2022-07-17 05:24:01
КОИНОТНИНГ ЯКУН ТОПИШИ ВА ҲАЛОКАТЛИ СИҚИЛИШ
Биз юқорида айтиб ўтганимиздек, коинотнинг яратилиши қаттиқ портлаш билан бошланган эди. Мана шу пайтдан бошлаб коинот тўхтовсиз кенгайиб бормоқда. Олимларнинг айтишича, коинотнинг массаси керакли даражага етиб борганда бу кенгайиш коинотнинг ўз-ўзидан йиғилишига сабаб бўлувчи тортишиш кучи туфайли якун топади.
Шунингдек, қисқараётган коинот жуда ўткир иссиқликда ниҳояга етади, деб ҳам фараз қилинади ва бу қисқариш «ҳалокатли сикилиш» номи билан маълум. Бу биз билган барча турдаги ҳаёт шаклларига якун ясайди. Станфорд университетининг физик профессорлари Рената Каллош ва Андрей Линд шу мавзуда қуйидагича хулоса қилганлар:
Коинотнинг тақдири йиғилиб келиш ва ғойиб бўлиш билан тугаши мумкин. Биз ҳозир кўриб турган ва узоқ масофалардаги биз кўра олмайдиган барча нарсалар протон заррасидан ҳам кичик бўлган нуқтага йиғилиб келади. Ўша жойда сиз ўзингизни худди «қора туйнук» ка тушиб қолгандек ҳис қиласиз... Агар қора кучни тасвирлашга бир оз ҳаракат киладиган бўлсак, биз шуни аникдадикки, у аста-секин салбий (манфий) бўла боради, бу эса коинотнинг беқарор бўлиши, сўнг инкирозга юз тутишига сабаб бўлади ... Физиклар қора кучнинг салбий бўлишини ва коинотнинг жуда яқин келажакдаги бир пайтда инқирозга юз тутишини билиб келишган... лекин биз энди шунга аминмизки, биз коинот ҳаёт даврининг бошида эмас, балкиўртасидамиз.
Ҳалокатли сиқилиш ҳақидаги бу илмий гипотеза Қуръонда қандай таърифланганини қуйидаги оятдан билиб оласиз:
У кунда Биз осмонни худди мактуб ёзилган саҳифани ўраган каби ўраб, биринчи марта қандай яратган бўлсак, (ўша яхлит ҳолига) қайтарурмиз. (Бу) Бизнинг зиммамиздаги ваъдадир. Албатта, Биз (шундай) қилувчидирмиз. («Анбиё» сураси, 104-оят)
Бошқа бир оятда, фалак ҳақидаги бу ҳолат шундай тасвирланади:
Улар Аллоҳни ҳаққоний (равишда) қадрламадилар (танимадилар). Бутун Ер қиёмат кунида Унинг бир тутамидир. Осмонлар эса, Унинг «қўли» га йиғилувчидир. У уларнинг келтираётган ширкларидан пок ва юксакдир! («Зумар» сураси, 67-оят)
Ҳалокатли сиқилиш назариясига кўра, коинот секинлик билан йиғила боради ва сўнг бу жуда тезлашиб кетади. Бу жараённинг охирида коинот чексиз зичликка эришади ва ўта иссиқ ҳамда кичик бўлиб қолади. Бу илмий назария, Қуръоннинг шу илмий ғояни тушунтириши билан баробардир. (Аллоҳ ҳаммадан кўп билгувчидир.)
#Allohning_mõjizalari
Iyman |إيمان
13 views𝐺𝑢𝑙𝑛𝑜𝑟𝑎, 02:24
I
