Акаликни оқлаган акам, Хато қилсам дўқлаган акам. Мен бебошни | Ибрат вақти!

Акаликни оқлаган акам,
Хато қилсам дўқлаган акам.
Мен бебошни униб ўссин деб,
Йўғимда ҳам йўқлаган акам.

Ўзидан кўп мени ўйлаган,
Ғам чексам минг ғамга бўйлаган.
Кўзим кулиб қўшиқ бошласам,
Қўшилишиб бирга куйлаган.

Чертиб кўнгил созимни акам,
Тинглангиз дил розимни акам.
Кўнглингизни кўтариб юрай,
Акам мени ўзимни акам.

Сиз борсизки тилаги бутман,
Бахти бутман юраги бутман.
Яратганга бе адад шукр,
Армонларга буткул унутман.

Қаддингиздан қучиб яшайман,
Пойингизга жоним тўшайман.
Жонимда сиз қонимда ҳам сиз,
Ўхшасам бир сизга ўхшайман.

Чертиб кўнгил созимни акам,
Куйладим дил розимни акам.
Отам каби бир дуо қилинг,
Акам мани ўзимни акам.!

•┈•┈•┈•┈•❁✿❁•┈•┈•┈•┈