Ismoilov Kundaligi

2022-07-16 13:33:16 Sayyid Abdulaziz Yusupov

OQ KA'BAM

Allasiga Alishmasman Dunyoni
Ming Bitta Duodan Afzal Har So'zi
Devona Qilurman Dardman Daryoni
Bir Tomchi Yosh ila Namlansa ko'zi

Terib Qo'ysang Barcha Shoir Deganni
Sherlarini Baland Tog'ning Toqiga
O'n mingta Majnun ham Nima Bo'libdi
Arzimas Sochining Bitta Oqiga

Shirk Emas Kechirsin Xudoyim O'zi
Men Faqat Onamni Taof Qilaman
Boshidan O'girib Ichgan Suvimni
Yuz Mingta Zam-Zamdan Afzal Bilaman

Bilsam O'zi Tirik Mabudku Onam
Aslida Mehridan Bunyod Bo'libman
Nurdayin Pok Oppoq Kabaku Onam
Men Esa Oq Kaba Izlab Yuribman

Rosti Gap Dunyoni O't Olib Ketar
Onamni Sog'inib Yig'lasam Agar
Mendayin Shoirlar Bir Tiyinga Qimmat
Onasini Duoisini Olmasa agar

Onalar suvga o'xshaydi: ular yer yuzidagi kirlikni, alamni, g'amni yuvib tashlaydi. Onalar shamga o'xshaydi: o'zi erisada, atrofni yoritadi. Onalar sabrning yorqin timsoli, mehrning hayotdagi ko'rinishi. Onalarning yomoni bo'lmaydi, onalarning bari yaxshi va chiroyli.

Ixtiyor Ismoilov

@ismoilov_kundaligi. Ochish/sharhlash

2022-06-10 22:45:00 Kibr insonda mavjud ekan, u chin ma'noda inson bo'lolmaydi

@ismoilov_kundaligi Ochish/sharhlash

2022-05-22 07:20:35 Ўқитувчи-устозларимизга

Бир кун келар...

Бир кун келар,
домлалар қадри
Тоғ бўлади,
осмон бўлади.
Бизга кулган одамлар дарди
Дил тубида армон бўлади.

Бир кун келар,
муаллим шўрлик
Санаб юрмай тийинларини,
Дафтар, китоб тутар ҳарбийлар,
Ташлаб чипор кийимларини.

Бир кун келар,
машина олар
Домла ойлик моёнасига.
Муаллима қирқ сават солар
Қуда томон тўёнасига.

Муаллимлар таътил пулига
Киз чиқариб, ўғил уйлайди.
Уйланмаган бўйдоқ домлалар
Қиз танлашга чўчиб турмайди.

Бир кун келар,
ғам чекмас ҳеч ким
Тушлиги-ю йўл кирасига.
Дам олишга борар домлалар
Оврўпанинг Франциясига.

Бир кун келар,
домлани ҳамма
Қадри баланд зот деб билади.
Гўдаклар ҳам прокурорликмас,
Домлаликни орзу қилади.

"Қачон келар ўша кун?"-дерсиз,
Сабр қилинг,
сал шошмай туринг.
Ўша кунлар етиб келгунча
Қадрингизни эҳтиёт қилинг!
Қалбингизни эҳтиёт қилинг!

Абдулла Орипов

@ismoilov_kundaligi Ochish/sharhlash

2022-04-08 10:02:35 ​​"Ривожланган давлатларда ўқитувчи бўлишнинг қиймати"

Италияда:
Учта касб эгалари тирбанд йўлда қолмаслиги керак:
Тез ёрдам, ўт ўчирувчилар ҳамда ўқитувчилар.
Францияда:
Бойлар ўз яшаш жойлари билан мақтаниш учун ўқитувчилар билан бир ҳудудда яшашга интиладилар.
Швецияда:
Биринчи фарзанди шифокор, аммо иккинчи фарзанди дунёга келса ундан яхшироқ касб эгаллашини истайди, яъни ўқитувчи бўлишини хоҳлашади.
Германияда:
Меркел норозилик билдираётган шифокорларга мурожаат қилди:
- Сизнинг маошингиз сизни ўқитган ўқитувчиларнинг иш ҳақидан юқори бўлишини кутмаслигингиз керак.
Англияда:
Бу бола даҳо, у ўқитувчидек фикрлайди...
Японияда:
Соясини топтамаслик учун ўқитувчидан етти қадам ортда юр!
Ўзбекистонда:
????????????????

"Ўқитувчилар қайси давлатларда кўпроқ маош олишади" ?

35 мамлакатни ўз ичига олган ОЭЦД ҳисоботига кўра, 10 йиллик тажрибага эга ўқитувчиларнинг йиллик иш ҳақи.

1. Люксембург 99,900 $
2. Германия 65,843 $
3. Канада 63,557 $
4. Австралия 56,315 $
5. Нидерландия 55,697 $
6. Қўшма Штатлар 53,758 $
7. Ирландия 52,257 $
8. Дания 51,640 $
9. Англия 45,595 $
10. Норвегия 44,538 $

Иқтидорли ва малакали ўқитувчиларни жалб қилиш, ривожлантириш ва сақлашда иш ҳақи ва меҳнат шароитлари қанчалик муҳимлигини ҳисобга олсак, юқори амалдорлар ўқитувчиларнинг маошларига эътибор беришлари, сифатли таълим ва барқарор таълим бюджетларига эришишлари учун асосий шартлардан биридир. 10 йиллик тажрибага эга ўқитувчининг биздаги йиллик маоши афсуски "ўнинчи қатордаги Норвегиянинг ўндан бири ҳам эмаслиги", жамиятимизда бу касбга кўрсатилаётган эътибор қанчалар эканлигига ойна бўлиб турибди.

