ОНАЛАР ТУРЛИЧА БЎЛАДИ Ҳаммаси фарқли, ҳаммаси ўзи билгани қа | 🍀Iymonli Qalblar

ОНАЛАР ТУРЛИЧА БЎЛАДИ

Ҳаммаси фарқли, ҳаммаси ўзи билгани қадар оналик қилмоқда. Ақли етганича фарзандини парвариш қилмоқда;

Қай бири фақат жисмини, қорнини тўйдирса, қай бири руҳини, қай бири иккисини ҳам парвариши устида машаққатлар чекмоқда;

Қай бири қимматбаҳо “бренд” кийимларни кийдириб роҳатланса, қай бири Аллоҳнинг каломини ўргатиб роҳатланмоқда;

Қай бири “ўзи катта бўлаверади” деса, қай бири “унинг илк муаллими менман” дейди;

Қай бири боласининг шўхлигидан норози бўлса, қай бири хаста боласининг ўрнидан туриб кетишини интизорлик билан кутмоқда;

Ҳомила она қорнида эканида кўпчилик “қўлингга овосанг бўлди, ҳаммаси яхши бўлади, изга тушиб кетади, қийинчиликлар орқада қолади “ дейди;

Аммо шуни ёдда тутишимиз керакки, биз - бола деган борлиқнинг ЭГАси эмас, фақатгина онасимиз;

Бизга унинг олган нафасидан, кипригигача ҳукмронлик қилиш эмас, Аллоҳ томонидан зиммамизга юклаб қўйилган вазифанигина адо қилиш буюрилган;

Аммо оналик ҳаётида “изга тушиш” деган гап йўқ, оналик ҳаёти буюк бахт, аммо шу билан бирга буюк маъсулият ва мужодаладир;

Оналик бу – ўзингча, эмин-эркин юришларнинг тугаган нуқтасидир.;

Оналик орзу-ҳавасларингдан деярли кечиб болаларинг учун бағишланадиган қолган ҳаётингдир;

Болангнинг олган ҳар нафасида улғая бошлайсан. У билан бирга ҳаётни қайтадан кашф қиласан;

Хатоларинг билан юзлашасан, чунки олдингда сенинг ойнанг - болаларинг туради. Баъзан болангдан ўзингдан кичкинадан, туғиб катта қилаётганингдан узр сўраш нафсингга зўр келади. Аммо ундан ўрганадиганларинг ҳам талайгина эканини англайсан;
"Оналик мақоми" китобидан

𝐈𝐗𝐋𝐎𝐒 𝐈𝐙𝐋𝐀𝐁