2022-08-26 22:04:38
1-Боб
Барча амаллардаги сӯзлар ва ҳолларнинг махфий ҳамда ошкораларида ихлос билан ният зарурлиги ҳақида.
Аллоҳ таоло: «Ҳолбуки улар фақат ягона Аллоҳга, У зот учун динни холис қилган, тӯғри йӯлдан оғмаган ҳолларида ибодат қилишга ва намозни тӯкис адо этишга ҳамда закотни(ҳақдорларга) ато этишга буюрилган эдилар. Мана шу тӯғри йӯлдаги (миллатнинг) динидир».
{ Баййина сураси, 5-оят}
«Аллоҳга (қилган қурбонликларингизнинг) гӯштлари ҳам, қонлари ҳам етмас. Лекин У зотга сизларнинг тақво-ихлосингиз етар»
{Ҳаж сураси, 37-оят}
«Айтинг (эй Муҳаммад), дилларингиздаги нарсани хоҳ яширинг, хоҳ ошкор қилинг, Аллоҳ билур» {Оли Имрон сураси, 29-оят} деб айтган.
№1 Ҳадис.
Амирул мӯминин Абу Ҳафс Умар ибн Хаттоб розияллоҳу анҳудан ривоят қилинади:
«Росулуллоҳ солаллоҳу алайҳи васалламни: «Амаллар фақат ниятларга кӯрадир. Ҳар кимга ният қилганигина бӯлади. Кимнинг ҳижрати Аллоҳ ва расули учун бӯлса, Аллоҳ ва расулига бӯлади. Кимнинг ҳижрати эришадиган дунёси учун ёки никоҳлаб оладиган аёли учун бӯлса, демак, унинг ҳижрати ӯша ҳижрат қилган нарсаси учундир», деганларини эшитдим.
Бу ҳадисни муҳаддислар имоми Абу Абдуллоҳ Муҳаммад ибн Исмоил ибн Иброҳим ибн Муғийра ибн Бардизба Жӯъфий ал-Бухорий ва Абул Ҳусайн Муслим ибн Ҳажож ибн Муслим ал-Қушайрий ан-Найсобурийлар (Аллоҳ улардан рози бӯлсин) унинг саҳиҳлигига иттифоқ қилиб, тасниф этилган китобларнинг энг саҳиҳи бӯлмиш икки саҳиҳ китобларида ривоят қилишди.
Шарҳ: Ушбу ҳадис «ишлар мақсадларга қараб белгиланади», деб айтилган улкан фиқҳий қоида устига бино қилингандир.
Хаттобий: «Бу ҳадис дин усулларининг энг буюк усулларидандир. Бунинг остига кӯплаб ҳукмлар киради. Маъноси шуки, дин ҳаққидаги амаллар ҳукмнинг саҳиҳлиги ният билан амалга ошади. Ниятлар дуруст нарса билан нодуруст ӯртасидаги ажрим қилувчи нарсадир», деганлар.
2/2. Мўминлар онаси Умму Абдуллоҳ Оиша розияллоҳу анҳодан ривоят қилинади:
«Расулуллоҳ соллаллоҳу алайҳи васаллам:
«Бир тоифа аскарлар Каъбага ҳамла қилишади. Қачонки улар саҳроли ерга келишганида, аввалгилари-ю охиргиларини ер Ютади», дедилар. Шунда мен: «Эй Аллоҳнинг расули, уларнинг аввалги-ю охиргиларини қандай қилиб ер ютади? Ҳолбуки, уларнинг ораларида бозорчилар ва улардан бўлмаганлар ҳам бор-ку?!» десам, у зот: «Ер уларнинг аввалги ва охирларини баробар ютади. Сўнгра (Қиёмат куни) ниятларига мувофиқ тирилтирилади»,
дедилар».
Муттафақун алайҳ.
3/3. Оиша розияллоҳу анҳодан ривоят қилинади:
«Набий соллаллоҳу алайҳи васаллам:
«Макка фатҳ бўлгандан кейин ҳижрат йўқдир. Лекин жиҳод ва ният боқий қолади. Агар у учун чақирилсангизлар, унга сафарбар бўлинглар», деб айтдилар. Муттафақун aлайҳ.
«Солиҳлар Гулшани» китобидан.
┈•┈•✿••❁ ❁••✿•┈•┈
Islomiy_Hayot
┈•┈•✿••❁ ❁••✿•┈•┈
https://t.me/+QKDs0deWBQ5lNTky
934 viewsedited 19:04