2021-02-04 09:27:26
Servantes. "Don Kixot" romanidagi tagiga chizib o‘qiladigan satrlar ✓ Fahmsiz kishilarninggina hazil-mutoyibaga mayli bo‘lmaydi.
✓ Biz bu dunyodan safar qilar ekanmiz, shoh ham, gado ham bitta so‘qmoqdan o‘tishadi; papa so‘fidan qancha aziz bo‘lmasin, ikkalasi uchun ham ikki gaz yer yetadi.
✓ Duenyalar uchun saroylarda savlat to‘kib o‘tirishdan ko‘ra hayvonlarga qarash juda bop keladigan ish.
✓ Ov va boshqa dilxushliklar
gubernatordan ko‘ra bekorchilarga ko‘proq yarashadi.
✓ Xudodan qo‘rqsang, aql bilan ish yuritsang xato qilmaysan.
✓ Inson umri o‘z intihosi tomon shamoldan tezroq yeladi, hech qayoqqa qaramaydi, hech qayoqqa quloq qoqmaydi.
✓ Gubernatorlik lavozimi meni tark etmasdan turib, ilgariroq men uni tark etdim.
✓ Ozodlik — tangri insonlarga ato qilgan baxt-saodatlarning eng mo‘tabaridir. Yer qa’rida va dengiz tubida yashirinib yotgan jamiki xazinayu boyliklar unga teng kelolmaydi. Ozodlik yo‘lida, shon-sharafni himoya qilgandek, jonni tikish mumkin va zarur. Tutqunlik esa, aksincha, inson boshiga tushadigan falokat va baxtsizliklarning eng kattasidir.
✓ Peshonasiga bitilgan bir burda nonni minnatsiz yeydigan kimsa olamda eng baxtiyor odamdir.
✓ Oqil gunohkorlar befarosat gunohkorlarga qaraganda tezroq tuzaladilar.
@iqtibosvaqti
1.4K viewsSohib Rajabov, 06:27