@ismoilov_kundaligi Ochish/sharhlash

2022-04-01 11:00:43 DUNYODAGI ENG YOMON SO'Z URUSHDIR.
Urushni hech qanday narsa bilan asoslab bo'lmaydi. Inson o'ziga ravo ko'rmaganni boshqaga ham ravo ko'rmaganda uning iymoni mustahkamlanadi. Begunohlarning, mazlumlarning va yetimlarning ko'z yoshidan qo'rqsangiz, aslo urushni oqlamang.

Ixtiyor Ismoil

@ismoilov_kundaligi Ochish/sharhlash

2022-03-29 17:06:14 Bu dunyoni hamma o'z ko'zi bilan ko'radi, o'z qarichi bilan o'lchaydi. Agar siz yomg'irli havoda osmonga qarab qora bulutlar ortida Quyoshni ko'rmayotgan bo'lsangiz, bu Quyosh yo'q degani emas. Unutmaslik kerak, hamma o'zi xohlaganini ko'radi, asl holatni emas. Bor haqiqatni ko'rish uchun biroz bilim, obyektiv qarash va toza vijdon bo'lsa bas.

Ixtiyor Ismoil

@ismoilov_kundaligi Ochish/sharhlash

2022-03-16 21:42:01 AQL YO'Q JOYDA, TIL UZUN BO'LADI...
Odatda biror narsa haqida yetarlicha ma'lumoti bo'lmagan inson boshqalarga aql o'rgatishga usta bo'ladi. Bunday insonlarda aql fazasi doimiy uchgan, til fazasi esa doimiy yoniq bo'ladi. Donishmandlar aytganidek, odatda kam bilgan ko'p gapiradi. Imom G'azzoliyning "Til ofatlari" kitoblarini varaqlar ekanmiz, aksariyatimizda ham shu illat borligini his qilamiz. O'ylab ko'rmaymizki, Alloh bizga kamroq gapirish uchun bitta og'iz, ko'proq eshitish uchun ikkita quloq bergan. Aqlning susayishi, tilni baquvvat qiladi.

Ixtiyor Ismoil

@ixtiyor.ismoil_kundaligi Ochish/sharhlash

2022-02-24 17:38:45 O'zbek ko'zingni och! Agar bugun keraksiz urf-odatinglaring-u bir tiyinga qimmat orzu-havaslaringga pul sarflamasdan, farzandlaring uchun, ilm-fan uchun harakat qilmasang, sening avlodlaring ham shunday o'qqa tutilishi mumkin. Ko'zingni och! Seni jaholatdan, yovuz dushmanning tig'idan qutqaradigan yagona yo'l - bu ta'limga pul tikishdir. Millat uyg'on! Uyg'on, millat!

Ixtiyor Ismoilov
@ismoilov_kundaligi Ochish/sharhlash

2022-02-24 17:30:36 TA'LIM YOKI URUSH...
Rus-ukrain munosabatlari bugunning eng qizg'in masalasiga aylandi. Aslida, masala Putin boshchiligidagi Rossiyaning Sobiq Ittifoq davlatlarini to'la mustaqil deb tan olmasligidadir. Buning sababi ayni vaqtda Rossiya bilan hisoblashishga majbur bo'layotgan davlatlarning to'g'ri rivojlanish yo'lini tanlamaganligida ko'zga tashlanadi. Yaponiya, Germaniya kabi davlatlar eng og'ir davrlarda ham ta'limga eng kuchli e'tiborni qarata oldi, natijada bugun bu davlatlar eng oldingi marralarda. Sobiq Ittifoq davlatlari, xususan O'zbekiston, birinchi navbatda ta'limni rivojlantirishi va natijada oltin miyyalar bilan davlatning qudratini kuchaytirishi kerak. Bo'lmasa, bugun vahimali rus tanklari oldida mungli termulgancha o'yinchog'ini ko'tarib turgan yosh bolalar har qanday davlatda bo'lishi mumkin. Unutmang, bugun farzandlaringizga yaxshi ta'lim bermasangiz, ertaga nabiralaringiz dushman qurollari qarshisida ilojsiz qoladi! Alloh barchani o'z panohida asrasin!
Ixtiyor Ismoilov
@ismoilov_kundaligi Ochish/sharhlash

2022-01-10 21:11:21 Inson uchun juda muhim ikki vazifa bor: Birinchisi - yaxshilik qilish; ikkinchisi - yaxshilikka chorlash. Jamiyatda yomon insonlar yo'q, yaxshilikka chorlanmagan shaxslar bor xolos. Sham ham yonishi uchun unga olov tutish kerak, biz yomon deb o'ylayotgan insonlarimizga ham biroz e'tibor, mehr va ishonch kerak.

Ixtiyor Ismoilov

@ismoilov_kundaligi Ochish/sharhlash