( Джадидизм )

2022-09-01 11:38:43 Bayramona kayfiyat hamrohingiz bo’lsin:


Ochish/sharhlash

2022-09-01 10:24:40 Kechadan beri bayramda aytilgan “Go‘zal Turkiston” qo‘shig‘ini mendan ko‘pchilik so‘radi. Marhamat, mana u!

Cho‘lpon she’rda Turkistonning o‘sha paytdagi abgor ahvolini aytib, “birlash ey xalqim kelgandir chog‘i” deydi, birlashib Turkistonda yangi farovon davlat qurishga chaqiradi.

She’rni bir qancha ijodkorlar kuyga solishgan. Internetda izlasangiz chiqadi. Biroq turk xonandasi Yaprak Sayar ijrosidagisi girya-marsh oxirgi yillar juda keng tarqaldi va sevimli bo‘ldi. Xonanda ijtimoiy-siyosiy mazmundagi she’rni mahzun lirik qo‘shiqqa aylantirgani uchunmi, uni yurak bilan tinglaysiz va qulog‘ingizda aylanaveradi, qayta eshitgingiz kelaveradi. Yutubga bu qo‘shiq 9 yil avval yuklangan ekan!

Qullik, asorat – barchasi yonsin.
Qur yangi davlat, yovlar o‘rtansin.
O‘sib Turkiston, qaddin ko‘tarsin,
Yayrab, yashnab o‘z Vataning gul bog‘laringda!

Mustaqillik bayrami muborak bo‘lsin!

Shahnoza Soatova Ochish/sharhlash

2022-08-25 20:59:33 Keesh Mish taxallusi bilan ijod qiluvchi illustratordan shedevr )

@jadidlar Ochish/sharhlash

2022-08-19 06:57:25 ​"Жадидлар" тўпламини олиб келиб беришганига анча бўлганди, энди вақтим бўлиб, танишиб чиқдим. Кечикиб кетган бўлсам ҳам, бу тўплам атрофида кўтарилган кичик хайп бироз тинган бўлса ҳам, эсга олиб ўтай.

Тўплам саккизта китобчадан иборат. Ҳар бири бир машҳур жадиднинг ҳаёти ва ижодини қисқача ҳикоя қилиб беради. Мундарижа шахсларнинг таржимаи ҳоли, фаолияти, ҳикматли сўзлари ва эътироф этилишидан иборат.

Бир нарсани бошидан айтай. Шахсан мен учун бу китобларда келтирилган маълумотларнинг кўпи янгилик эмас. Яъни бу тўпламдан жадидчилик ҳақида чуқур маълумот олиб бўлмайди. Ўзим яхши тушунган соҳада нуқул чуқурлашишни талаб қилавериб, ўзим ҳам танқидга учраяпман, бошқаларнинг меҳнатига беҳурматлик қилгандай таассурот уйғотяпман. Бу китоб устида ишлаганларнинг меҳнатини ҳурмат қилишимни айтиб ўтай (улар орасида Баҳодир Каримовдай забардаст олим ҳам борлигини қўшиб кетай).

Қолаверса, охирги пайтлар бир нарсага кўп гувоҳ бўляпман: мен (ўзимча) хоҳлайдиган чуқур, батафсил маълумотни, контентни истеъмол қиладиган аудитория унча катта эмас. Бунинг устига, мавзудан умуман бехабар одамлар ҳам жуда кўп, уларга шу қисқа, энциклопедик маълумот бирламчи таассурот ҳосил қилишга етади. Жадидлар, жадидчилик тренддаги, кўпчиликни қизиқтаридаган мавзу эмаслигини инобатга олсак, ҳозир кенг оммага, айниқса ёшларга бу ҳақда бирламчи маълумотни етказа олсак ҳам катта ютуқ бўлади.

Хуллас, ушбу тўпламнинг чоп этилишини жадидчиликка қизиқишни уйғотишга қаратилган илк қадам ўлароқ яхши ташаббус деб баҳолайман. Аммо келажакда бу иш давом эттирилишини хоҳлайман: жадидларнинг каттакон китоблари ҳам чоп этилсин, ҳар бирининг алоҳида тўплами бўлсин.

