2022-12-16 21:00:01
Biroz sog‘inibman uyimiz ona
Shahar ko'chalari torlik qilyapti.
Sog‘inchim aytaman takrorlab yana
Ko‘zimdan sog'inchim hamma bilyapti.
Endi kun sanayman oz qoldi, ona
Jannatiy iforing hidlab, to‘ygani.
Senga bildirmagan necha ming nola
Tun-u kun bag‘rimni azob o‘ygani.
Ona, otamni ko‘p sog‘inib ketdim
Erkalab suyardi hammadan ko'proq.
Bobo-buvim qilgan duoga yetdim
Armonlar izimdan qilmasin so‘roq.
Har kun oshiqaman o‘sha o‘qishga
Gohida o'qishdan nafratlanaman.
Sendan, yaqinlardan ajratganiga
O‘qishdek tashvishni yomon ko'raman.
Ona, bobo-buvim joni omonmi?
Ukam yuribdimi duosin olib?
Siz ham sog‘inyapsizmi men yomonni?
Barcha yumushingiz bir chetda qolib.
Otam, ishdan qaytsa kim chiqar chopib
"Menga nima olib keldingiz?" deydi?
Ona, sog‘inchlarim dunyodan ko‘proq
Nasib, tez orada borib qolamiz.
Samarqand hidi va Toshkent havosin
Onam - Navoiyga olib boramiz.
Ona, tez kunlarda uyda bo‘lamiz...
1.8K views18:00