2022-10-07 06:04:43
#Қуръон_фазилатлари
ҚУРЪОННИ ОСОН ЁДЛАШ ҚОИДАЛАРИ Қуръон ёдлашни астойдил ният қилган бўлсангиз, бу ишга дарҳол киришинг. Бу борада тажрибали қорилар турлича тавсиялар беришади. Улардан баъзиларини санаб ўтамиз:
– Ишга киришишдан олдин зеҳнимизни ўткир, хотирамизни кучли, тилимизни бурро қилишини сўраб Аллоҳга дуо қилинади;
– каттароқ Мусҳафни тангланг, охиригача шу Мусҳафдан ёдланг;
– ёд олиш учун кунлик миқдорни, муайян вақтларни белгилаб олиб, унга қатъий амал қилинг;
– ухлаш, овқатланишни тартибга солинг;
– ҳар сафар ёдлашга ўтирганингизда Аллоҳ таолога ҳамду сано, истиғфор, тасбеҳ, таҳлил, такбир айтишни, Расулуллоҳ соллаллоҳу алайҳи васалламга салавот ва саломлар йўллашни одат қилинг;
– дастлаб биринчи оятни яхшилаб ёдланг. Сўнг иккинчи оятни ҳам ёдлаб, иккисини қўшиб такрорланг. Бир бетни тўлиқ ёдлагунингизгача давом эттиринг. Бу бетга иккинчи бетнинг биринчи оятини ҳам қўшиб ёдланг;
– бу жараёнда тажвид қоидаларини ҳам мустаҳкамлаб боришингиз ёдлашингизга барака олиб келади.
– биринчи ёдлашда неча марта ўқиганингизни санаманг. Бир марта ёдлаб чиққандан кейин такрор қилиш учун санаш фойдали.
– қурбингиз етса, ёдланган қисмларни такрорлаб туринг ёки Қуръонни тўлиқ хатм қилгандан кейин яна тезда бошидан такрорлашга киришинг;
– ёдлаш учун энг яхши вақт саҳар пайтидир. Саҳарда ёдламоқчи бўлган вазифангизни ётишдан олдин тилингизни келтириб олгунча ўқинг;
– араб тилидан озгина хабарингиз бўлса, ёдламоқчи бўлган сураларингиз тафсирига қараб боринг ёки ўзбекча таржималарини ўқинг;
– шаштингиз сўнмаслиги учун Қуръони каримни ёдлашга тарғиб этувчи ҳадисларни ўқиб туринг.
«Тақвим» (1435-ҳижрий – 2013-2014-милодий йил учун), 16-17-бетлар.
Kanaliga a'zo bo'ling
@shiringina_xotiralar
╚══❖• •❖══╝
57 views03:04