Намозга қандай ошиқ бўласан? – Намозни адо қилишдан олдин, аз | Miss I's blog

Намозга қандай ошиқ бўласан?

– Намозни адо қилишдан олдин, азон эшитган пайтингда, Еру осмоннинг эгаси сени Ўзининг мулоқоти учун чақираётгани хусусида ҳеч фикрлаб кўрганмисан?

– Таҳорат олаётганингда, подшоҳларнинг подшоҳи билан юзма юз туриш учун тайёргарлик қилаётганингни ҳеч фикрлаб кўрганмисан?

– Намозга киришдан олдин, такбиратул эҳромни айтиш билан, эшитувчи ва ўта билувчи Зот бўлмиш Роббинг муножотига киришаётганингни ҳеч фикрлаб кўрганмисан?

– Намозда фотиҳа сурасини ўқиётганингда, ўзинг билан Холиқинг ўртасидаги хос суҳбатда эканингни ҳеч фикрлаб кўрганмисан?

– Намоздаги ҳатти ҳаракатни амалга оширганингда, Аллоҳдан бошқаси билмайдиган ададда, минглаб йиллардан бери рукуъ ва сажда қилаётган фаришталарни, ҳатто осмон ҳам мунгли овоз чиқараётгани хусусида ҳеч фикрлаб кўрганмисан?

– Сажда қилган пайтингда, энг улкан ва гўзал маконда эканингни ва инсон сажда пайтида Роббисига энг яқин пайти экани хусусида ҳеч фикрлаб кўрганмисан?

– Намознинг охирида салом берган пайтингда, Аллоҳ билан бўладиган келгусидаги учрашувга завқу шавқдан куйиб ёнишинг ҳақида ҳеч фикрлаб кўрганмисан?

(с) Таржима: www.arabic.uz