Ҳозирча жадидларнинг жуда катта қисми биз учун китобдаги бир сурат бўлиб қоляпти, аксариятининг қарашлари, шахсий кечинмалари, ўзига хос жиҳатларини билмаймиз. Уларнинг мероси билан яқиндан танишсак, мана шу тасаввур ҳосил бўлади.

Яна бир гап. Жадидчилик аслида биз ўйлаганимиздан ҳам кўра кенгроқ ҳаракат бўлган. Ҳали номи эсланмаган, мероси ўрганилмаган қанчадан-қанча зиёли турибди. Уларга ҳам эътибор қаратайлик, таржимаи ҳолини, меросини ўрганишни бошлайлик. Жадидчилик ўзбек тарихининг энг ёрқин саҳифаларидан биридир, унинг аҳамиятини тушуниш учун аввало уни яхшилаб ўрганиш керак.

@AsanovEldar Ochish/sharhlash

2022-08-13 10:20:04 Albatta tashrif buyuring.
@jadidlar

https://telegra.ph/Ma%D2%B3mudh%D1%9Ezha-Be%D2%B3budij-bir-asr-osha-bizdan-zhavob-kutadi-08-13-2 Ochish/sharhlash

2022-08-05 21:39:01 Xullas, juda ko’p go’zal, o’yga toldiruvchi misralar kelgan, meni ba’zilarini izlab, to’liq matni bilan tanishishga ham majburladinglar. Natija uzoq cho’zilgani uchun uzr so’rayman.

Avvalo, barcha ishtirokchilarga faollik uchun rahmat, jadidlar ijodiga befarq emasligingiz, konkursda ishtiyoq bilan qatnashganingiz uchun katta rahmat. Imkon qadar avval qo’yilmagan she’rlarning barchasini qo’yib boraman. Ochig’i, bir insonni tanlashga qiynaldim, chunki menda to’plam bir dona xolos, shunday bo’lsa-da, yana 5 kishiga Jadidlarning boshqa to’plamidan bir donadan kitob berishga qaror qildim (ijodkorlarni kelishib olamiz, bot orqali sizlarga chiqaman).

Konkursga qo’yilgan to’plamni esa 32-raqamli ishtirokchi yutib oldilar. G’alaba sababi - saralangan, suratlar ilova qilgan holda, chiroyli tahrir bilan 5 ijodkor ijodidan misralar yuborgan, umuman, xafsala bilan yondashgan mehnat bo’libdi.
Qarorimdan ranjimaysiz degan
umiddaman.

Mustaqillik sharofati bilan yirikroq konkurs tashkil etishni rejalashtirganmiz. Homiylar bo’lsa, hamkorlikka ham tayyormiz.
Barchaga faollik uchun katta rahmat.
E’tibor va hurmatimdasiz .

@jadidlar Ochish/sharhlash

2022-08-05 21:29:18 Siz edingiz jonlarga jononalar,
Qadringizni bilmadi devonalar.
Qumri bilan bulbul-u bedonalar,
Yaxshi oʻqur, siz ham oʻqing onalar.

Soʻfizoda

@jadidlar Ochish/sharhlash

2022-08-05 21:27:54 - O‘lim, sendan kuchli boshqa kuch bormi?
Tarafingdan bir marhamat bo‘lganmi?
- Mendan kuchli, mendan quvvatlilar bor:
Mana, mendan hech qo’rqmaylar odamlar.

Qit'a
Cho‘lpon

@jadidlar Ochish/sharhlash

2022-08-05 21:26:51 Har taraqqiy aylagan millat eliga sol quloq,
Kecha-kunduz so'zlari afkor ilm, afkor ilm.
Ul haqiqat oyinig'a sayqal istarsan, Nihon,
Ilm ista, ilm ista, istagil zinhor ilm.

Hamza Hakimzoda Niyoziy

@jadidlar Ochish/sharhlash

2022-08-01 15:46:03 Jadidlar ( Джадидизм ) pinned a photo Ochish/sharhlash