Islomov_Sh

2021-02-07 20:28:41 Ochish/sharhlash

2021-02-07 10:47:04 Aktyor Jeyson Stetxem ijrosidagi AUDI brendining takrorlanmas reklama roligi.

Rolik aktyorning turli filmlardagi adrenalinga boy sahnalaridan aralashma sifatida olingan. Har gal boshqa avtomarkalardan pand yegan aktyor yakunda o'z AUDI sini topadi. "Boevik ustasi" ham eng muxim pallalarda AUDI yordamiga muhtoj

Dam olish kuningiz maroqli o'tsin!

@Kreativ_reklamalar — Kreativ ijod mahsullari! Ochish/sharhlash

2021-02-05 10:11:58 Tik-tok ichra ozroq sayr qilib kelgan xulosam:

Yaxshiyam "tik-tok" chiqishidan avval katta bo'lib olgan ekanman.

(Layk uchun nima qilsa qilisharkan bu odamsimonlar galasi ) Ochish/sharhlash

2021-01-28 19:13:45 #Juma Muborak!

@alamiy_uz Ochish/sharhlash

2021-01-24 17:59:09 Sevishning ham nafratlanishning ham o‘z qoidalari bor.
Dushmanlarimiz ham bu qoidalarni juda yaxshi biladi va o‘z o‘rnida foydalanishadi.
Yoshlarimizga kino, teatr va shunga o‘xshash yo‘llar bilan ta’sir ko‘rsatishyapti. Ba’zida birgina karikatura ham ularning dunyoqarashini o‘zgartirishga yetib ortyapti.
Sabab?
Sababi g‘oyatda aniq. Biz bolalarimizga dushmanlarimiz va ularning hiylalarini umuman o‘rgatmadik. Ularga tahorat, namoz, Qur’onni o‘rgatish yetmaydi. Biroq biz yetadi, deb o‘yladik.

Qaysi ota o‘z farzandi bilan sayr qilgani chiqadi? Qaysi ota-ona jigarbandini suyib, erkalab namoz o‘qishni o‘rgatyapti? Qaysi ota-ona
farzandlari bilan do‘st tutingan? Bu xislatlar juda kamchiligimizda mavjud. Qop-qora taxtada oq nuqtalar taxtani oqartira olmaydi-ku...

Omina Shenliko'gli. "Imomning Maneken qizi"

https://t.me/joinchat/AAAAAEdlSy4oxcdM2SBxmA Ochish/sharhlash

2021-01-19 06:27:48 #mulohaza_uchun

DONO FIKRLAR: Doktor Abdul Qalam fikrlari

Avur Pakir Djaynulabdin Abdul Qalam (1932-2015) – hind olimi, fan va jamoat arbobi. Doktor Abdul Qalam Hindiston Respublikasining 11-prezidenti bo‘lib, 2002-2007 yillarda faoliyat ko‘rsatgan. Oddiy qayiqchining o‘g‘lidan prezidentlik darajasigacha erishgan olim mamlakat yoshlarining ilmiy-ma’naviy yo‘lboshchisi, mehnat muvaffaqiyatga erishtirishini isbotlay olgan. Quyida uning iqtiboslaridan namunalarni o‘qib bahra oling:

“Orzu ushalishidan oldin sen orzu qilishga odatlanishing kerak. Ammo unutma: orzu qilish – hayollarni tushda ko‘rish degani emas, balki bu odamga uyqu bermaydigan jarayondir”.

* * *

“Maqsad yo‘lida omadga erishishning yagona yo‘li – sobitqadamlikdir”.

* * *

“Erkak kishi muvaffaqiyatidan huzurlanishi uchun mashaqqatlarga ro‘baro‘ kelishi kerak. Mehnat azobi muvaffaqiyatning hozirligidan nishona”.

* * *

“Kimgadir zarba berish uni mag‘lub qilishni anglatmaydi. G‘alaba insonning ko‘nglidan joy olish bilan belgilanar ekan, kimgadir dushmanligimizdan ma’ni yo‘qdir”.

* * *

“Bizning farzandlarimiz ertaga farovon yashashi uchun biz bugunimizni qurbon qilishga ikkilanmaylik”.

