Blue Times

2023-01-16 19:24:41 Ochish/sharhlash

2023-01-16 19:13:41 Lut Lut Lut!

Lut haqida nima bilishadi o`zi? Ilmsizlik oqibatida bilib-bilmay, buyuk kitobda nomi keltirilgan Payg`ambarga nafrat qilishayotganini bilishadimi o`zi?

Yoki bilishgani:

Tugmalaringni taq!
Sochingni silliq tarama!
Bog`imlaringni qirsillatma!
Tosh o`ynama!
Hushtak chalma!

Maqolani e`tibor bilan o`qib, bu haqda shaxsiy izlansangiz, u qavmning hech birida ayollarga hoslik hislati deyarli uchramaydi. Pedofilizm, Bachchabozlik va shu kabi illatlar qoralanadi!


@itsbluetimes Ochish/sharhlash

2023-01-16 19:05:56 Ho`sh, keling endi o`z fikrimni aytib o`tsam.

Jamiyatimizda Riyo degan narsa bo`r, bu ya`ni ko`z-ko`z qilish, asosida holis niyat yotmagan holda - yuzaki ihlos sanaladi.

Bir necha yillar oldin, men ilk bor Juma namoziga chiqqanimda, u yerdagi 90 foiz aholi erkaklar notog`ri holatda o`tirishardi, men ularni biridan so`raganimda, U shunday degan edi: "Aslida qanday o`tirish kerakligini keyinroq tushunib yetganman, ilk bor Jumaga chiqqanimda atrofimdagilar shunday o`tirishgandi, men barchasini ulardan ko`rib o`rganganman, shu bois aslidek qilishim qiyin, oyoqlarim og`riydi" -deya kulgandi.
Buni eshitgan men, ajablangandim ochig`i...

U amal qilardi, ammo qalbi mutlaqo bo`shliqdan iborat ekanligidan ajablanardim...


@itsbluetimes Ochish/sharhlash

2023-01-16 18:59:29 Oh, Lut qavmining sarqitlari, Senlarga o`lim!


Lut kim o`zi?
U gonohkormidi?
U Gomoseksualmidi?
Lanatlangan kim? Lut yoki...?

Batafsil ushbu maqolada:
https://telegra.ph/Oh-Lut-qavmi-sarqitlari-Senlarga-Olim-01-16



Ushbu video rolikda, Lut Alayhissalomning maqbarasi, Sado`m va G`amo`ra shaxri va toshga aylangan ayoli haqida qisqacha:





@itsbluetimes Ochish/sharhlash

2023-01-13 15:04:33 Qadim: Islom va Gomoseksuallik

Gomoseksuallik va qadimdan islomiy jamiyatda bunga nisbatan munosabat haqida quyidagi maqolada o`qishingiz mumkin:

https://telegra.ph/Qadim-Islom-va-Gomoseksuallik-01-13


@itsbluetimes Ochish/sharhlash

2022-12-08 01:35:21 Bolaligimda oyim “Bunday qilma, yomon bo`ladi” – jumlasini ko`p ishlatar, men esa doimgidek: “Nima bo`ladi?” -bilan javob qaytarar edim. Shunda sabablarini keltirar ekan, hayolimda har safar, aslida yomon bo`ladigan narsa - umuman yo`qligi aylanaverardi.

- Tirnog`ingni ol, yomon bo`ladi
– Nega?
Aytishlaricha, tirnoq ostida chang, va mikro elementlar to`planishi, men uni bilmay og`zimga solganimda, u ichimga kirib, bakteriya va zararli moddalarga aylangan holda menga zarar yetkazishi mumkin ekan. Shundan hulosa qilardimki, ha, demak odamlarga sababini tushuntirib o`tirishmasdan, shunchaki “yomon bo`ladi” – bilan qutulishgan, odamlar ham sabibini so`rab o`tirmay “yomon bo`lar ekan”-deya yuraverishgan.

Har “yomon bo`ladigan” ishni sababini bilgach, uni yechimini topish va shu ishni “yomon bo`lmaydigan” qilib qilish mumkin degan fikr miyyamga o`rnashib qolgandi. Bora bora tirnoqlarim o`sgan sayin, ularni sifatsiz va noto`g`ri holatda olishdan ko`ra, tekizlab, ularni pokiza holatda saqlashga odatlandim.

