Ислом маданияти тарихида ҳам нутқ маданияти ўзига хос мавқега эгадир. Шарқда, жумладан, Мовароуннаҳрда нотиқлик, воизлик, яъни ваъзхонлик «Қуръон»ни тарғиб қилиш билан муштарак ҳолда сўзнинг аҳамияти, маъноси ва ундан ўринли фойдаланиш борасида кўп яхши фикрлар айтилган. Албатта одамларга ваз қилувчи инсон етарли даражада билимга эга бўлиши, уларга тўғри маълумотларни етказиши ва ғурурга кетмаслиги лозим.