* * *

“Ozod bo‘lmagan millatni ham, insonni ham hech kim hurmatga munosib ko‘rmaydi. Avvalo, biz ozodlikka shuning uchun muhtojmiz”.

* * *

“Hayotdagi mashaqqatlar bizni xarob qilish uchun emas, o‘zimizning yashirin salohiyat va imkoniyatimizni anglash uchun bizga to‘qnash keladi. Mashaqqatlarga mukammal inson ekanligingizni bildirib qo‘ying”.

* * *

“Quyoshdek porlamoq uchun quyoshdek nur sochishni bilish kerak”.

* * *

“Qalbi yuksak insonlar uchun din, bu – do‘stlar orttirish, osuda yashash vositasi. Mayda odamlar esa dinni dahshatli qurolga aylantirishadi”.

* * *

“Kichik maqsad ham go‘yo bir jinoyat – o‘zingga qarshi jinoyat. Doimo o‘zingga munosib baho ber va kichik emas, yuksak cho‘qqini ko‘zla”.

* * *

“To‘g‘ri, men kelishgan odam emasman. Lekin kelisha oladigan odamman. Go‘zallik yuzda emas, ko‘ngilda bo‘ladi”.

* * *

“Modomiki mamlakat korrupsiyadan holi, go‘zal tafakkurli insonlar jamiyatini qurishni xohlar ekan, men buni jamiyatning uchta a’zosi amalga oshirishiga qattiq ishonaman. Ular – ota-ona va o‘qituvchi”.

* * *

“Yaratgan ham tinimsiz mehnat qiladiganlarga yordam berishini tushunib yetgan bo‘lsang kerak. Bu hayotning eng yorqin qoidasi”.

* * *

“Kelajagingni o‘zgartirishga qodir emasdirsan, lekin fe’l-atvor, odatlaringni o‘zgartirish qo‘lingdan keladi. Bu esa o‘z navbatida kelajagingni o‘zgartiradi”.

* * *

“Yomg‘ir yog‘ishi bilan qushlar iniga, pana-pasqamga shoshsa, burgutlargina bulut tepasiga parvoz qiladilar. Xulosa: muammolar bir xil, unga yechim topish yoki topa olmaslik fe’l-atvorga bog‘liq”.

* * *

“Muvaffaqiyatga bag‘ishlangan hikoyalarni o‘qimang: ularning maktubdan farqi yo‘q. Siz muvaffaqiyatsizlikka uchraganlarning hayotini o‘rganing: ular xulosa chiqarishingizga sababchi bo‘lishadi”.

* * *

“Modomiki buyuk bo‘lishni istar ekansan, avvalo millating buyukligi yo‘lida xizmat qil”.

Manba: Shuhrat Sattorovning “Biz g‘alaba qozonamiz: muvaffaqiyat va munosib hayot sirlari” kitobi

“Kim neni izlasa, topgay begumon ...”

Kanaldagi ushbu kitob bo‘yicha shu kunga qadar ulashilgan mavzulardan iborat mundarija ushbu postimizda.

@itspecuz Ochish/sharhlash

2021-01-14 20:39:19 #Juma Muborak!

@alamiy_uz Ochish/sharhlash

2021-01-09 10:40:37 Imom Buxoriyning nidosi

Tugab adogʻiga yetdi darmonim,
Zoʻrgʻa jon saqlayur xalqumda jonim,
Men uchun yeringda joy ham qolmadi,
Meni huzuringga chorla, Rahmonim!

Madinang tomonga burildi yoʻlim,
Faqat hadis yozdi bu ikki qoʻlim.
Aslo niyatimda yoʻq edi oʻlim,
Meni huzuringga chorla, Rahmonim!

Insonman, qalbimda ozgina alam,
Amir huzuriga chorlagan ul dam
Yana ushlolmadim tilimni mahkam,
Meni huzuringga chorla, Rahmonim!

Ajib dindorlaring koʻrdim ming talash,
Ishlari - goʻriga tinmay oʻt qalash,
Bu kaslar ichida hayf erur yashash,
Meni huzuringga chorla, Rahmonim!

Rasul hadisiga ketib ming xayol,
Qalbimga kirmabdi bir zoti ayol,
Shuncha mehnatlarim topmayin zavol,
Meni huzuringga chorla, Rahmonim!

