2023-03-13 10:09:09
МЕНСИЗЛИККА СИЗ КЎНИБ ЯШАНГ...
Қолмадингиз у кун қўлимдан тутиб,
Висол онларини интизор кутиб,
Қалбда сўнган умид учқунин титиб,
Энди менсизликка сиз кўниб яшанг.
Ишқни кўнглингизга сиз кўмиб яшанг.
Ўшал хотиралар берганда азоб,
Ашкларим кўзимдан томганда шу тоб,
Юрак типирчилар, қийнар изтироб,
Энди менсизликка сиз чидаб яшанг.
Дилни ҳажр тийғи-ла тимдалаб яшанг.
Сочларим силолмас, қўлингиз олис,
Манзилингиз олис, йўлингиз олис.
Майли, чидар кўнгил, бўлингиз олис,
Энди менсизликка ўрганиб яшанг,
Хоҳ унутинг, хоҳи ўртаниб яшанг.
Беҳудадир энди чекмоқ, ғам-азоб,
Бари ортда қолди, барчаси сароб.
Ишқ бизни найлади-- айлади хароб,
Энди менсизликка сиз кўниб яшанг,
Тақдирнинг ҳукмига бўйсуниб яшанг.
Ғам-аламни ортга отиб ташладим,
Ғаюрлар кўнглини илкис ғашладим.
Барчасини яна бошдан бошладим,
Энди сизсизликка кўниб яшайман,
Севгимни кўнглимга кўмиб яшайман...
𝐓𝐞𝐥𝐞𝐠𝐫𝐚𝐦 | ИШҚ КИТОБИ
51 views(✿ )( ✿), edited 07:09