irakseT | Teskari

2022-12-26 20:38:00 ​#ģiybat

Jobir ibn Abdulloh, Alloh ikkalasidan ham rozi bo‘lsin, shunday rivoyat qildi: “Payg‘ambarimiz  ﷺ zamonlarida sassiq bir hidli shamol  esib qoldi. Shunda Payg‘ambarimiz  ﷺ: “Munofiqlar musulmonlarni g‘iybat qildilar, shuning uchun badbo‘y hidli shamol esyapti”,— dedilar”. 
Hakimlarning ba’zilariga aytildi: “Payg‘ambarimiz ﷺ zamonlarida g‘iybat shamoli sassiqligining bilinishida va bizning zamonamizda bu narsaning yo‘qligida qanday hikmat bor?” 
Javob berishdiki: “Chunki bizning davrimizda g‘iybat ko‘payib, burunlarimiz g‘iybatning sassiq hidi bilan to‘lib bitgan. Buning o‘xshashi: Bir kishi teri oshlovchilarning oldilariga kirsa, terining sassiq hididan ularning yonlarida tura olmaydi, biroq u joyda ishlovchilar bemalol ishlab, o‘sha joyda ovqatlanib, choy ichishadilar, ular sassiq hidni sezmaydilar. Chunki ularning burunlari shu sassiq hid bilan to‘lib bo‘lgan. Bizdagi hozirgi g‘iybat ishlari shunday holatdadir”.

«Tanbehul g'ofilin», Abu Lays as-Samarqandiy


@irakseT Ochish/sharhlash

2022-12-26 06:13:32 Ibn Abbosdan (r.a.) rivoyat qilinadi. Rasululloh (s.a.v.) «Tuyaga o‘xshab bir
ho‘plamda ichmanglar. Ikki va uch ho‘plam qilib ichinglar. Ichayotganda: «Bismillah»,
denglar. Ichib bo‘lib: «Alhamdulillah», deb aytinglar», dedilar.

Termiziy rivoyati


-


The Messenger of Allah (ﷺ) said, "Do not drink in one gulp like a camel, but in two or three (gulps). Mention the Name of Allah (i.e., say Bismillah) when you start drinking and praise Him (i.e., say Al-hamdu lillah) after you have finished (drinking)."

At- Tirmidhi

@irakseT Ochish/sharhlash

2022-12-26 05:59:25 #teskari

Musiqa eshitsam ko'nglim taskin topadi.

«Ayo, Allohning zikri ila qalblar orom topmasmi?», 13:28

@irakseT Ochish/sharhlash

2022-12-26 05:53:49 #teskari

Ertaklar yaxshilikka yetaklar.

Ertaklar dangasalikka yetaklar.

Izoh: xazina topib olish, tilla sandiq, oltin baliq, oltin tarvuz va o'sha mashxur laylak haqidagi ertaklar bolani boshqa qanday ruhda ham tarbiyalardi?!

@irakseT Ochish/sharhlash

2022-12-24 19:03:54 — Siz chiroylisiz, ammo yuragingiz bo‘m-bo‘sh — davom etdi Kichkina shahzoda. — Fido bo‘lishga arzimaysiz.

Ekzyuperi Ochish/sharhlash

2022-12-24 17:28:31 Hech qachon sizga eng ko‘p g‘amxorlik qilayotgan, sizga talpinayotgan insonga bee'tibor bo‘lmang. Chunki bir kun siz uyg‘onishingiz va yulduzlarni sanab, oyni yo‘qotganingizni anglashingiz mumkin.

                                     Ekzyuperi


@irakseT Ochish/sharhlash

2022-12-18 21:56:06 Eh, irqchilar...
Bugun butun dunyoning yuragini charchatgan, tomoqlarinida ishdan chiqargan yigit Mbappe edi...

U Argentinani yenga oldi ! Ochish/sharhlash

2022-12-10 22:50:39 Тарих саҳифаларини варақлар эканмиз, 1458 йили Португалия қироли Афонсу V Марокашнинг бир қисмини босиб олиб, ўз ҳукмини анча вақт ўтказиб келганини кўрамиз.

Кейин мамлакатда испанларнинг экспансияси бошланди. Бу босқин ишлари гоҳида бостирилди, гоҳида яна авж олди.

19-аср охирларида Марокаш Испания, Франция ва Британия ўртасида талаш бўлди. Суданнинг бир қисмини босиб олган французлар ўлжа илинжида шу диёрга ҳам кўз тикди. Бир муддат англо-француз қизиқишлари билан Марокаш аҳлидан ҳатто Франция армиясига ҳам одам олиб кетиш бошланди. 1911 йилга келиб эса, французлар мутлақ мамлакатга эгалик қилишди.

Ўтган аср ўрталарида оғир муаммолар гирдобига тушиб қолганида, бу юрт фарзандлари Европадан, хусусан, Бельгиядан иш излаб кетган. Шу боис, ҳозирда Брюссель аҳолиси деганда кўз ўнгимизга марокашликлар келади. Катта диаспора етишиб чиқди.

Ҳар куни эфирга узатилатиётган рекламада айтилганидек, муносабатларни майдонда ҳал қилиб олиш бошланса, Марокаш ҳар бир мамлакат билан ҳисоблашаётгандек. Олдин Бельгия, кейин Испания, сўнг Португалия. Босқинчилар рўйхатида Франция ва Британия борлигини ҳисобга олсак, ярим финални ҳам интиқлик билан кутамиз.

@xayrulla_hamidov Ochish/sharhlash

2022-12-09 22:06:28 Shamol sharqdan essa sabodur,
G'arbdan essa vabodur...

Rumiy

@irakseT Ochish/sharhlash

2022-12-08 07:43:40 Huvillab qolmaydi sensiz bu olam,
Do‘stlaring zor emas bilganingchalik.
O‘lsam ne bo‘lgay deb sira tortma g‘am,
Ketganing xabari kelganingchalik.

Har inson zotiga zarurman dema,
Kimgadir tuproqsan, kimgadir olmos.
Xudo saqlasin-u, gohi-gohida
Hatto o‘zingga ham keraging qolmas.

O‘tkirbek Muhammadsobir


@irakseT Ochish/sharhlash