Бу дунёнинг қиймати. Эй, дунё! Сен қаридинг, вақтинг эса т | 𝑰𝒔𝒍𝒂𝒎🌙

Бу дунёнинг қиймати.
Эй, дунё! Сен қаридинг, вақтинг эса тугаб бормоқда! Қанчадан қанча одамни ўзингни бойликларинг билан алдаб хароб қилдинг! Қанчадан қанча одамлар сени ёлғон гўзаллигингдан кўр бўлишди! Яна қанча одамни ўзингнинг доминга тортмоқчисан? Батахқиқ, сен кўпларни тиз чўктирдинг, фақатгина Аллоҳ раҳм қилган бандалари бундан мустасно...
Дунё - бу ердаги вақтинча бўлган хаётдир, бу шунчаки охират йўналишидаги бир бекат тимсоли. Дунё бир денгизга ўхшайди, инсонлар охират соҳилига етиб олиши учун сузиб ўтишлари керак бўлган бир денгиз. Бу денгизда Нуҳ алайхиссаломни қутқарган кема каби бир кема бор, у тақводир. Одамлар эса чўкаётган бир ночорларга ўхшайди, хеч ким денгизда абадий қолмайди, ёки чўкади, ёки соҳилга етиб олади. Фақатгина аҳмоқ одам чўкаётган бир пайтда роҳат қилиб қолгиси, мол жамлаб олгиси келади. Наҳотки мана бу оятни эшитмаган бўлсангиз: “Билингки, албатта, бу дунё ҳаёти ўйин, кўнгил эрмаги ва зеб-зийнатдан, ўзаро фахрланишдан, мол-мулкни ва бола-чақани кўпайтиришдан иборатдир. Ҳудди ўсимлиги деҳқонларни ажаблантирган ёмғирга ўхшайдир. Кейинроқ бу ўсимликлар қурийдир ва сарғайганини кўрасан. У сўнгра хас чўпга айланиб кетадир. Охиратда эса қаттиқ азоб бор, Аллоҳдан мағфират ва розилик бор. Бу дунё хаёти ғурурга кетказувчи матодан ўзга нарса эмас.” [57:20]
Ва яна Аллоҳ таоло Аср сурасида шундай дейди: “Албатта инсон хусрондадир. Магар иймон келтирганлар ва солиҳ амаллар қилганлар, бир-бирларини хақга чақирганлар ва бир-бирларини сабрга чақирганлар мустаснодир.”