2021-01-30 23:16:34
* * * * * *Ko‘zlarimga bostirib kelib,
Yengib qo‘yar ba’zida g‘aflat.
Ko‘zimdamas, gunoh o‘zimda,
Yo Haliym! Qilib tur mag‘firat!
Sal erk bersam, haddidan oshib,
Nafsim ko‘ngil ko‘zin cho‘qiydi.
Shu fursatni boy bermay, shoshib,
Shayton dilga kafan to‘qiydi.
Doim yetmay qolar ul mato,
Iymon dilni keng qilaverar.
Salovat-la o‘ng va chapiga
Salomini teng qilaverar!
Ikki xolis yozuvchi hushyor,
Qoralanaverar daftarim.
So‘nggi damda og‘ir kelsaydi,
Oq daftarga to‘lgan amalim!
Ikki dunyo bir qadam. Hali
Shul qadamim havoda, shukur!
Tahoratsiz ketmasin ko‘nglim...,
Yo Rahmonim, O‘zing buyukdir...!
Ozoda Ro‘ziqul qizi
01.2021t.me/ozodahabibullayeva
22 viewsHabibullayeva Ozoda, 20:16