Хахахахахаха: комедия давом этади
Ахборот технологиялари ва коммуникацияларини ривожлантириш вазирлиги ижтимоий тармоқларга ҳеч қандай чеклов ўрнатилмади деб хабар берибди. Вазирликнинг айтишича, бу шунчаки техник носозлик эмиш.
Ия, унда Давлат персоналлаштириш марказининг «Шахсга доир маълумотлар субъектлари ҳуқуқларини бузувчилар реестри»га ижтимоий тармоқлар манзили қўшиб қўйилгани ёлғонми?
Агар ижтимоий тармоқларга чеклов ўрнатилмаган бўлса, унда “Ўзкомназорат” раҳбари нега ишдан бўшатилди? Ёки вазирлик буни ҳам ёлғон демоқчими?
Агар ижтимоий тармоқларга чеклов ўрнатилмаган бўлса, унда Президентга нима ҳақида хабар беришди? Давлат раҳбарининг нимадан жаҳли чиқди? Шунчаки қисқа муддатли “техник носозликданми”?
Тавба, тавба, нималар бўляпти ўзи?
@xushnudbek