Tiriklar har kuni yoqamdan tutar,
Koʻnglimdan har kecha hasrat, dard oʻtar,
Rivoyatda kelgan asʼhoblar kutar,
Meni huzuringga chorla, Rahmonim!

Dunyoga yarashar kuy-qoʻshiq, baxshi,
Ehtimol ularga foniy ishq yaxshi,
Taxirlab bormoqda hayotning magʻzi,
Meni huzuringga chorla, Rahmonim!

Yetar, sen tomonga yurgim kelyapti,
Otamning yonida turgim kelyapti,
Abu Hurayrani koʻrgim kelyapti,
Meni huzuringga chorla, Rahmonim!

Oltmish uchga kirdim, ortigʻi mushkul,
Oʻngimni qoplayur vaxshiy bir dovul,
Har kuni tushimni band etdi Rasul,
Meni huzuringga chorla, Rahmonim! Ochish/sharhlash

2021-01-08 07:40:17 #Juma Muborak!

@alamiy_uz Ochish/sharhlash

2021-01-04 19:18:55 Kundalik
Miya fikrlarni saqlash emas, yaratish uchun.

Inson sifatida bizning eng katta xatoimiz bu o'z miyamizga juda ko'p ishonib yuborishimizdir. Yoshlikdagi yoki 6 oy avvalgi rasmingni topib ko'rinishing qanday bo'lganini bilishing mumkin, lekin qanday fikrlaganingni bila olasanmi? Yo'q, agar yozib yurmagan bo'lsang.

Men boshlaganimga hech qachon afsuslanmaydigan va kelajakda hech qachon tashlamaydigan bir odatim bor. Bu kundalik yozib borish (journalling).

Bugun sen bilan 2020 yilgi kundaligim statistikasini bo'lishmoqchiman.

2020 yilda 1700 ta note (qayd, eslatma) yozdim, bu kuniga 3-4 ta degani. Nima haqida yozaman? Hamma narsa haqida:

-Hayolimga kelib qolgan idealar (200) - bir nechtasi birlashtirilib keyinchalik ajoyib proyektlarga sabab bo'ladi

-O'xshamagan ishlarim va xatolar (44) - o'z kamchiliklarim ustida ishlashga yordam beradi

-Aqqli insonlarning maslahatlari (250) - rivojlanish uchun

-Allohdan so'ragan duolarim (44) - chunki 1 yil oldin so'ragan hamma narsamga yetishibmanu lekin so'raganimni unutibman)

-Ota onamning yaxshiliklari (106) - men uchun qiladigan ko'pgina ishlari oddiy holdek bo'lib qolgani uchun o'zimga eslatib turishim kerak

-Vaqtimni isrof qilgan narsalar (insonlar, voqealar) - keyinchalik shulardan uzoq yurish uchun

-Hayotimdan hikoyalar (220) - gaplashishga mavzu bo'lmaganda eslab, gapirib berish uchun

-O'lim jurnali (32) - qarindoshlar, tanigan insonlarim, mashhurlar vafot etganda to'ldirib boriladi, hayotdagi maqsadimdan og'ib ketmasligim uchun (bu yil 32ta odam vafot etibdi)

-Dream journal (110) - ko'rgan tushlarim

-Ish jarayoniga oid qaydlar (100)

Natija: Hamma narsani yozib borganim uchun 2020 - yilning istalgan kunida nima ish bilan mashg'ul bo'lganim va nima o'rganganimni bilaman. O'zimni xuddi tashqaridan kuzatayotgandek his o'tadi, yutuq va kamchiliklar yaqqol ko'rinadi. Miyam bo'sh turgani uchun fikr yuritishim teranroq bo'ladi.

Umuman kundalik tutishning foydalari ko'p. Boshqa barcha transformatsiyalarim shundan boshlangan. Mana shu blog ham.

P.S.
Avval aytganimdek kundalik tutishga Evernote va Notion yaxshi, yoki oddiy google docs ishlatsang ham bo'ladi. Muhimi бардак bo'lib ketmasligi uchun boshidan turli jurnallarni ajratib chiq.

Boshladikmi journalling ni? ( ) Ochish/sharhlash