Ho`sh, mening holatimda nega bu “yomon bo`ladi” -deya ta`riflandi? Sabablarini izlay boshladim. Unchalik ham uzoq va chuqur bo`lmagan izlanishlarim natijasida shuni bildimki:

-Qur`onda Gomoseksual o`lim bilan jazolanishi hech qachon keltirilmagan!
-Muhammad Payg`ambar hech qachon Gomoseksual munosabatlarni taqiqlamagan!

Ruhiyatimda tinchlik hukm surayotgani bekor emasligiga yana bir bor amin bo`ldim. Dinimizda qoralangan narsa bu – zino edi. Palapartishlik va pedofilizmga oid edi.

( Bu yirik mavzu bo`lganligi bois, buni har birini kengroq va tushunarliroq tarzda yozishga qaror qildim. Bu haqda keyingi maqola va postlarda kutib qoling.


@itsbluetimes Ochish/sharhlash

2022-10-17 22:24:00 Ilm – meni qutqardi!

Yillar o`tdi.
Ha... Haqiqatdanda yillar o`tib ketdi. O`tdi-yu ketdi…


Balog`at yoshiga yetar chog`im, ko`p hollarda oilam bilan tortishdim. Chunki, men endi aqlli edim, barchasini bilardim...

Ha, men mavjud edim. Dunyoda LGBT degan narsalar borligini, ikki yigit yoki ikki qiz bir birini sevishi odatiy hol ekanligi menga ma`lum edi. Oilam va atrofimdagilar esa, huddiki zamondan ortda qolgan ibtidoiy jamoadek edi, men esa ularning ichida adashib tug`ilib qolgan Amerikalikdek his qilardim o`zimni. Aqlim oshib-toshib ketganligidan chalkashib ketardim.
- Qizil Hoodie
- Kombinezon
- Uzun sochlar
- Anime paypoqlar
- Shopper sumkalar
- Shortikda kutubxonaga borish va kirgizmasa, ularni feodallikda ayblash...
- Inson va ayollar huquqlari
- Feminizm
- Diskriminatsiya degandek…

Barchasi yopirilib keldi, hayot dengizimda tinch ketar chog`im, ma`lumotlar to`foni qayig`imni qulatdi va cho`ka boshladim. Shunda, suv tubida tubsizlikni, sokinlikni his qildim. Qalbimni topdim. Savollarimga qisman javob oldim. Ma`lum muddat tushkunlikda yurdim, ammo o`gir, bir dunyo savollarga vanihoyat javob topdim. Bor-budimni ilmga, insoniyatga bag`ishlashga qaror qildim.

Yurtimizdagi At-Termiziy majmuasida shunday bitiklar bo`lib mazmuni quyidagicha edi:
“Kimki bir yo’ldan yurib, undan ilm izlasa, Alloh unga shu yo’ldan Jannat eshiklarini musharraf qilgay!”

Shunday ekan, Insonning qalbi bu - uning oltin sandig`i! Eng oliy hislaridan biri bo`lmish sevgi - aynan qalbda tug`iladi. Sevgi esa ilohiy tuyg`u! Yaratgan bilib buni qalbimizga soldimi, boshqasi bekor!

Ba`zan, Yaratgan bilan yolg`iz qoladigan shunday onlar bo`ladiki, na bir qator sura va na bir Payg`ambar - bu o`rtalikka suqilishga qodir emas...

Yo`llar va dinlar ko`p, ammo, manzil yagona! Muhimi, manzilga yetganda hozirgdek hotirjam bo`la olish. Menda bu hotirjamlik hozircha bor va saqlanishiga komilman!


@itsbluetimes Ochish/sharhlash

2022-10-17 22:20:41 Men Gunoxkormidim?

Meni yoshligimdan yigitlar qiziqtirib kelgan. Bolaligimdan qizlar bilan o`rtoq edim. Ular bilan ko`p kulishar, birga “hola-hola” o`ynar edik. Hatto, har gal maktabda jismoniy tarbiya fanida ham kutilmaganda “tobim qochganligi” uchun sinfda navbatchi bo`lib qolar va doskalarni artib, shkafdagi jurnallarini yana bir varoqlar edim…

Ota onamiz bizga yaxshi tarbiya berishgandi. Ulardan eng birinchisi dilozorlik qilmaslik edi. Bu dunyoda kimningdir dilini vayron qilishdanda og`irroq gunox yo`q deya o`rgatishgan. Buni erta tushunib yetdim, dilim og`rigan on - boshqalarga bunday qilmaslik kerakligi haqida doim hotiramda saqlar edim. Sinfdosh yigitlar:
- latta
- qizbola – deya haqoratlashganda bazan yurak-yuragimdan o`tib ketardi. Ammo, keyin oraliq nazoratlar paytida, “yordam ber” – deya iltimos qilishganda, tag`in barchasi unutilar va biz yana o`rtoq edik.
Men hatto o`rtoqlikni sotib olishga majbur edim…

Ota-onam, ayniqsa dadamni ko`p bora uyaltirib qoyardim.
Dadam ota-onalar majlisiga ham, maktabda men uchun bitiruv kecha va tadbirlarda topshirilishi kerak bo`lgan faxriy yorliqlar-u tashakkurnomalarni olishga ham, “ishi ko`pligi” sabab kelmasdi. Chunki, uni faqatgina maqtov yorlig`i kutmasdi-da…
Men haqimdagi “maqtov”larga bardosh qila olmasdi.

O`qishlarim yaxshi edi, birovni dilini og`ritmasdim, tinchlik va ozodalikni, hushmuomalalikni, go`zallikni hushlardim. Ibratli hikoyalar eshitish va kitob o`qish jon-u dilim bo`lsada,

negadir gunoxkor edim - menga yigitlar - hanuz yoqardi…


@itsbluetimes Ochish/sharhlash

2022-10-17 22:17:08 Men kimman?


Yoshim 19da. Men ham huddi siz kabi, O`zbekistonning chekka bir hududida, bir oddiy oilada dunyoga keldim. Yoshligimdan bobo va buvilarim, amaki va holalarim, ota onam ardog`ida katta bo`la boshladim.
- E Chol
- Voy, Mahmadonayey -kabi erkalash ma`nosidagi so`zlar - yillar mobaynida:
- Kamroq gapir
- Buncha mayda gapsan?
- O`g`il bola ham shunaqa bo`ladimi? -kabi jerkish ma`nosidagi so`zlarga o`zgara boshladi.

Ha, menga yoqmas edi!
Yoshim 5 yoshda bo`lsa ham, ko`chada bolalar bilan koptok tepish yoqmas edi, men uni o`rniga buvimdan nimalarnidir tinglashni, u bilan eski qarindosh va yaqinlarinikiga mehmonga borishni afzal ko`rardim.

Televizorda Sport kanalidan ko`ra ko`proq, TVM kanalidagi M&TV, yoki Moda va San`at festivallari, yoki tabiatga oid biror bir ko`rsatuvni tomosha qilish maroqli edi. Zerikarli futbol sharxlaridan ko`ra Tangem men uchun yoqimliroq edi.

Ko`chada kimdir bilan tortishsam, (to`g`ri, ko`p hollarda raqibimga kuchim yetmasdi, ammo, yetgan paytlari ham) urushmasdim. Sababi, bundan kiyimlarim kir bo`lishi, tanamda bekordan bekorga og`riqlar sezishim edi. Bu menga yoqmasdi. Kimningdir:
- Falonchiga javobmi? -degan iborasi – bu hayotimdagi eng jirkanch iboraga aylanib ulgurgan...

Ha, yoqardi...
Butun umr uzun sochlarim bo`lishini orzu qilganman. Jiyanlarimni ba`zan sochlarini hatto oyilaridan ham zo`rroq qilib turmaklab qo`yar edim. Ular juda sevinishardi. Gullarni hushlardim, uyimizda 50ga yaqin tuvakda gullarimiz bo`lardi. Ular rang-barang ochilganda mendan baxtli odam yo`q edi. Litseyda hatto, bir gulim meva ham solgan edi)

Ba`zan qizlarning kiyimini kiyib ham ko`rardim, bu ba`zan kiyimni egasidanda ko`proq menga yarashgandek tuyulardi…

O`zgachaligimni avvaldan his qilar edim, hullas…


@itsbluetimes Ochish/sharhlash